ଟ୍ରକରେ ଆମ୍ବୁଲାନ୍ସ, ଆମ୍ବୁଲାନ୍ସରେ ଗଞ୍ଜେଇ... ଆଶ୍ଚର୍ଯ୍ୟ କରିବ ଅଭିଯୁକ୍ତର ବୟାନ୍

କନକ ବ୍ୟୁରୋ: ଟ୍ରକ୍ , ଟ୍ରକ୍ ଭିତରେ ଆମ୍ବୁଲାନ୍ସ , ଆମ୍ବୁଲାନ୍ସ ଭିତରେ ଭରା ଗଞ୍ଜେଇ । ଉତ୍ତରପ୍ରଦେଶ ଆଗ୍ରା ଜିଲ୍ଲାରେ ନିଶା ମାଫିଆଙ୍କ ଆଶ୍ଚର୍ଯ୍ୟ କଲାଭଳି କାରନାମା ସାମ୍ନାକୁ ଆସିଛି ।

ଏକ ହୋଟେଲରେ ଖାଇବା ବେଳେ ୨ ନିଶା ମାଫିଆଙ୍କୁ ଗିରଫ କରିଛି ପୁଲିସ । ଜେରା ବେଳେ ଅଭିଯୁକ୍ତ ଯାହା କହିଛି ତାହା କୌଣସି ଫିଲ୍ମ ଷ୍ଟାଇଲଠାରୁ କମ୍ ନୁହେଁ । ଅଭିଯୁକ୍ତର କହିବା ମୁତାବକ, ସେମାନେ ଏକ ଆମ୍ବୁଲାନ୍ସ ଯୋଗେ ସଡିଶାରୁ ଦିଲ୍ଲୀ ଗଞ୍ଜେଇ ଚାଲାଣ କରୁଥିଲେ ହେଲେ ବାଟରେ ଆମ୍ବୁଲାନ୍ସ ଖରାପ ହେବାରୁ ଏକ ଟ୍ରକ୍ ଭଡା କରି ସେଥିରେ ଆମ୍ବୁଲାନ୍ସକୁ ଲଦି ଆଣୁଥିଲେ । ଏଥିରେ ୨୦୦ କେଜିରୁ ଅଧିକ ଗଞ୍ଜେଇ ଚାଲାଣ ହେଉଥିଲା, ଯାହାର ଆନୁମାନିକ ମୂଲ୍ୟ ୨୦ ଲକ୍ଷ ଟଙ୍କା ହେବ ।