ପ୍ରଥମଥର ବିଧାନସଭାକୁ ଗଲେ ଉପାସନା ମହାପାତ୍ର । ଶପଥ ପାଇଁ ହାତରେ ବାପାଙ୍କ ଆଇ-କାର୍ଡ ଧରି କଲେ ଗୃହ ପ୍ରବେଶ ।

କନକ ବ୍ୟୁରୋ: ପ୍ରଥମଥର ନିର୍ବାଚନ ଲଢ଼ିବା, ଆଉ ବିଜୟୀ ହେବା, କେତେ ଗୁରୁତ୍ୱ ବହନ କରେ, ତାହା ଜଣେ ରାଜନେତା ଭଲ ଭାବେ ଜାଣନ୍ତି । କିଛି ଏପରି ଘଟିଛି ବ୍ରହ୍ମଗିରିରୁ ପ୍ରଥମଥର ନିର୍ବାଚନ ଲଢ଼ି ବିଜୟୀ ହୋଇଥିବା ଉପାସନା ମହାପାତ୍ରଙ୍କ କ୍ଷେତ୍ରରେ । ଆଜି ଯେତେବେଳେ ପ୍ରଥମଥର ବିଧାନସଭାରେ ପାଦ ଦେଲେ, ସେହି ସମୟରେ ଖୁବ୍ ଭାବବିହ୍ୱଳ ହୋଇପଡ଼ିଥିଲେ ବିଜେପିର ଏହି ବିଧାୟିକା । ବିଧାନସଭା ଭିତରକୁ ପ୍ରବେଶ କରିବା ସମୟରେ ହାତରେ ବାପାଙ୍କ ୧୯୯୫ ମସିହାର ଆଇ-କାର୍ଡ ଧରିଥିଲେ । ଇଏ ସେହି କାର୍ଡ, ଯାହାକୁ ଧରି ତାଙ୍କ ତଥା ସ୍ୱର୍ଗତ ଲଲାଟେନ୍ଦୁ ବିଦ୍ୟାଧର ମହାପାତ୍ର ବିଧାନସଭାରେ ପ୍ରବେଶ କରିଥିଲେ । ଆଜି ସେହି କାର୍ଡ ତାଙ୍କୁ ସାହସ ଓ ଧୈର୍ଯ୍ୟ ଦେଇଥିବା କହିଛନ୍ତି ଉପାସନା ।