ବିଜେପି ନେତାଙ୍କ ଅଜବ ବୟାନ: କହିଲେ, ଏବେ ବି ପେଟ୍ରୋଲ ଦାମ କମ ଅଛି, ଦେଶରେ ଅଳ୍ପ ଲୋକ ପେଟ୍ରୋଲ ବ୍ୟବହାର କରୁଛନ୍ତି
କନକ ବ୍ୟୁରୋ: ବିଜେପି ନେତା ତଥା ୟୁପିର ଯୋଗୀ ସରକାରରେ କ୍ରୀଡା ଓ ଯୁବ କଲ୍ୟାଣ ମନ୍ତ୍ରୀ ଉପେନ୍ଦ୍ର ତିୱାରୀଙ୍କ ବିବାଦୀୟ ବୟାନକୁ ନେଇ ଏବେ ଚର୍ଚ୍ଚା । ସେ ଦାବି କରିଛନ୍ତି କି ପେଟ୍ରୋଲ ଓ ଡିଜେଲ ଦରରେ କୌଣସି ବୃଦ୍ଧି ହୋଇନାହିଁ । କାରଣ ଦେଶରେ ୯୫ ପ୍ରତିଶତ ଲୋକ ପେଟ୍ରୋଲ ବ୍ୟବହାର କରୁ ନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ୟୁପିରେ ସ୍ୱାଧୀନତାର ୭୫ ବର୍ଷ ପୂର୍ତ୍ତି ଅବସରରେ ଆୟୋଜିତ ଅମୃତ ମହୋତ୍ସବ କାର୍ଯ୍ୟକ୍ରମରେ ଯୋଗ ଦେଇଥିଲେ ମନ୍ତ୍ରୀ ଉପେନ୍ଦ୍ର ତିୱାରୀ । ଏହି ସମୟରେ ତାଙ୍କୁ ଗଣ ମାଧ୍ୟମ କର୍ମଚାରୀମାନେ ବେରୋଜଗାର ଓ ପେଟ୍ରୋଲ-ଡିଜେଲ ଦରକୁ ନେଇ ପ୍ରଶ୍ନ କରିଥିଲେ । ଆଉ ସେ ଏଥିରେ ଏକ ଅଜବ ପ୍ରତିକ୍ରିୟା ରଖିଥିଲେ ।
#WATCH | Jalaun: UP Min Upendra Tiwari says, “…Only a handful of people use 4-wheelers & need petrol. 95% of people don’t need petrol. Over 100 cr vaccine doses were administered free of cost to people…If you compare (fuel price) to per capita income, prices are very low now” pic.twitter.com/rNbVeiI7Qw
— ANI UP (@ANINewsUP) October 21, 2021
ସେ କହିଥିଲେ, ଲୋକମାନେ ୧୦୦ କୋଟିରୁ ଅଧିକ ଟିକା ମାଗଣାରେ ନେଇଛନ୍ତି । ଯଦି ଆପଣ ପେଟ୍ରୋଲର ଦାମ ପ୍ରତି ବ୍ୟକ୍ତିଙ୍କ ଆୟ ସହ ତୁଳନା କରନ୍ତି ତେବେ ଏହା ବହୁତ କମ ହେବ । ଦେଶରେ ୯୫ ପ୍ରତିଶ ଲୋକ ପେଟ୍ରୋଲ ବ୍ୟବହାର କରୁନାହାନ୍ତି, କେବଳ କିଛି ଲୋକ ବ୍ୟବହାର କରନ୍ତି ।
ଦେଶରେ କିଛି ଦିନ ହେବ ପେଟ୍ରୋଲ-ଡିଜେଲ ଦର ବଢିବାରେ ଲାଗିଛି । ଆଜି ବି ଦେଶରେ ପେଟ୍ରୋଲ-ଡିଜେଲ ଦର ୩୫ ପଇସା ଲେଖାଏଁ ବୃଦ୍ଧି ପାଇଛି । ଦିଲ୍ଲୀରେ ପେଟ୍ରୋଲ ଦର ୧୦୬ ଟଙ୍କା ଥିବା ବେଳେ ମୁମ୍ବାଇରେ ୧୧୨.୪୪ ପଇସା ରହିଛି । ସେହିପରି ଭୁବନେଶ୍ୱରରେ ପେଟ୍ରୋଲ ଦର ୧୦୭ ଟଙ୍କାରେ ପହଞ୍ଚିଛି ।