ମୋଦିଙ୍କୁ ଭେଟିବାକୁ ଚାହୁଁଥିଲେ ଏହି ମହିଳା ! ଏଥିପାଇଁ ୧୩ ହଜାର ଫୁଟ ଉପରୁ ତଳକୁ ଡେଇଁଲେ, ସୋସିଆଲ ମିଡିଆରେ ଭାଇରାଲ୍ ହେଲା ଭିଡିଓ ।
ମୋଦିଙ୍କ ଜନ୍ମଦିନ ଅବସରରେ ତାଙ୍କୁ ଶୁଭେଚ୍ଛା ଜଣାଇବା ପାଇଁ ଜଣେ ସ୍କାଇଡାଇଭର ମହିଳା ଏପରି ଏକ କାର୍ଯ୍ୟ କରିଛନ୍ତି, ଯାହା ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଏକ ନିଆରା ଅନ୍ଦାଜରେ ସେ ମୋଦିଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ୩୫ ବର୍ଷିୟ ଏହି ମହିଳାଙ୍କ ନାମ ହେଉଛି ଶିତଲ ମହାଜନ । ସେ ଆମେରିକା ଠାରେ ୧୩ ହଜାର ଫୁଟ ଉପରୁ ଡେଇଁ ମୋଦିଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ସ୍କାଇଡାଇଭର ଶିତଲ୍ ମହାଜନ ସୋମବାର ଦିନ ଆମେରିକା ଠାରେ ୧୩୦୦୦ ଫୁଟ ଉଚ୍ଚତାରୁ ଏକ ବିମାନରୁ ପ୍ରଧାନମନ୍ତ୍ରୀଙ୍କ ନରେନ୍ଦ୍ର ମୋଦିଙ୍କ ଜନ୍ମଦିନର ଶୁଭେଚ୍ଛା ବାର୍ତ୍ତା ହାତରେ ଧରି ତଳକୁ ଡେଇଁ ପଡିଥିଲେ । ଜନ୍ମଦିନର ଶୁଭେଚ୍ଛା ଜଣାଇବାର ଏହି ସଫଳ କାର୍ଯ୍ୟ ପରେ ଶିତଲ ଏହାର ଭିଡିଓକୁ ଫେସବୁକରେ ଅପଲୋଡ୍ କରିଥିଲେ ।
ତେବେ ସବୁଠାରୁ ବଡ କଥା ହେଉଛି ଶିତଲ ମହାଜନ ହେଉଛନ୍ତି ପଦ୍ମଶ୍ରୀ ପୁରସ୍କାର ବିଜେତା । ସେ କହିଛନ୍ତି ଗତ ଚାରି ବର୍ଷ ଧରି ସେ ମୋଦିଙ୍କୁ ଭେଟିବା ପାଇଁ ପ୍ରୟାସ ଚଲାଇଛନ୍ତି, କିନ୍ତୁ ସଫଳ ହୋଇପାରିନାହାନ୍ତି । ଇଣ୍ଟରନେଟରେ ଏହି ଭିଡିଓ ଅପଲୋଡ କରିବା ସହ ସେ ଲେଖିଛନ୍ତି ଯେ, ସେ ଚାରିବର୍ଷ ଧରି ମୋଦିଙ୍କୁ ଭେଟିବାକୁ ପ୍ରୟାସ କରୁଛନ୍ତି । କିନ୍ତୁ ମୋଦିଙ୍କ କାର୍ଯ୍ୟାଳୟରୁ କୌଣସି ଉତ୍ତର ମିଳୁନାହିଁ । ତେବେ ଏଭଳି କାରନାମା କରିବା ଦ୍ୱାରା ସେ ମୋଦିଙ୍କୁ ଭେଟିବାର ସୁଯୋଗ ପାଇପାରିବେ ବୋଲି ଆଶା ରଖିଛନ୍ତି ।