ବ୍ୟବହାର କରୁଥିବା ଏଟିଏମ ବିଷୟରେ କେତେ ଜାଣିଛନ୍ତି ଆପଣ ? ପଢ଼ନ୍ତୁ ପୁରା ଖବର
ପ୍ରତିଦିନ ଟଙ୍କା ବାହାର କରିବା ପାଇଁ ଆମେ ଏଟିମର ବ୍ୟବହାର କରିଥାଉ । ଏହା ଆମ ଜୀବନର ଏକ ଆବଶ୍ୟକତା ହୋଇସାରିଛି । ଯଦି ଏଟିଏମକୁ ବାଦ ଦିଆଯାଏ ତେବେ ବିଭିନ୍ନ ସମସ୍ୟାର ସମ୍ମୁଖୀନ ହେବାକୁ ପଡ଼ିବ । କିନ୍ତୁ ଏଟିଏମ ସମ୍ବନ୍ଧୀୟ ଏହିଭଳି ବହୁତ କିଛି କଥା ରହିଛି ଯାହାକୁ ଆପଣ ମଧ୍ୟ ଜାଣିନଥିବେ । ଆସନ୍ତୁ ଆଲୋଚନା କରିବା । ଏଟିଏମ ଏକ ଟେଲି କମ୍ୟୁନିକେସନ ଡିଭାଇସ, ଯାହା ବିନା କ୍ୟାସିଅରର ବ୍ୟାଙ୍କ ଏବଂ ଗ୍ରାହକଙ୍କ ମଧ୍ୟରେ ଆର୍ଥିକ ଟ୍ରାଂଜାକ୍ସନ କରିଥାଏ । ଏହି ବିଷୟରେ ପ୍ରଥମେ ଜାପାନରେ ମେସିନ ଲଗାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏଟିଏମ କେମିତି କରେ କାମ?
ଏଟିଏମ ଏକ ଟାଟା ଟର୍ମିନାଲ ଯାହା ଏଟିଏମ କଂଟ୍ରୋଲର ସହିତ ଯୋଡ଼ି ହୋଇ ରହିଥାଏ । ଏହା ଇଏଫଟିପିଓସ ସ୍ୱିଚ ନାମରେ ପରିଚିତ । ଆରମ୍ଭରୁ ଏଟିଏମ କେବଳ ଗୋଟିଏ ବ୍ୟାଙ୍କ ସହିତ ଯୋଡ଼ି ହୋଇ ରହିଥିଲା, ଯେଉଁଥିରେ ଗ୍ରାହକ କେବଳ ନିଜ ବ୍ୟାଙ୍କର ମେସିନରୁ ଟଙ୍କା ବାହାର କରିପାରୁଥିଲେ । ଏହାପରେ ବ୍ୟାଙ୍କ ଏକ କମ୍ପ୍ୟୁଟର ନେଟୱର୍କ ପ୍ରସ୍ତୁତ କଲା । ଏହି ନେଟୱର୍କ ସମସ୍ତ ବ୍ୟାଙ୍କ ସହିତ ଯୋଡ଼ି ହୋଇ ରହିଥାଏ । ଏହା ଇଫଟିପିଓସ ଟର୍ମିନାଲ ସହିତ ମଧ୍ୟ ଯୋଡ଼ି ହୋଇ ରହିଥାଏ । ଏହା ଦ୍ୱାରା ଯେକୌଣସି କାର୍ଡ଼ରେ ବସ୍ତୁ ଏବଂ ସେବା ନେବାର ସମସ୍ତ ସୂଚନା ପହଂଚିଥାଏ ।
ନ୍ୟାସନାଲ ଫାଇନାନସିଆଲ ସ୍ୱିଚ ବା ଏନଏଫଏସ ଭାରତର ସବୁଠାରୁ ବଡ଼ ଇଂଟରବ୍ୟାଙ୍କ ନେଟୱର୍କ । ଏହି ନେଟୱର୍କରେ ପାଖାପାଖି ୨ ଲକ୍ଷ ଏଟିଏମ ବା ୯୦ରୁ ଅଧିକ ବ୍ୟାଙ୍କ ଯୋଡ଼ି ହୋଇ ରହିଛନ୍ତି । ଏହା ବ୍ୟତୀତ କ୍ୟାସନେଟ, ଇମିଡିଏଟ ପେମେଂଟ ସର୍ଭିସ ଆଦି ଅନ୍ୟ କେତେକ ନେଟୱର୍କ ମଧ୍ୟ କାମ କରୁଛି । କାର୍ଡ଼ ଏସୋସିଏସନ କୌଣସି ବ୍ୟାଙ୍କର କାର୍ଡ଼ ପ୍ରୋଗ୍ରାମକୁ ଲାଇସେନ୍ସ ଦିଅନ୍ତି ଏବଂ ଭିନ୍ନ ଭିନ୍ନ ନେଟୱର୍କରେ ଟ୍ରାଂଜାକ୍ସନ କରିବା ପାଇଁ ଟେକ୍ନୋଲୋଜି ଏବଂ ଆକସେସ ଦେଇଥାଏ । ଏହି ଆସୋସିଏସନ ନିଜ ମେମ୍ବର ବ୍ୟାଙ୍କ ପାଇଁ ଅପରେସନାଲ ଫଙ୍କସନର କାମ କରିଥାଏ ।