ଲକଡ଼ାଉନ୍ ସମୟରେ ଅସହାୟଙ୍କୁ ଖାଦ୍ୟ ବଣ୍ଟନ କରି ରେକର୍ଡ କଲା ଉତ୍ତରପ୍ରଦେଶ : ୨ ମାସରେ ବଣ୍ଟାଗଲା ୨୯.୬୬ ଲକ୍ଷ ମେଟ୍ରିକ୍ ଟନ୍ ରାସନ୍ ।
ବର୍ତ୍ତମାନ ଦେଶରେ ଲକଡ଼ାଉନର ଲହରୀ ଚାଲିଛି । ଏଭଳି ପରିସ୍ଥିତିରେ ଗରିବ ଲୋକଙ୍କ ପାଇଁ ଭୁତାଣୁ ଭୟ କମ୍ ଭୋକର ଭୟ ଅଧିକ ବଢିଯାଇଛି । ସବୁ ରାଜ୍ୟର ସରକାର ଏବଂ ସମାଜସେବୀ ସେଠାକାର ଗରିବ , ଅସହାୟଙ୍କୁ ଖାଦ୍ୟସାମଗ୍ରୀ ଯୋଗାଇ ମାନବିକତାକୁ ବଂଚାଇ ରଖିଛନ୍ତି । ତେବେ ଏହି ଲକଡ଼ାଉନ୍ ର ୨ ମାସ ଭିତରେ ଉତ୍ତରପ୍ରଦେଶରେ ଗରିବ ଲୋକଙ୍କୁ ୨୯.୬୬ ଲକ୍ଷ ମେଟ୍ରିକ୍ ଟନ୍ ଖାଦ୍ୟ ସାମଗ୍ରୀ ବିତରଣ କରାଯାଇଥିବା ସୂଚନା ମିଳିଛି । ସୂଚନା ଅନୁସାରେ ଗତ ୨ ମାସ ଭିତରେ ୩.୫୫ କୋଟି ଲୋକଙ୍କୁ ମାସିକ ୨ ଥର ଲେଖାଏଁ ଖାଦ୍ୟ ସାମଗ୍ରୀ ଯୋଗାଇ ଦିଆଯାଇଛି । ଜୁନ୍ ୧ ରୁ ଆରମ୍ଭ ହୋଇଥିôବା ପଞ୍ଚମ ଚରଣର ଖାଦ୍ୟ ବିତରଣ କାର୍ଯ୍ୟକ୍ରମର ପ୍ରଥମ ଦିନରେ ୩୧ ଲକ୍ଷ ୧୨ ହଜାର ୨୫୮ ରାଶନ୍ କାର୍ଡରେ ପାଖାପାଖି ୮୧,୪୩୮,୧୬୩ ମେଟ୍ରିକ୍ ଟନ୍ ରାସନ୍ ବଣ୍ଟାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଖାଦ୍ୟ ସାମଗ୍ରୀ ଭିତରେ ୭୮୩୨୫.୯୦୫ ମେଟ୍ରିକ୍ ଟନ୍ ଚାଉଳ ଏବଂ ୩୧୧୨.୨୫୮ ମେଟ୍ରିକ୍ ଟନ୍ ଚଣା ଥିଲା । ଏହି କ୍ରମରେ ୧୧ ଲକ୍ଷରୁ ଅଧିକ ଲୋକଙ୍କୁ ନିଃଶୁଳ୍କ ରାଶନ୍ ଯୋଗାଇ ଦିଆଯାଇଛି । ବିଭାଗୀୟ ଅଧିକାରୀଙ୍କ କହିବାନୁସାର , ମେ ମାସରୁ ଆରମ୍ଭ ହୋଇଥିବା ତୃତୀୟ ଚରଣର ଖାଦ୍ୟ ବିତରଣ କାର୍ଯ୍ୟକ୍ରମ ଅନୁସାରେ ୩ କୋଟି ୫୩ ଲକ୍ଷ ୧୯ ହଜାର ୫୩୦ ଜଣ ଲୋକଙ୍କୁ ୭୫୬,୬୨୬.୪୯୦ ମେଟ୍ରିକ୍ ଟନ୍ ରାସନ୍ ବଣ୍ଟନ କରାଯାଇଛି ।