ଜୋ-ବାଇଡେନ୍ ରାଷ୍ଟ୍ରପତି ହେବା ପରେ ପ୍ରଥମ ଥର ଭାରତ ଆସୁଛନ୍ତି ଆମେରିକାର ପ୍ରତିରକ୍ଷା ସଚିବ । ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହୋଇପାରେ ଆଲୋଚନା
କନକ ବ୍ୟୁରୋ : ଆମେରିକାର ପ୍ରତିରକ୍ଷା ସଚିବ ଲାୟଡ ଜେ ଅଷ୍ଟିନ ୩ ଦିନିଆ ଭାରତ ଗସ୍ତରେ ଆସି ଆଜି ଭାରତରେ ପହଂଚିବେ ବୋଲି ସୂଚନା ମିଳିଛି । ଆମେରିକାର ରାଷ୍ଟ୍ରପତି ଭାବେ ଜୋ- ବାଇଡେନ ଶପଥ ନେବା ପରେ ପ୍ରଥମଥର ପାଇଁ ତାଙ୍କ ମନ୍ତ୍ରୀ ମଣ୍ଡଳରୁ ଜଣେ ମନ୍ତ୍ରୀ ଭାରତ ଆସିବା ନେଇ ଅନେକ ସମ୍ଭାବନା ଦେଖା ଦେଇଛି । ଏହି ଗସ୍ତ ସମୟରେ ଅଷ୍ଟିନ୍ ଭାରତର ପ୍ରତିରକ୍ଷା ମନ୍ତ୍ରୀ ରାଜନାଥ୍ ସିଂ ଓ ଏନଏସଏ ଅଜିତ୍ ଡୋଭାଲଙ୍କୁ ଭେଟିବାର କାର୍ଯ୍ୟକ୍ରମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଲାୟଡ ଶୁକ୍ରବାର ସନ୍ଧ୍ୟାରେ ଭାରତ ପହଂଚିବା ପରେ ଶନିବାର ଦିନ ପ୍ରଥମେ ସେ ନ୍ୟାଶନାଲ ୱାର ମେମୋରିଆଲରେ ସହିଦ ହୋଇଥିବା ବୀର ସୈନିକଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିବେ । ଏହି କାର୍ଯ୍ୟକ୍ରମ ବେଳେ ଭାରତର ୩ ସେନା ପକ୍ଷରୁ ତାଙ୍କ ଗାର୍ଡ ଅଫ୍ ଅନର୍ ପ୍ରଦାନ କରାଯିବ । ଏହାପରେ ସେ ପ୍ରତିରକ୍ଷାମନ୍ତ୍ରୀ ରାଜନାଥ ସିଂଙ୍କ ସହ ବୈଠକ କରିବେ । ଏହି ବୈଠକରେ ଉଭୟ ଦେଶର ସୈନ୍ୟ ପ୍ରତିନିଧି ଉପସ୍ଥିତ ରହିବେ ।
ଆମେରିକା ପ୍ରତିରକ୍ଷା ବିଭାଗର ସୂଚନା ମୁତାବକ ଲାୟଡ ନିଜ ସମକକ୍ଷଙ୍କ ସହ ଜାତୀୟ ସୁରକ୍ଷା ନେଇ ଅନେକ ପ୍ରସଙ୍ଗ ଉପରେ ଆଲୋଚନା କରିବେ । ଏହାସହ ଉଭୟ ଦେଶ ମଧ୍ୟରେ ପ୍ରତିରକ୍ଷା ସଂପର୍କ ମଜବୁତ କରିବା ନେଇ କିଛି ବିଶେଷ ଘୋଷଣା କରିପାରନ୍ତି ବୋଲି ଅନୁମାନ କରାଯାଇଛି । ପ୍ରଶାନ୍ତ ମହାସାଗର ଓ ଭାରତ ମହାସାଗରରେ ଚୀନର ଏକଛତ୍ରବାଦ ଆଧିପତ୍ୟ ଉପରେ ଆଲୋଚନା ହେବ ବୋଲି ଆମେରିକା ପକ୍ଷରୁ କୁହାଯାଇଛି ।