କନକ ବ୍ୟୁରୋ: ଉତ୍ତରପ୍ରଦେଶ ବାଗୱତ୍ ଜିଲ୍ଲାରେ ବିଜେପି ନେତାଙ୍କୁ ହତ୍ୟା ଘଟଣା ସାମ୍ନାକୁ ଆସିଛି । ବିଜେପି ନେତା ଆତ୍ମାରାମ ତୋମରଙ୍କ ମୃତଦେହ ବିଜରୌଲି ରୋଡ୍ ସ୍ଥିତ ତାଙ୍କ ବାସଭବନରୁ ମିଳିଛି । ମୃତଦେହକୁ ପୋଷ୍ଟମର୍ଟମ ପାଇଁ ପଠାଇବା ସହ ପୋଲିସ୍ ଘଟଣାର ତଦନ୍ତ ଆରମ୍ଭ କରିଛି । ତାଙ୍କ ତଣ୍ଟିକୁ ଗାମୁଛା ସାହାଯ୍ୟରେ ଚିପି ହତ୍ୟା କରାଯାଇଛି । ଏହାସହ ତାଙ୍କର ଗାଡି ମଧ୍ୟ ଗାଏବ ଥିବା ପୋଲିସ ପ୍ରାଥମିକ ତଦନ୍ତ ଆଧାରରେ କହିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସକାଳୁ ତୋମର ଙ୍କ ଡ୍ରାଇଭର ଆସି ଘର କବାଟ ବାଡେଇ ଥିଲେ ବି କେହି ଶୁଣିନଥିଲେ । ଏହାପରେ ଡ୍ରାଇଭର କବାଟ ଭାଙ୍ଗିଥିଲେ । ତମାରଙ୍କୁ ତାଙ୍କ ଶେଯ ଉପରେ ନିସ୍ତେଜ ହୋଇପଡିଥିବାର ଦେଖାଯାଇଥିଲା । ତାଙ୍କ ମୁହଁ ଉପରେ ଗାମୁଛା ପଡିଥିଲା । ସଙ୍ଗେସଙ୍ଗେ ପୋଲିସକୁ ଜଣାଇବା ସହ ସମ୍ପର୍କୀୟଙ୍କୁ ଜଣାଇଥିଲେ ।
ଆତ୍ମାରାମ ତୋମର ଛପରୌଲି ବିଧାନସଭାରୁ ନିର୍ବାଚନ ଲଢିଥିଲେ । ୧୯୯୩ରେ ବିଜେପି ପକ୍ଷରୁ ମନ୍ତ୍ରୀ ପଦରେ ଥିଲେ । ଏହାପରେ ଜନତା ବୈଦିକ କଲେଜର ପ୍ରଧାନାଚାର୍ଯ୍ୟ ଭାବେ କାର୍ଯ୍ୟ କରୁଥିଲେ ।