ହାଥରସ୍ ଗଣଦୁଷ୍କର୍ମ ମାମଲା: ଏସପି, ଡିଏସପି ଓ ଇନ୍ସପେକ୍ଟର ସମେତ ଅନେକ ପୋଲିସ୍ ଅଧିକାରୀ ନିଲମ୍ବିତ । ପ୍ରାଥମିକ ତଦନ୍ତ ରିପୋର୍ଟ ଆଧାରରେ କାର୍ଯ୍ୟାନୁଷ୍ଠାନ ନେଲେ ଯୋଗୀ ସରକାର ।
କନକ ବ୍ୟୁରୋ: ହାଥରସ୍ ଗଣଦୁଷ୍କର୍ମ ଘଟଣା, ହାଥରସର ଏସପି ଓ ଡିଏସପିଙ୍କ ନିଲମ୍ବିତ । ଏହାସହ ସ୍ଥାନୀୟ ଇନ୍ସପେକ୍ଟର ସମେତ ଅନେକ ପୋଲିସ୍ ଅଧିକାରୀଙ୍କୁ ନିଲମ୍ବିତ କଲେ ଯୋଗୀ ସରକାର । ପ୍ରାଥମିକ ତଦନ୍ତ ରିପୋର୍ଟ ଯାଞ୍ଚ ଆଧାରରେ ହାଥରସର ଏସପି, ଡିଏସପି, ସ୍ଥାନୀୟ ଇନ୍ସପେକ୍ଟରଙ୍କୁ ନିଲମ୍ବନର ନିର୍ଦ୍ଦେଶ ଜାରି କରିଛନ୍ତି ଯୋଗୀ ସରକାର ।
Kanak News is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ ଘଟଣାରେ କିଛି ଗାଁ ଲୋକ ଏବଂ ଜିଲ୍ଲା ପ୍ରଶାସନର ଅଧିକାରୀଙ୍କ ନାର୍କୋ ପଲିଗ୍ରାଫ୍ ଟେଷ୍ଟ ମଧ୍ୟ କରିବାକୁ ଯୋଗୀ ସରକାର ନିର୍ଦ୍ଦେଶ ଦେଇଛନ୍ତି । ତେବେ ଘଟଣାକୁ ଦିନ ପରେ ଦିନ ବିତି ଚାଲିଥିବାବେଳେ ପ୍ରତିବାଦ ସ୍ୱର ବଢ଼ିଛି । ଆଉ ପୀଡ଼ିତାଙ୍କୁ ନ୍ୟାୟ ଦେବା ପାଇଁ ଦେଶସାରାଠୁ ସୋସିଆଲ ମିଡ଼ିଆ ସ୍ୱର ଉଠିବାରେ ଲାଗିଛି । ବିବାଦ ବଢୁଥିବାବେଳେ ଯୋଗୀ ସରକାର ବଡ଼ କାର୍ଯ୍ୟାନୁଷ୍ଠାନ ନେଇଛନ୍ତି ।