ଭୁବନେଶ୍ୱରର ମାଛ ମାର୍କେଟରେ ବ୍ୟାପିଲାଣି ମହାମାରୀ କରୋନା: ରାଜଧାନୀର ପ୍ରମୁଖ ମାଛ ମାର୍କେଟ ୟୁନିଟ-୪ରେ ୭ ମାଛ ଦୋକାନୀ କରୋନା ଆକ୍ରାନ୍ତ ଚିହ୍ନଟ
ସଂକ୍ରମଣ ରୋକିବାକୁ ସିଲ କଲା ଭୁବନେଶ୍ୱର ମହାନଗର ନିଗମ: ଗତ ୭ ଦିନରେ ମାଛ କିଣିଥିଲେ ଘରେ ସଂଗରୋଧରେ ରହିବାକୁ ନିର୍ଦ୍ଦେଶ
କନକ ବ୍ୟୁରୋ: ମାଛ ହାଟରେ କରୋନା । ରାଜଧାନୀର ପ୍ରମୁଖ ମାଛ ମାର୍କେଟକୁ ସିଲ୍ କରାଯାଇଛି । ୭ଜଣ ମାଛ ଦୋକାନୀଙ୍କ ଠାରେ କରୋନା ଭୂତାଣୁ ଚିହ୍ନଟ ହେବା ପରେ ଭୁବନେଶ୍ୱର ୪ନମ୍ବର ମାଛ ମାର୍କଟକୁ ସିଲ କରିଦିଆଯାଇଛି । ସମସ୍ତ ଦୋକାନ ବଜାର ବନ୍ଦ ରହିଥିବା ବେଳେ ମାର୍କଟକୁ ସଂଯୋଗ କରୁଥିବା ସମସ୍ତ ରାସ୍ତାକୁ ସିଲ କରିଦିଆଯାଇଛି । ଗତ ୭ଦିନ ମଧ୍ୟରେ ଏହି ମାଛ ମାର୍କେଟକୁ ମାଛ କିଣିବାକୁ ଆସିଥିବା ଲୋକମାନଙ୍କୁ ନିଜ ଆଡୁ ହୋମ କ୍ୱାରେନଟିନରେ ରହିବା ପାଇଁ ବିଏମସି ପକ୍ଷରୁ ନିବେଦନ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ ୨ଦିନ ମଧ୍ୟରେ ୭ଜଣ ମାଛ ଦୋକାନୀଙ୍କ ଠାରେ କରୋନା ଭୂତାଣୁ ଚିହ୍ନଟ ହେବା ପରେ ୪ନମ୍ବର ମାଛ ମାର୍କେଟକୁ ସିଲ କରାଯାଇଛି । ସମସ୍ତ ଦୋକାନରେ ତାଲା ପଡିଥିବା ବେଳେ ମାଛ ମାର୍କେଟକୁ ସଂଲଗ୍ନ ସମସ୍ତ ରାସ୍,ାକୁ ବାରିକେଡ ଲଗାଇ ବ୍ଲକ କରିଦିଆଯାଇଛି । ବୁଧବାର ଜଣଙ୍କ ଠାରେ ଏବଂ ଗୁରୁବାର ୬ଜଣଙ୍କ ଠାରେ କରୋନା ଚିହ୍ନଟ ହେବା ପରେ ବିଏମସି ପକ୍ଷରୁ ଏହି ପଦ କ୍ଷେପ ଗ୍ରହଣ କରାଯାଇଛି । ବିଡିଏ ଏବଂ ବିଏମସି ଜଏଂଟ ଏନଫୋର୍ସସ୍କ୍ୱାର୍ଡ ମାଛ ମାର୍କେଟରେ ଏହି କଟକଣାକୁ ଜୋରଦାର କରିଛନ୍ତି ।
ଆପଣ ୟୁନିଟ-୪ ମାଛ ମାର୍କେଟରୁ ମାଛ କିଣିଛନ୍ତି କି? ତେବେ ତୁରନ୍ତ ହୋମ କ୍ୱାରେନଟିନରେ ରୁହନ୍ତୁ । ଏହି ମାଛ ମାର୍କେଟକୁ ଗତ ୭ଦିନ ମଧ୍ୟରେ ମାଛ କିଣିବାକୁ ଆସିଥିବା ଗ୍ରାହକମାନେ ସଚେତନ ହୋଇ ନିଜେ ନିଜେ ହୋମକ୍ୱାରେନଟିନରେ ରହିବା ପାଇଁ ବିଏମସି ପକ୍ଷରୁ ନିବେଦନ କରାଯାଇଛି । କାରଣ ଏହି ୭ଦିନ ଭିତରେ କରୋନା ଚିହ୍ନଟ ହୋଇଥିବା ମାଛ ଦୋକାନୀଙ୍କ ସଂସ୍ପର୍ଶରେ ଲୋକମାନେ ଆସିଥିବା ନେଇ ସନ୍ଦେହ କରାଯାଉଛି । ଏବେ କଡା ପୋଲିସ ପହରା ମଧ୍ୟରେ ୟୁନିଟ ୪ ମାଛ ମାର୍କେଟ । ତେବେ ଏହି ଅଂଚଳରେ ଘର କରି ରହୁଥିବା ଲୋକମାନେ ପୋଲିସରୁ ଅନୁମତି ନେଇ ଜରୁରୀ କାମରେ ଯାଆସ କରିପାରିବେ ।