ହସ୍ପିଟାଲ ବେଡରେ ଋଷଭ, ଭାଇରାଲ ହେଲା ଉର୍ବଶୀଙ୍କ ଇନଷ୍ଟାଗ୍ରାମ ପୋଷ୍ଟ । କିଛି ଏମିତି ଲେଖିଛନ୍ତି ବଲିଉଡ ଅଭିନେତ୍ରୀ ଉର୍ବଶୀ ।
କନକ ବ୍ୟୁରୋ : ଉତ୍ତରାଖଣ୍ଡରୁ ଦିଲ୍ଲୀ ଫେରୁଥିବା ସମୟରେ କ୍ରିକେଟର ଋଷଭ ପନ୍ତଙ୍କ ଗାଡି ଦୁର୍ଘଟଣାଗ୍ରସ୍ତ ହୋଇଛି । ଏହି ଦୁର୍ଘଟଣାରେ ଋଷଭଙ୍କ ଗାଡି ସମ୍ପୂର୍ଣ୍ଣ ଭାବେ ଜଳି ଯାଇଥିବା ବେଳେ ଅଳ୍ପକେ ରକ୍ଷା ପାଇ ଯାଇଛି ଋଷଭଙ୍କ ଜୀବନ । ଡିଭାଇଡରରେ ପିଟି ହେବା ପରେ ପନ୍ତଙ୍କ ଗାଡି ଜଳିଯାଇଥିଲା । ପିଠି, ଦେହ, ଆଙ୍ଗୁଠି ଓ ମୁଣ୍ଡରେ ଲାଗିଛି ଆଘାତ । ଋଷଭଙ୍କ ମୁଣ୍ଡରେ ଦୁଇଟି କ୍ଷତ ହୋଇଛି । ତାଙ୍କ ଜୀବନ ପ୍ରତି ବିପଦ ନଥିବା ଡାକ୍ତର ସ୍ପଷ୍ଟ କରିଛନ୍ତି । ଏଭଳି ପରିସ୍ଥିତିରେ ସେ କ୍ରିକେଟ୍ ଠାରୁ ବହୁତ ସମୟ ଦୂରରେ ରହିପାରନ୍ତି । ଏସବୁ ଭିତରେ ଋଷଭ ଖୁବଶୀଘ୍ର ସୁସ୍ଥ ହୋଇ ଫେରି ଆସନ୍ତୁ ବୋଲି ଦେଶ ବିଦେଶରୁ ଅନେକ ବ୍ୟକ୍ତି ପ୍ରାର୍ଥନା କରିଛନ୍ତି । ଏପରିକି ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ପୁଷ୍କର ସିଂ ଧାମୀ ମଧ୍ୟ ଫୋନ ଯୋଗେ ଋଷଭଙ୍କ ସହ କଥା ହୋଇ ସ୍ୱାସ୍ଥ୍ୟବସ୍ଥା ପଚାରି ବୁଝିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
View this post on Instagram
ଋଷଭ ହସ୍ପିଟାଲ ବେଡରେ ଚିକିତ୍ସିତ ହେଉଥିବା ବେଳେ ବଲିଉଡ ଅଭିନେତ୍ରୀ ଉର୍ବଶୀଙ୍କର ଏକ ଇନଷ୍ଟାଗ୍ରାମ ପୋଷ୍ଟ ସାମ୍ନାକୁ ଆସିଛି । ଯେଉଁଥିରେ ଉର୍ବଶୀ ନିଜର ଏକ ଫଟୋ ପୋଷ୍ଟ କରିବା ସହ କ୍ୟାପସନରେ ପ୍ରାର୍ଥନା କରୁଛି ବୋଲି ଲେଖିଛନ୍ତି ଏବଂ ଏକ ଧଳା ହାର୍ଟ ଇମୋଜୀ ଦେଇଛନ୍ତି । ତେବେ ଉର୍ବଶୀ ଏହି ପୋଷ୍ଟରେ ଋଷଭଙ୍କ ନାଁ ଉଲ୍ଲେଖ କରିନଥିବା ବେଳେ ଅନେକ ୟୁଜର୍ସ ଏହି ପୋଷ୍ଟ ଋଷଭଙ୍କ ପାଇଁ ବୋଲି କହିଛନ୍ତି । ଏପରିକି ଋଷଭଙ୍କ ଦୁର୍ଘଟଣା ଖବର ଆସିବାର କିଛି ସମୟ ପରେ ହିଁ ଉର୍ବଶୀଙ୍କର ଏହି ପୋଷ୍ଟ ସାମ୍ନାକୁ ଆସିଥିଲା । ଯେଉଁ ପୋଷ୍ଟ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଏପରିକି ଅନେକ ୟୁଜର୍ସ ଉର୍ବଶୀଙ୍କ ପୋଷ୍ଟରେ ଋଷଭଙ୍କ ଆରୋଗ୍ୟ କାମନା କରିଛନ୍ତି । ସେହିଭଳି କିଛି ୟୁଜର୍ସଙ୍କ ଏଭଳି ପୋଷ୍ଟ ପାଇଁ ଉର୍ବଶୀଙ୍କ ଟ୍ରୋଲ କରିବାକୁ ମଧ୍ୟ ପଛାଇ ନାହାନ୍ତି ।