କନକ ବ୍ୟୁରୋ : କେନ୍ଦ୍ର ସରକାରଙ୍କ ଦ୍ୱାରା ପାରିତ ୩ ଟି କୃଷି ଆଇନକୁ ବିରୋଧ କରି କୃଷକମାନେ ୯ ମାସ ହେବ ଧାରଣାରେ ବସିଛନ୍ତି । ଏହାରି ମଧ୍ୟରେ କୃଷକ ସଂଗଠନର ନେତା ଓ ସରକାରଙ୍କ ମଧ୍ୟରେ ଅନେକ ଥର ଆଲୋଚନା ହୋଇଥିଲେ ବି କିଛି ବି ନିଷ୍କର୍ସ ବାହାରିପାରି ନାହିଁ । ସେପଟେ କୃଷକ ଆନ୍ଦୋଳନକୁ ପରାହତ କରିବାକୁ ସରକାର ସବୁ ପ୍ରକାର କଳ, ବଳ ଓ କୌଶଳ ଆପଣାଇଥିଲେ ବି ତାହା କାମ କରୁନାହିଁ । କୃଷକମାନେ ତାଙ୍କ ଜିଦରେ ଅଟଳ ଥିବା ବେଳେ ସରକାର ବି ଜିଦ ଛାଡିବାକୁ ନାରାଜ । ଏହାରି ମଧ୍ୟରେ ସେପ୍ଟେମ୍ବର ୨୫ ତାରିଖ ଦିନ ଆନ୍ଦୋଳନକୁ ୧୦ ମାସ ପୂରଣ ହେଉଥିବା ବେଳେ ସଂଯୁକ୍ତ କିଷାନ ମୋର୍ଚ୍ଚା ସେପ୍ଟେମ୍ବର ୧୦ ତାରିଖରେ ଭାରତ ବନ୍ଦ ଡାକରା ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀର ସିଂଘୁ ସୀମାରେ ଗଣମାଧ୍ୟମ ସହ ଆଲୋଚନା ବେଳେ ସଂଯୁକ୍ତ କିଷାନ ମୋର୍ଚ୍ଚା (ଏସକେଏମ)ର ନେତା ଆଶିଷ ମିତ୍ତଲ କହିଛନ୍ତି କି ସେପ୍ଟେମ୍ବର ୨୫ କୁ ମୋର୍ଚ୍ଚା ତରଫରୁ ଭାରତ ବନ୍ଦ ପାଇଁ ଆହ୍ୱାନ ଦିଆଯାଉଛି । ସେ ଆହୁରି କହିଛନ୍ତି ଯେ ପୂର୍ବବର୍ଷ ହୋଇଥିବା ଭାରତ ବନ୍ଦ ଠାରୁ ଏହି ଭାରତ ବନ୍ଦରେ ଅଧିକରୁ ଅଧିକ କୃଷକ ସାମିଲ ହେବେ ବୋଲି ଆଶା କରାଯାଉଛି ।
ଅନ୍ୟପଟେ ଗତକାଲି ହରିଆଣାରେ କୃଷକମାନଙ୍କ ଉପରେ ପୋଲିସର ବର୍ବରତାକୁ ନେଇ ଆଜି ବିଭିନ୍ନ ମହଲରୁ ପ୍ରତିକ୍ରିୟା ପ୍ରକାଶ ପାଇଛି । ମେଘାଳୟ ରାଜ୍ୟପାଳ ସତ୍ୟପାଲ ମଲ୍ଲିକ ଏହି ଘଟଣାରେ ଦୁଖ ପ୍ରକାଶ କରିବା ସହ ମୁଖ୍ୟମନ୍ତ୍ରୀ ମନୋହରଲାଲ୍ ଖଟ୍ଟର କୃଷକମାନଙ୍କୁ କ୍ଷମା ମାଗିବା ସହ ସେମାନଙ୍କ ମୁଣ୍ଡ ଫଟାଇଦେବାକୁ ନିର୍ଦ୍ଦେଶ ଦେଇଥିବା ଏସଡିଏମଙ୍କୁ ଚାକିରିରୁ ନିଲମ୍ବିତ କରିବାକୁ ଦାବି କରିଛନ୍ତି ।
କୃଷକ ଆନ୍ଦୋଳନର ନେତୃତ୍ୱ ନେଉଥିବା ରାକେଶ ଟିକାୟତ ଗଣମାଧ୍ୟମକୁ କହିଛନ୍ତି କି ଆଫଗାନୀସ୍ତାନକୁ ଆତଙ୍କୀ ତାଲିବାନୀମାନେ କବଜା କରିଥିବା ବେଳେ ଭାରତକୁ ସରକାରୀ ତାଲିବାନୀମାନେ କବଜା କରିନେଇଛନ୍ତି ।