ଇସ୍ରାଏଲ ଓ ହମାସ ଯୁଦ୍ଧ ଭିତରେ ସିରିଆରେ ଆମେରିକାର ଏୟାରଷ୍ଟ୍ରାଇକ୍ । ଇରାନକୁ ସମର୍ଥନ କରୁଥିବା ଆତଙ୍କୀ ସଂଗଠନର ଠିକଣା ଉପରେ ଆକ୍ରମଣ
କନକ ବ୍ୟୁରୋ : ହମାସ- ଇସ୍ରାଏଲ ଯୁଦ୍ଧର ପ୍ରଭାବ ଏବେ ଅନ୍ୟ ଦେଶରେ । ସିରିଆ ଉପରେ ଏୟାର ଷ୍ଟ୍ରାଇକ କଲା ଆମେରିକା । ଗୋଟିଏ ପଟେ ଉତର ଗାଜାରେ ଇସ୍ରାଏଲ ସେନା ପ୍ରବେଶ କରିଥିବା ବେଳେ ଅନ୍ୟପଟେ ଏୟାର ଷ୍ଟ୍ରାଇକ କରିଛି ଆମେରିକା । ଉତର ଇରାନରେ ଥିବା ଆମେରିକାର ସେନା ଶିବିର ଉପରେ ଆକ୍ରମଣ ପରେ ଆମେରିକା ପ୍ରତିଆକ୍ରମଣ କରିଛି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବ ସିରିଆରେ ଥିବା ଇରାନର ଇସଲାମିକ କ୍ରାନ୍ତିକାରି ଗାର୍ଡ ଗ୍ରୁପର କେତକ ଆଡ୍ଡା ଉପରେ ଆକାଶ ମାର୍ଗରୁ ମିଶାଇଲ ମାଡ କରିଛି ଆମେରିକା ସେନା । ଉତର ଇରାନରେ ଥିବା ଆମେରିକାର ସେନା ଶିବିର ଉପରେ ଇସଲାମିକ କ୍ରାନ୍ତିକାରି ଗାର୍ଡ ଗ୍ରୁପ ପକ୍ଷରୁ ପ୍ରଥମେ ଆକ୍ରମଣ କରାଯାଇଥିଲା । ପରେ ଆମେରିକା ଏହାର ଜବାବ ଦେବାକୁ ଯାଇ ଆକ୍ରମଣ କରିଛି ।
ସେପଟେ ଇରାନ ସେନା ସମରାଭ୍ୟାସ ଆରମ୍ଭ କରିଛି । ହମାସକୁ ଇରାନ ସମର୍ଥନ କରୁଥିବାରୁ ଆଗକୁ ଯୁଦ୍ଧ ଭୟଙ୍କର ରୂପ ନେବ ବୋଲି ଆଶା କରାଯାଉଛି । ତେବେ ଇସ୍ରାଏଲର ଆକ୍ରମଣରେ ୭ ହଜାର ପାଲେଷ୍ଟାଇନଙ୍କ ମୃତ୍ୟୁ ହୋଇଥିବା ନେଇ ଗାଜା ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି ।