ବଦଳୁଛି ରାଜନୀତିର ସମିକରଣ, ୟୁପିରେ ଅଖିଳେଶଙ୍କୁ ଭେଟିଲେ ‘ଆପ୍’ ନେତା ସଂଜୟ ସିଂ
କନକ ବ୍ୟୁରୋ : ଉତ୍ତର ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ରାଜନୀତିର ସମୀକରଣ ବଦଳିବାରେ ଲାଗିଛି । ପ୍ରଥମେ ଜୟନ୍ତ ଚୌଧୁରୀଙ୍କ ଆରଏଲଡି ଓ ସମାଜବାଦୀ ପାର୍ଟି ମେଣ୍ଟରେ ନିର୍ବାଚନ ଲଢିବା ନେଇ ନିଷ୍ପତ୍ତି ହେବା ପରେ ଆଜି ଆପ୍ ସାଂସଦ ସଂଜୟ ସିଂ ଅଖିଳେଶଙ୍କୁ ଭେଟିଛନ୍ତି । ଏହି ଭେଟପରେ ଏବେ ୟୁପି ରାଜନୀତିରେ ଝଡ ସୃଷ୍ଟି ହୋଇଛି । କୁହାଯାଉଛି କି ଖୁବଶୀଘ୍ର ଉଭୟ ଆପ୍ ଓ ସମାଜବାଦୀ ପାର୍ଟି ନିର୍ବାଚନୀ ମେଣ୍ଟ ନେଇ ଘୋଷଣା କରିପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଉତ୍ତରପ୍ରଦେଶ ନିର୍ବାଚନ ପୂର୍ବରୁ ଆପ୍ ପ୍ରଭାରୀ ସଂଜୟ ସିଂ ବୁଧବାର ଦିନ ଲକ୍ଷ୍ନୌ ଠାରେ ଅଖିଳେଶ ଯାଦବଙ୍କୁ ଭେଟ କରିଛନ୍ତି । ଦୁଇଜଣଙ୍କ ମଧ୍ୟରେ ପାଖା ପାଖି ୧ ଘଂଟା ଧରି ଆଲୋଚନା ହୋଇଛି । ନିର୍ବାଚନ ବିଗୁଲ ବାଜିବା ପୂର୍ବରୁ ଅଖିଳେଶ କହିଥିଲେ କି ଏଥର ନିର୍ବାଚନରେ ସପା ଛୋଟ ଛୋଟ ଦଳମାନଙ୍କ ସହ ମେଣ୍ଟ କରିବା ନେଇ ଅଖିଳେଶ ସ୍ପଷ୍ଟ କରିଥିଲେ । ଏହି କଥାକୁ ଯଦି ନଜର କରାଯାଏ ତେବେ ଆପ୍ ଓ ସପା ମେଣ୍ଟକୁ ଅସ୍ୱୀକାର କରାଯାଇ ପାରିବ ନାହିଁ । ଏହାସହ ଦୁଇମାସ ପୂର୍ବରୁ ବି ଅଖିଳେସ ଓ ସଂଜୟ ସିଂ ପରସ୍ପରକୁ ଭେଟ କରିଥିଲେ ।