କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ତେରେଛା ବାଣ । ସ୍ୱାସ୍ଥ୍ୟ ଓ କୃଷି ମନ୍ତ୍ରୀଙ୍କୁ କଲେ ଟାର୍ଗେଟ । ପଢନ୍ତୁ, କଣ କହିଲେ କେନ୍ଦ୍ରମନ୍ତ୍ରୀ?
କନକ ବ୍ୟୁରୋ: ପଦ୍ମପୁର ପ୍ରଚାର ମୈଦାନକୁ ଓହ୍ଲାଇବା ପୂର୍ବରୁ ଆକ୍ରମଣାତ୍ମକ ହୋଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଇନପୁଟ ସବସିଡି, ରେଳ ପ୍ରକଳ୍ପ, ଦାଦନ ସମସ୍ୟାକୁ ନେଇ ରାଜ୍ୟ ସରକାରଙ୍କୁ ସମାଲୋଚନା କରିବା ସହ ସ୍ୱାସ୍ଥ୍ୟମନ୍ତ୍ରୀ ନବଦାସ ଓ କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁଙ୍କୁ ଟାର୍ଗେଟ କରିଛନ୍ତି । ସ୍ୱାସ୍ଥ୍ୟମନ୍ତ୍ରୀଙ୍କୁ ଟାର୍ଗେଟ କରି କହିଛନ୍ତି, ପଦ୍ମପୁରରେ ସ୍ୱାସ୍ଥ୍ୟମନ୍ତ୍ରୀ ଟଙ୍କା ମୁଣି ଧରି ବୁଲୁଛନ୍ତି । ଲୋକଙ୍କ ଚିକିତ୍ସା ପାଇଁ ତାଙ୍କର ଦାୟିତ୍ୱ ନାହିଁ?
Kanak News is now on WhatsApp
Join and get latest news updates delivered to you via WhatsApp
ସେହିପରି ଇନପୁଟ ସବସିଡି ପ୍ରସଙ୍ଗରେ ନାଁ ନନେଇ କୃଷିମନ୍ତ୍ରୀଙ୍କୁ ଟାର୍ଗେଟ କରିଛନ୍ତି ଧର୍ମେନ୍ଦ୍ର । ଜିଲ୍ଲାପାଳ ରିପୋର୍ଟ ଦେବା ପରେ ଇନପୁଟ ସବସିଡି କେତେ ଚାଷୀଙ୍କୁ ଦେଇଛ? କେବେ ମରୁଡି ଘୋଷଣା କରାଗଲା? ବୋଲି ପ୍ରଶ୍ନ କରିଛନ୍ତି । ସେପଟେ କେନ୍ଦ୍ରମନ୍ତ୍ରୀଙ୍କୁ ଜବାବ ଦେଇଛି ବିଜେଡି ।
- କେନ୍ଦ୍ରମନ୍ତ୍ରୀଙ୍କ ନିର୍ବାଚନ ରଣନୀତି
- ପଦ୍ମପୁର ପାଇଁ ୪ ବଡ ପ୍ରସଙ୍ଗ
ରାଜ୍ୟରେ ୨୨ ବର୍ଷ ହେଲା ଆଞ୍ଚଳିକ ଦଳର ଶାସନ ଚାଲିଛି, ହେଲେ ଲୋକଙ୍କୁ ଲମ୍ବା ସମୟ ଧରି ଭ୍ରମିତ କରି ରଖାଯାଇ ପାରିବ ନାହିଁ । ଏଥର ସ୍ଥାନୀୟ ସମସ୍ୟାକୁ ନେଇ ବିଜେପି ଲୋକଙ୍କ ପାଖକୁ ଯିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ।
- ବରଗଡରେ ଧାନ କିଣା ଏକ ବଡ ପ୍ରସଙ୍ଗ
- ଫସଲ ବୀମା ପ୍ରତି ସରକାରଙ୍କ ଅପାରଗତା
- ଇନପୁଟ ସବସିଡି ଦିଆଯାଇ ପାରି ନାହିଁ
ଯୁବକମାନେ ଦାଦନ ଖଟିବାକୁ ଯାଉଛନ୍ତି । ଏସବୁକୁ ପଦ୍ମପୁରରେ ବିଜେପି ବଡ ପ୍ରସଙ୍ଗ କରିବ ବୋଲି କହିଛନ୍ତି ଧର୍ମେନ୍ଦ୍ର ପ୍ରଧାନ । ତେବେ ପ୍ରେସରିଲିଜ ଜାରି କରି ଚାଷୀ ପ୍ରସଙ୍ଗରେ କେନ୍ଦ୍ରକୁ ଘେରିଛି ବିଜେଡି । ଚାଷୀଙ୍କ ଆୟ ଦୁଇଗୁଣା କରିବାକୁ କହି ଠକିଛନ୍ତି କେନ୍ଦ୍ର ସରକାର । ଓଡିଶାର ଚାଷୀଙ୍କୁ ଠିକ ସମୟରେ ସାର ଯୋଗାଇ ଦେବା ନେଇ କେନ୍ଦ୍ର ସରକାର ଦେଇଥିବା ପ୍ରତିଶ୍ରୁତି କୁଆଡେ ଗଲା? ବୋଲି ପ୍ରଶ୍ନ କରିଛି ବିଜେଡି ।