ଦୁଃଖ ବଢ଼ାଇଲା ଅଦିନିଆ ବର୍ଷା : ନଷ୍ଟ ହେଲା ହଜାର ହଜାର ଏକର ଜମିର ଫସଲ
ଖଲ୍ଲିକୋଟ ବଡ଼ରାମପଲ୍ଲୀ ଗାଁରେ ବର୍ଷା ଯୋଗୁଁ ବନ୍ୟା ସ୍ଥିତି; କ୍ଷୟକ୍ଷତି ଅର୍ଥ ନୁହେଁ ସ୍ଥାୟୀ ସମାଧାନ ଦାବି କଲେ ସ୍ଥାନୀୟ ଲୋକେ
କନକ ବ୍ୟୁରୋ : ଚିନ୍ତା ବଢ଼ାଇଛି ଅଦିନିଆ ବର୍ଷା । ଉଜାଡ଼ି ଦେଲା ବର୍ଷକର ଆହାର । ଏ ଦୃଶ୍ୟ ହେଉଛି ଲଘୁଚାପଜନିତ ବର୍ଷା ଛାଡିଯିବା ୪ଦିନ ପରର । ଖଲ୍ଲିକୋଟ ବ୍ଲକ କୋମଣ୍ଡ ପଂଚାୟତ ବଡରାମପଲ୍ଲୀ ଗାଁରେ ଅଦିନିଆ ବର୍ଷାରେ ସୃଷ୍ଟି ହୋଇଛି ବନ୍ୟା ପରିସ୍ଥିତି । ଖରଖରି ନାଳର ଚଉଡା ଓ ଗଭୀରତା କମ ଥିବାବେଳେ ଏହି ନାଳ ବିଳାସପୁର ରାସ୍ତା ଦେଇ ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ରାସ୍ତାରେ କୌଣସି କଲର୍ଭଟ ନଥିବାରୁ ସାମାନ୍ୟ ବର୍ଷାରେ ଏଠାରେ ବନ୍ୟା ସ୍ଥିତି ପ୍ରତିବର୍ଷ ସୃଷ୍ଟି ହେଉଛି ବୋଲି ଗ୍ରାମବାସୀ ଅଭିଯୋଗ କରିଛନ୍ତି । ବନ୍ୟାସ୍ଥିତି ସୃଷ୍ଟି ହେବା ଦ୍ୱାରା ପ୍ରତିବର୍ଷ ବଡରାମପଲ୍ଲୀ ଗ୍ରାମଠାରୁ ବିଳାସପୁର ମଧ୍ୟରେ ଥିବା ହଜାର ହଜାର ଏକର ଚାଷ ଜମି ନଷ୍ଟ ହେଉଛି । ଏବର୍ଷ ମଧ୍ୟ ଅଦିନିଆ ବର୍ଷା ଏହି ଗାଁର ଚାଷୀମାନଙ୍କ ବର୍ଷକର ଅମଳ ନଷ୍ଟ କରିଦେଇଛି । କ୍ଷୟକ୍ଷତି ଅର୍ଥ ନୁହେଁ ସ୍ଥାୟୀ ସମାଧାନ ଦାବି କରିଛନ୍ତି ସ୍ଥାନୀୟ ଲୋକେ ।