ଖୋଲିଲା ଭୁବନେଶ୍ୱରର ୟୁନିଟ ୧ ହାଟ : ବିଏମସି ଅଧିକାରୀଙ୍କ ସହ ଆଲୋଚନା ପରେ ହାଟ ଖୋଲିଲା ବ୍ୟବସାୟୀ ସଂଘ

କନକ ବ୍ୟୁରୋ : ଆଜିଠୁ ଖୋଲିଛି ଭୁବନେଶ୍ୱରର ୟୁନିଟ ୧ ହାଟ । ବିଏମସି ଅଧିକାରୀଙ୍କ ସହ ଆଲୋଚନା କରିବା ପରେ ୧ ନମ୍ବର ହାଟ ଖୋଲିଛି ବ୍ୟବସାୟୀ ସଂଘ । ପାର୍କିଂ ସମେତ ଜବରଦଖଲ ଏବଂ ବିଭିନ୍ନ ଦାବି ନେଇ ଗତ ଗୁରୁବାରଠୁ ଆନ୍ଦୋଳନକୁ ଓହ୍ଲାଇଥିଲା ୟୁନିଟ-୧ର ବ୍ୟବସାୟୀ ସଂଘ । ଫଳରେ ଗୁରୁବାରଠୁ ମଙ୍ଗଳବାର ଯାଏଁ ୬ ଦିନ ହାଟ ସଂପୂର୍ଣ୍ଣ ବନ୍ଦ ରହିଥିଲା । ଫଳରେ ୟୁନି-୧ ହାଟ ଉପରେ ନିର୍ଭର କରୁଥିବା ଭୁବନେଶ୍ୱରବାସୀ ହଇରାଣ ହୋଇଥିଲେ ।

ଗତକାଲି ବିଏମସି ଟିମ ହାଟ ପରିଦର୍ଶନ କରିବା ପରେ ଦାବିଗୁଡିକ ପୂରଣ କରିବାକୁ ପ୍ରତିଶ୍ରୁତି ମିଳିଥିବା ବ୍ୟବସାୟୀ ସଂଘ ସଭାପତି ସୂଚନା ଦେଇଛନ୍ତି । ପୂର୍ବଭଳି ଅସ୍ଥାୟୀ ପାର୍କିଂ ବ୍ୟବସ୍ଥା କରିବାକୁ ଅନୁମତି ମିିଳିଛି । ୟୁନିଟ ୨ରେ ହୋଇଥିବା ମଲ୍ଟି ପାର୍କିଂ ବ୍ୟବସ୍ଥା ଗ୍ରାହକଙ୍କ କାମରେ ଆସୁନି । ବିକଳ୍ପ ପାର୍କିଂ ବ୍ୟବସ୍ଥା ପାଇଁ ଦାବି କରିଛି ସଂଘ । ସମସ୍ୟାର ସମାଧାନ ନହେଲେ ଏକ ମାସ ପରେ ନୂଆ ନୂଆ ନିଷ୍ପତ୍ତି ନେବ ବୋଲି ସଂଘ କହିଛି । ତେବେ ଗତ ୬ଦିନ ଭିତରେ ୩୫କୋଟିରୁ ଅଧିକ କ୍ଷତି ହୋଇଥିବା ସଂଘ ସଭାପତି କହିଛନ୍ତି ।