ପଦାରେ ପଡିଲା ଆମେରିକାର ଦୋମୁହାଁ ନୀତି । ଗୋଟିଏ ପଟେ ତାଗିଦ କରୁଛି ଅନ୍ୟ ପଟେ ଏଫ୍-୧୬ ଯୁଦ୍ଧ ବିମାନ ଦେବା ଲାଗି ନିଷ୍ପତ୍ତି ନେଉଛି
କନକ ବ୍ୟୁରୋ : ପଦାରେ ପଡିଲା ଆମେରିକାର ଦୋମୁହାଁ ନୀତି । ପୁଣି ପାକକୁ ବଢାଇଲା ସହଯୋଗର ହାତ । ଇମ୍ରାନଙ୍କ ଗସ୍ତ ପରେ ପାକିସ୍ତାନ ପ୍ରେମରେ ପଡିଲେ ଟ୍ରମ୍ପ । ସାରା ବିଶ୍ୱ ଯେଉଁ ସମୟରେ ଆତଙ୍କବାଦୀକୁ ନେଇ ଚିନ୍ତାରେ ରହିଛି ଠିକ ସେହି ସମୟରେ ପାକିସ୍ତାନକୁ ଯୁଦ୍ଧ ବିମାନ ଦେବା ଲାଗି ସମତ୍ତି ଜଣାଇଛି । ଏହି ଖବର ଜଣାପଡିବା ପରେ ସାରା ବିଶ୍ୱ ସ୍ତବ୍ଧ । ପାକିସ୍ତାନ ଭଳି ଦେଶକୁ ଆମେରିକା ଯଦି ପୁଣି ଥରେ ଯୁଦ୍ଧ ବିମାନ ଦିଏ ତେବେ ତାହାର ସେ ଅପବ୍ୟବହାର କରିବା ନେଇ ସନ୍ଦେହ ମଧ୍ୟ ସୃଷ୍ଟି ହେଲାଣି । ହେଲେ କାହିଁକି ଆମେରିକା ପାକିସ୍ତାନକୁ ବାରମ୍ବାର ଚେତାବନୀ ଦେବା ପରେ ମଧ୍ୟ ସାହାଯ୍ୟର ହାତ ବଢାଉଛି ତାହାକୁ ନେଇ ଏବେ ଚର୍ଚ୍ଚାଜୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ, ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଆମେରିକା ଗସ୍ତର ତୁରନ୍ତ ବାଦ ଟ୍ରମ୍ପ୍ ପ୍ରଶାସନ ଏକ ଚକିତକାରୀ ନିଷ୍ପତ୍ତି ନେଇଛନ୍ତି। ଆମେରିକା ପ୍ରତିରକ୍ଷା ବିଭାଗ ପେଣ୍ଟାଗନ ପାକିସ୍ତାନକୁ ଶକ୍ତିଶାଳୀ ଯୁଦ୍ଧ ବିମାନ ଏଫ୍-୧୬ ବିକ୍ରି କରିବାକୁ ମଂଜୁରି ଦେଇଛି। ୧୨୫ ନିୟୁତ ଡଲାରରେ ଏହି ଚୁକ୍ତି ସଂପନ୍ନ ହୋଇଥିବା ଜଣାପଡ଼ିଛି। ପେଣ୍ଟାଗନ ଏ ବାବଦରେ ଆମେରିକା କଂଗ୍ରେସକୁ ସୂଚନା ଦେଇଛି। ଚଳିତ ବର୍ଷ ବାଲାକୋଟରେ ଆତଙ୍କବାଦୀ ଶିବିର ଉପରେ ଭାରତର ଆକ୍ରମଣ ପରେ ପାକିସ୍ତାନ ପାକିସ୍ତାନ ଏଫ୍-୧୬ ଯୁଦ୍ଧ ବିମାନ ଭାରତ ବିରୋଧରେ ବ୍ୟବହାର କରିଥିଲେ। ଭାରତୀୟ ବାୟୁସେନା ପାକିସ୍ତାନର ଅଭିଯାନକୁ ପଣ୍ଡ କରିବା ସହ ଗୋଟିଏ ଏଫ୍-୧୬ ବିମାନକୁ ଖସାଇ ଦେଇଥିଲା। ପାକିସ୍ତାନକୁ ଏଫ୍-୧୬ ବିକ୍ରି ନିଷ୍ପତ୍ତି ଯୋଗୁଁ ଭାରତ-ଆମେରିକା ଦ୍ବିପାକ୍ଷିକ ସଂପର୍କ ପ୍ରଭାବିତ ହେବା ଆଶଙ୍କା କରାଯାଉଛି ।