ମଝି ଆକାଶରେ ବିପଦଜନକ ବିବାହ ! ତଳେ ଦେଖି ଉପଭୋଗ କଲେ ୩୦,୦୦୦ ଦର୍ଶକ

ଲୋକମାନେ ଜୀବନରେ ଥରେ ବିବାହ କରୁଥିବା ବେଳେ ଏବେ ଏହି ଦିନଟିକୁ କିପରି ସବୁଠାରୁ ଅଲଗା ଓ ସ୍ମରଣୀୟ କରାଯିବ ସେ ନେଇ ସବୁ ଦମ୍ପତି ଚେଷ୍ଟା କରିଛନ୍ତି । ପୂର୍ବରୁ ଏମିତି ଅନେକ ବିବାହ ବିଷୟରେ ଆମେ ଆପଣଙ୍କୁ ଜଣାଇଛୁ। ଏବେ ଆମେ ଏପରି ଏକ ବିବାହ ବିଷୟରେ ସୂଚନା ଦେଉଛୁ, ଯାହା ସ୍ମରଣୀୟ ହେବା ସହ ଆତ୍ମଘାତୀ ମଧ୍ୟ ଥିଲା । ପୂର୍ବରୁ ଏକ ଦମ୍ପତି ପାହାଡ଼ ମଝିରେ ଜାଲ ବିଛାଇ ବିବାହ କରିଥିବା ବେଳେ କିଛି ଦମ୍ପତି ବିନା ପୋଷାକରେ ବିବାହ କରିଥିଲେ ।

ଏବେ ପୁଣି ଏକ ସେଭଳି ଆତ୍ମଘାତୀ ବିବାହର ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହୋଇଛି । ପୂର୍ବ ଜର୍ମାନୀର ଏକ ଦମ୍ପତି ନିଜ ବିବାହକୁ ସ୍ମରଣୀୟ କରିବା ପାଇଁ ଏକ ଆତ୍ମଘାତୀ ଉପାୟ ଆପଣାଇଥିବା ଦେଖିବାକୁ ମିଳିଛି । ୪୬ ଫୁଟ୍ ଉପରେ ଏକ ରସି ବାନ୍ଧିବା ସହ ତା’ ଉପରେ ଝୁଲି ରହି ବିବାହ କରିଥିଲେ ଦମ୍ପତି । ଖାଲି ସେତିକି ନୁହଁ, ରସି ଉପରେ ଏକ ବାଇକ୍ ଚଲାଇବା ସହ ବାଇକର ପଛ ଚକାରେ ଏକ ଝୁଲଣା ବନ୍ଧା ଯାଇଥିଲା, ଯେଉଁଥିରେ ବର ଏବଂ ବଧୂ ଠିଆ ହୋଇ ପରସ୍ପରକୁ ମୁଦି ପିନ୍ଧାଇଥିଲେ । ପାଖା ପାଖି ୩,୦୦୦ହଜାର ଲୋକ ଆକାଶରେ ଏହି ବିବାହକୁ ଦେଖି ଉପଭୋଗ କରିଥିଲେ ।