ନାଗରିକତା ଆଇନ ତାତି ଯୋଗୁଁ ୟୁପିରେ ମୃତ୍ୟୁ ସଂଖ୍ୟା ୧୮କୁ ବୃଦ୍ଧି । ୫୪ଶହ ପ୍ରଦର୍ଶନକାରୀ ଗିରଫ । ଦଙ୍ଗାକାରୀଙ୍କ ସଂପତି ଜବତ ପାଇଁ ୪ ଜଣିଆ ଟିମ ଗଠନ କଲେ ଯୋଗୀ ସରକାର
କନକ ବ୍ୟୁରୋ: ନାଗରିକତା ସଂଶୋଧନ ଆଇନକୁ ବିରୋଧ କରି ସାରା ଦେଶରେ ପ୍ରତିବାଦର ନିଆଁ ଜଳୁଛି । ଉତରପ୍ରଦେଶରେ ଏହି ଆଇନ ବିରୋଧୀ ଆନ୍ଦୋଳନ ହିଂସାତ୍ମକ ରୂପ ନେଇଛି । ବିରୋଧ ପ୍ରଦର୍ଶନକାରୀଙ୍କ ମୃତ୍ୟୁ ସଂଖ୍ୟା ୧୮କୁ ବୃଦ୍ଧି ପାଇଛି । ସେହିପରି ଆନ୍ଦୋଳକାରୀଙ୍କ ଆକ୍ରମଣରେ ଉତରପ୍ରଦେଶରେ ୨୬୩ଜଣ ପୋଲିସ କର୍ମୀ ଆହତ ହୋଇଛନ୍ତି । ଏଥିରେ ପ୍ରାୟ ୫୭ ଜଣ ପୋଲିସ କର୍ମୀ ଗୁଳି ମାଡରେ ଆହତ ହୋଇଥିବା ଜଣାପଡ଼ିଛି । ୟୁପି ସରକାର ବିକ୍ଷୋଭକାରୀଙ୍କ ଉପରେ କଡ଼ା ପଦକ୍ଷେପ ନେବାକୁ ଘୋଷଣା କରିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଆନ୍ଦୋଳନ ବେଳେ ସରକାରୀ ସମ୍ପତିକୁ କ୍ଷତି ପହଂଚାଇଥିବା ଲୋକଙ୍କୁ ଚିହ୍ନଟ କରାଯାଇ ତାଙ୍କ ସମ୍ପତି ଜବତ କରି କ୍ଷତି ଭରଣ କରାଯିବ ବୋଲି ପୂର୍ବରୁ କହିଥିଲେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଏଥିପାଇଁ ସରକାର ୪ଜଣିଆ ଟିମ୍ ଗଠନ କରିଛନ୍ତି । ଏହି ଟିମ୍ ଦଙ୍ଗାକରୁଥିବା ଲୋକଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବେ । ସେପଟେ ୟୁପିର ୨୧ଟି ଜିଲ୍ଲାରେ ସୋମବାର ପର୍ଯ୍ୟନ୍ତ ଇଂଟରନେଟ ସେବା ବନ୍ଦ କରିବାକୁ ଘୋଷଣା କରାଯାଇଛି । ଏହାସହ ଉତରପ୍ରଦେଶ ପୁଲିସ ବିକ୍ଷୋଭକାରୀଙ୍କ ଠାରୁ ୪୦୫ ବନ୍ଧୁକ ଜବତ କରିଥିବା ସୂଚନା ମିଳିଛି ।