ନର୍ଦ୍ଦମା ପାଣିରେ ଭାସିଲା ବ୍ୟାଙ୍କର ଗୁରୁତ୍ୱପୂର୍ଣ୍ଣ କାଗଜପତ୍ର ଏବଂ ଶହ ଶହ ପାସବୁକ୍ : ରାଗରେ ନିଆଁ ହେଲେ ଉପଭୋକ୍ତା
ସାମ୍ନାକୁ ଆସିଲା ଦାୟିତ୍ୱହୀନତାର ରୂପ । ନାଳରେ ଭାସିଲା ବ୍ୟାଙ୍କ୍ ପାସବୁକ୍ ଏବଂ ବ୍ୟାଙ୍କର ଗୁରୁତ୍ୱପୂର୍ଣ୍ଣ କାଗଜପତ୍ର । ଏଭଳି ଘଟଣା ଘଟିଛି ଉତ୍ତରପ୍ରଦେଶର ହମିରପୁରରେ । ଏଠାରେ ବ୍ୟାଙ୍କର ଶହ ଶହ ପାସବୁକ୍ ଏବଂ ଜରୁରୀ କାଗଜପତ୍ର ନାଳରେ ଭାସୁଥିବା ଦେଖାଯାଇଛି । ଏହି ଘଟଣା ଅଞ୍ଚଳବାସୀଙ୍କ ଆଖିରେ ପଡ଼ିବା କ୍ଷଣି ସାରା ସହରରେ ଏହାକୁ ନେଇ ଚର୍ଚ୍ଚା ଜୋର୍ ଧରିଛି । ଉପଭୋକ୍ତାଙ୍କ ମଧ୍ୟରେ ଆକ୍ରୋଶ ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସ୍ଥାନୀୟ ଲୋକେ ଏହି ମାମଲାର ଜାଞ୍ଚ୍ କରିବା ପାଇଁ ପୁଲିସକୁ ସୂଚନା ଦେବା ପରେ ପୁଲିସ୍ ଖୋଳତାଡ଼ ଆରମ୍ଭ କରିଛି । ଜାଞ୍ଚ୍ ପରେ ଏହି ପାସବୁକ୍ ପଞ୍ଜାବ ଏବଂ ସିନ୍ଧ୍ ବ୍ୟାଙ୍କର ପାସବୁକ୍ ବୋଲି ଜଣାପଡିଛି । ଘଟଣାସ୍ଥଳରେ ଉପସ୍ଥିତ ଲୋକଙ୍କ କହିବାନୁସାରେ , ରେଲୱେ ବ୍ରିଜ୍ ତଳେ ଥିବା ନାଳରେ ଅଚାନକ ଶହ ଶହ ବ୍ୟାଙ୍କ୍ ପାସବୁକ୍ ଏବଂ ଗୁରୁତ୍ୱପୂର୍ଣ୍ଣ କାଗଜପତ୍ର ଭାସୁଥିବା ଦେଖିବାକୁ ମିଳିଥିଲା । ଅନେକ ପାସବୁକ୍ ରେ ଉପଭୋକ୍ତାଙ୍କ ଜମା ଟଙ୍କାର ସୂଚନା ଥିବାରୁ ଲୋକଙ୍କ ମଧ୍ୟରେ ଆକ୍ରୋଶ ଦେଖାଦେଇଥିଲା । ସହରରେ ଥିବା ବ୍ୟାଙ୍କର ପାସବୁକ୍ କିଭଳି ଦୂରରେ ଥିବା ଏକ ନାଳରେ ପହଁଚିଲା ଏହାର ଜାଞ୍ଚ୍ କରିବା ନେଇ ଏବେ ଉପଭୋକ୍ତା ଦାବି କରିଛନ୍ତି ।
ଅନ୍ୟପକ୍ଷେ ବ୍ୟାଙ୍କ୍ ମ୍ୟାନେଜରଙ୍କ କହିବାନୁସାରେ , ଏହା ସବୁ ନକଲି ପାସବୁକ୍ ନହେଲେ ରିଜେକ୍ଟ ପାସବୁକ୍ । ବ୍ୟାଙ୍କ୍ ଘଟଣାକୁ ସାଧାରଣ ବୋଲି କହୁଥିଲେ ହେଁ ଉପଭୋକ୍ତା ଏହାକୁ କୌଣସି ଘୋଟାଲା ଥିବା କଥା କହୁଛନ୍ତି ।