ଆମେରିକାରେ କିଏ ହେବ ରାଷ୍ଟ୍ରପତି: ଗଣତିରେ ଆଗରେ ବାଇଡେନ୍, ପଛରେ ଟ୍ରମ୍ପ; ବହୁମତ ପାଇଁ ଆବଶ୍ୟକ ୨୭୦ ଇଲେକ୍ଟରାଲ୍ କଲେଜ୍ ଭୋଟ୍
କନକ ବ୍ୟୁରୋ: ଆମେରିକା ବାଛୁଛି ରାଷ୍ଟ୍ରପତି । ଏଥିପାଇଁ ଶେଷ ହୋଇଛି ଭୋଟ୍ ଗ୍ରହଣ । ଏବେ ସମସ୍ତଙ୍କ ନଜର ଗଣତି ଉପରେ । କିଏ ହେବ ଆମେରିକାର ନୂଆ ରାଷ୍ଟ୍ରପତି, ଏହା ଉପରେ ରହିଛି ସାରା ବିଶ୍ୱର ନଜର । ଆମେରିକାରେ ରାଷ୍ଟ୍ରପତି ହେବା ପାଇଁ ଆବଶ୍ୟକ ୨୭୦ ଇଲେକ୍ଟୋରାଲ୍ ଭୋଟ୍ । ସୂଚନା ଅନୁସାରେ ଏବେ ଜୋ ବାଇଡେନଙ୍କୁ ୨୨୩ ଏବଂ ଟ୍ରମ୍ପ ୨୧୨ ଇଲେକ୍ଟୋରାଲ୍ କଲେଜ ଭୋଟ୍ ମିଳିଛି । ପ୍ରାଥମିକ ରିପୋର୍ଟ ଅନୁସାରେ ଡେମୋକ୍ରାଟିକ୍ ପ୍ରାର୍ଥୀ ଜୋ ବାଇଡେନ , ଟ୍ରମ୍ପଙ୍କ ଠାରୁ ଆଗରେ ରହିଛନ୍ତି । ଆମେରିକା ଗଣମାଧ୍ୟମ ରିପୋର୍ଟ ଅନୁସାରେ ରାଷ୍ଟ୍ରପତି ଟ୍ରମ୍ପ ଅଲବାମା, ମିସିସିପି, ଓକଲାହୋମ୍ ଏବଂ ଟେନେସିରେ ବିଜୟୀ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଡେମୋକ୍ରେଟ୍ ପ୍ରାର୍ଥୀ ଜୋ ବାଇଡେନ କନେକ୍ଟିକଟ୍, ଡେଲାବେୟର, ଇଲିନୋଇସ୍, ମେରିଲାଣ୍ଡ, ମାସାଚୁସେଟସ୍, ନ୍ୟୁଜର୍ସି ଏବଂ ରୋଡ୍ ଆଇଲାଣ୍ଡ ରାଜ୍ୟରେ ବିଜୟୀ ହୋଇଛନ୍ତି । କେଂଟୁକି ଏବଂ ଇଣ୍ଡିଆନାରେ ଟ୍ରମ୍ପ ବିଜୟୀ ହୋଇଛନ୍ତି । ଆରକାନାସରେ ଟ୍ରମ୍ପ , ନ୍ୟୁୟର୍କରେ ଜୋ ବାଇଡେନ୍ ବିଜୟୀ ହୋଇଛନ୍ତି । ଏଥିସହ ବହୁ ସଂଖ୍ୟାରେ ନାଗରିକ ମେଲ ଇନ୍ ବ୍ୟାଲାଟ ଓ ପୋଷ୍ଟାଲ ଜରିଆରେ ଭୋଟ ଦେଇଛନ୍ତି । ଏହାର ଗଣତି ସରିନାହିଁ । ଏସବୁକୁ ମିଶାଇଲେ ଚୂଡାନ୍ତ ଫଳାଫଳ ଆସିବ । ଆମେରିକାରେ ଫ୍ଲୋରିଡା, ନର୍ଥକାରୋଲିନା, ଓହିଓ ଏବଂ ପେନସିଲଭାନିଆରେ ଟ୍ରମ୍ପ ଏବଂ ବାଇଡେନଙ୍କ ମଧ୍ୟରେ କଡା ଟକ୍କର ଦେଖିବାକୁ ମିଳିଛି । ଫ୍ଲୋରିଡାରେ ଟ୍ରମ୍ପ ଜିତିବା ପରେ ନିର୍ବାଚନ ଫଳା ଫଳ ଅଧିକ ରୋଚକ ହୋଇଛି ।
ଆମେରିକାର ବିଗ ବିସ କିଏ ହେବ ତା ଉପରେ ସାରା ବିଶ୍ୱର ନଜର ରହିଛି । ଆସନ୍ତା ୪ ବର୍ଷ ପାଇଁ ବିଶ୍ୱର ସବୁଠାରୁ ଶକ୍ତିଶାଳୀ ରାଷ୍ଟ୍ରର କିଏ ମୁଖ୍ୟ ହେବ ସେ ନେଇ ଆମେରିକାବାସୀ ନିଜର ମତ ରଖିସାରିଛନ୍ତି । ଆମେରିକାର ୪୬ ତମ ରାଷ୍ଟ୍ରପତି ପଦ ପାଇଁ ଚାଲିଥିବା ଭୋଟିଂ ଶେଷ ହୋଇଛି ।
ନଜର ପକାଇବା କେଉଁ ରାଜ୍ୟରେ କିଏ ଆଗରେ ରହିଛି
-ଆମେରିକା ବହୁମତ ପାଇଁ ଆବଶ୍ୟକ ୨୭୦ ଇଲେକ୍ଟରାଲ୍ କଲେଜ୍ ଭୋଟ୍
-ବର୍ତମାନ ସୁଦ୍ଧା ପ୍ରାରମ୍ଭିକ ଗଣତି ଚାଲିଛି
-ଡେମୋକ୍ରାଟ ପ୍ରାର୍ଥୀ ଜୋ ବାଇଡେନଙ୍କୁ ୨୨୩ ଇଲେକ୍ଟରାଲ୍ ଭୋଟ ମିଳିଛି
-ରିପବ୍ଲିକାନ ପ୍ରାର୍ଥୀ ତଥା ରାଷ୍ଟ୍ରପତି ଡେନାଲ୍ଡ ଟ୍ରମ୍ପଙ୍କୁ ମିଳିଛି ୨୧୨ ଭୋଟ
-ସିଏନଏନ ଅନୁସାରେ, ଜୋ ବାଇଡେନ ନ୍ୟୁ ଜର୍ସିରେ ବିଜୟୀ ହୋଇଛନ୍ତି
-ନ୍ୟୁ ଜର୍ସିରେ ମୋଟ ୧୪ ଇଲେକ୍ଟ୍ରୋରାଲ ଭୋଟ ରହିଛି
-ଫ୍ଲୋରିଡାରେ ଟ୍ରମ୍ପଙ୍କ ବଡ ବିଜୟ
-ଭର୍ଜିନିଆ, ଇଣ୍ଡିଆନା,ଟେନେସି ଓ ଓଖଲାମା ଭଲି ରାଜ୍ୟରେ ଟ୍ରମ୍ପ ଆଗରେ ଅଛନ୍ତି
-ଡେଲବେୟର, ୱାଂଶିଟନ ଡିସିରେ ବାଇଡେନ ଆଗରେ
-ଭୋଟ ସରିଥିବା ରାଜ୍ୟରେ ପ୍ରାରମ୍ଭିକ ଟ୍ରେଣ୍ଡ ଆସିବାରେ ଲାଗିଛି