କନକ ବ୍ୟୁରୋ: ‘କାବୁଲ ହୋଟେଲରେ ଥିଲେ ତୁରନ୍ତ ଛାଡି ପଳାଅ । ହୋଟେଲ ପାଖାପାଖି ମଧ୍ୟ ରୁହନି’ । ବ୍ରିଟେନ ଓ ଆମେରିକା ନାଗରିକଙ୍କୁ ଏପରି ଆଲର୍ଟ କରିଛନ୍ତି ଉଭୟ ଦେଶ ସରକାର । ବିଶେଷ କରି କାବୁଲ ସ୍ଥିତ ସେରେନା ହୋଟେଲ ଉପରେ ଏପରି ଆଲର୍ଟ ଜାରି କରିଛନ୍ତି ଆମେରିକା ବିଦେଶ ମନ୍ତ୍ରଣାଳୟ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କାବୁଲ ହୋଟେଲ ପାଖାପାଖି ବଡ ଧରଣର ଆକ୍ରମଣ ହେବାର ସୂଚନା ପାଇବା ପରେ ଆମେରିକା ଗୁଇନ୍ଦା ଏଜେନ୍ସି ଏନେଇ ଆମେରିକା ସୁରକ୍ଷା ମନ୍ତ୍ରଣାଳୟକୁ ଜଣାଇଥିଲା । ଏହାସହ କାବୁଲ ଗସ୍ତକୁ ବାତିଲ କରିବାକୁ ମଧ୍ୟ ସତର୍କ କରାଇଛନ୍ତି । ଆମେରିକାର ଚେତାବନୀ ଏପରି ସମୟରେ ଆସିଛି ଯେଉଁ ସମୟରେ ଆଫଗାନିସ୍ତାନରେ ବିସ୍ଫୋରଣର ଭୟ ଲୋକଙ୍କ ଡରାଉଛି । କାରଣ ଗତ ସପ୍ତାହରେ କୁନ୍ଦୁଜ ପ୍ରାନ୍ତରରେ ଥିବା ମସଜିଦରେ ବିସ୍ଫୋରଣ ଘଟି ୧୦୦ରୁ ଅଧିକ ଲୋକ ପ୍ରାଣ ହରାଇଥିଲେ ।