ଅଜଣା ରୋଗରେ କଷ୍ଟ ପାଉଛି ରାଜଧାନୀର କୁନି ଝିଅ। ତୁଳସୀକୁ ସହାୟତାର ହାତ ବଢାଇଲେ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ
ଖେଳୁଥିଲା, କଥା ବି କହୁଥିଲା, ହେଲେ ଏବେ ପୁରା ନିସ୍ତେଜ ତୁଳସୀ
କନକ ବ୍ୟୁରୋ: ନାମ-ତୁଳସୀ । ବୟସ- ୨ ବର୍ଷ । ଏହି କୁନି ବୟସରେ ଶ୍ୱାସ ରୋଗରେ ପଡି ଯନ୍ତ୍ରଣାରେ ଛଟପଟ ହେଉଛି ଶିଶୁଟି । ଗରିବ ବାପା ମାଆଙ୍କ ନିକଟରେ ଝିଅର ଚିକିତ୍ସା ପାଇଁ ବି ଅର୍ଥ ନାହିଁ । ଏଭଳି ସମୟରେ ଝିଅର ଚିିକିତ୍ସା ପାଇଁ ରାଜ୍ୟ ବାହାରକୁ ଯିବାକୁ ପଡିବ ଓ ଅଧିକ ଅର୍ଥ ଲାଗିବ ବୋଲି ଡାକ୍ତର କହିବା ପରେ ବାପା ମାଆଙ୍କ ପାଦ ତଳୁ ମାଟି ଖସିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ନିଳାଦ୍ରୀ ବିହାର ଆଦର୍ଶ ବସ୍ତିରେ ଭଂଗା ଘରେ ଥିବା ଏହି ଗରିବ ପରିବାର ଶିଶୁ କନ୍ୟାଙ୍କୁ କେମିତି ଭଲ କରିବେ ତାକୁ ନେଇ ଚିନ୍ତାରେ ପଡିଛନ୍ତି । ଘଟଣା ନଜରକୁ ଆସିବା ପରେ ଆଦର୍ଶ ବସ୍ତିରେ ପହଂଚି ତୁଳସୀର ପରିବାରକୁ ଭେଟିଛନ୍ତି କେନ୍ଦ୍ରମନ୍ଦୀ ପ୍ରତାପ ଷଢଙ୍ଗୀ । ଭୁବନେଶ୍ୱର ଏମ୍ସରେ ଚିକିତ୍ସା ବ୍ୟବସ୍ଥା କରାଇଛନ୍ତି । ଆବଶ୍ୟକ ହେଲେ ଅନ୍ୟ ସମସ୍ତ ସହାୟତା ଯୋଗାଇ ଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି କେନ୍ଦ୍ରମନ୍ତ୍ରୀ ।
ତେବେ କେନ୍ଦ୍ରମନ୍ତ୍ରୀଙ୍କ ପ୍ରତିଶ୍ରୁତି ପରେ ପରିବାର ଲୋକଙ୍କ ମୁହଁରେ ଦେଖିବାକୁ ମିଳିଛି ସାମାନ୍ୟ ଖୁସିର ଝଲକ । ଏବେ ଅପେକ୍ଷା କେବେ ଏମ୍ସରେ ଆରମ୍ଭ ହେବ ତୁଳସୀର ଚିକିତ୍ସା ।