ମତ୍ସ୍ୟଜୀବୀଙ୍କ ଘରେ ଚା’ ପିଇଲେ କେନ୍ଦ୍ରମନ୍ତ୍ରୀ ପରଷୋତ୍ତମ ରୂପାଲା । ହଳଦି ପାଣିରେ ଗୋଡ ଧୋଇ ପାଛୋଟି ନେଲେ ମହିଳା ।

କନକ ବ୍ୟୁରୋ: ମତ୍ସ୍ୟଜୀବୀଙ୍କ ଘରେ ଚା’ ପିଇଲେ କେନ୍ଦ୍ରମନ୍ତ୍ରୀ ପରଷୋତ୍ତମ ରୂପାଲା । କେନ୍ଦ୍ରାପଡା ଜିଲ୍ଲା ମହାକାଳପଡାର ଖରିନାସୀ ଜେଠୀ ଠାରେ ସାଗର ପରିକ୍ରମା କାର୍ଯ୍ୟକ୍ରମରେ ଯୋଗଦେବା ଅବସରରେ କେନ୍ଦ୍ରମନ୍ତ୍ରୀ ଖରନାସୀ ଗ୍ରାମର ପାରମ୍ପରିକ ମତ୍ସ୍ୟଜୀବୀ ଭବେନ ମଣ୍ଡଳଙ୍କ ଘରେ ପହଞ୍ଚିଥିଲେ ।

ଘରେ ପହଞ୍ଚିବା ପରେ କେନ୍ଦ୍ରମନ୍ତ୍ରୀଙ୍କୁ ଗୋଡ଼କୁ ହଳଦୀ ପାଣିରେ ଧୋଇ ଫୁଲଚନ୍ଦନ ଲଗାଇ ସ୍ୱାଗତ କରି ଥିଲେ । ପରେ ମନ୍ତ୍ରୀ ଶ୍ରୀରୂପାଲା ମତ୍ସ୍ୟଜିବୀଙ୍କ ଘର ପିଣ୍ଢାରେ ବସି ଚା ପିଇବା ସହିତ ପରିବାର ଲୋକଙ୍କ ସହିତ ବାର୍ତାଳପ କରିଥିଲେ । କେନ୍ଦ୍ରମନ୍ତ୍ରୀଙ୍କୁ ନିକଟରେ ପାଇ ମତ୍ସ୍ୟଜିବୀ ପରିବାର ବେଶ ଖୁସି ହୋଇଥିଲେ । ଏଭଳି ଆତିଥ୍ୟ ପାଇ ମନ୍ତ୍ରୀ କେନ୍ଦ୍ରମନ୍ତ୍ରୀ ମଧ୍ୟ ମତ୍ସ୍ୟଜିବୀ ପରିବାରଙ୍କୁ କୃତଜ୍ଞତା ଜଣାଇଥିଲେ ।