‘ରେଲୱେ କ୍ଷେତ୍ରରେ ଓଡିଶା ଇତିହାସ ରଚିବ: ଆସନ୍ତା ୫୦ ବର୍ଷ ଯାଏଁ ବିଜେପି ଓଡିଶାର ସେବା କରିବ’ ; ବିଜୟ ସମ୍ବର୍ଦ୍ଧନାରେ ଅଶ୍ୱିନୀଙ୍କ ଆହ୍ୱାନ
କନକ ବ୍ୟୁରୋ: କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ଜୟ ଜଗନ୍ନାଥ , ଜୟ ଶ୍ରୀରାମ ଓ ଭାରତ ମାତାକୀ ଜୟ ନାରାରେ କମ୍ପି ଉଠିଥିଲା ପୁରା ସମ୍ବର୍ଦ୍ଧନା ଉତ୍ସବର ପରିବେଶ । ଭୁବନେଶ୍ୱରରେ ଆୟୋଜିତ ବିଜେପିି ବିଜୟ ସମ୍ବର୍ଦ୍ଧନା ସଭାରେ ରାଜ୍ୟବାସୀଙ୍କୁ କୃତଜ୍ଞତା ଜଣାଇବା ସହ ରେଲୱେ ବିକାଶର ଭବିଷ୍ୟତ ନେଇ ପ୍ରତିଶ୍ରୁତି ଦେଲେ କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ । କହିଲେ, ରାଜ୍ୟରେ ଦଳର ବିଜୟ ପାଇଁ ରାଜ୍ୟ ସଭାପତି ମନମୋହନ ସାମଲଙ୍କ ଉଦ୍ୟମ ବାସ୍ତବରେ ପ୍ରଶଂସନୀୟ । ଏହାସହ ଓଡିଶାବାସୀଙ୍କ ସହଯୋଗ ଓ ସ୍ନେହ , ଶ୍ରଦ୍ଧା ମଧ୍ୟ ବହୁମୂଲ୍ୟ ।
Kanak News is now on WhatsApp
Join and get latest news updates delivered to you via WhatsApp
ଅଶ୍ୱିନୀ କହିଛନ୍ତି, ‘୧୦ ବର୍ଷ ତଳେ ଓଡିଶାକୁ ଦିଆଯାଉଥିଲା କେବଳ ୮୦୦ କୋଟି ଟଙ୍କା, ଯାହା କୌଣସି ବିକାଶ କାମ ପାଇଁ ଅତି ନଗଣ୍ୟ । ଆଗରୁ ଓଡିଶା ପ୍ରତିି ଅବହେଳା କରାଯାଉଥିଲା । କିନ୍ତୁ ମୋଦୀ ସରକାରଙ୍କ ଶାସନ କାଳରେ ଓଡିଶାକୁ ବେଶ୍ ଗୁରୁତ୍ୱ ଦିଆଯାଉଛି । ୧୦ ବର୍ଷ ଭିତରେ ମୋଦୀ ଓଡିଶାର ଦାୟିତ୍ୱକୁ ଗୁରୁତ୍ୱ ଦେଇ ଫଣ୍ଡକୁ ୪ ଗୁଣା କଲେ । ଓଡିଶାକୁ ପ୍ରତି ବର୍ଷ ୧୦ ହଜାର କୋଟି ଟଙ୍କାର ଅଧିକ ଅନୁଦାନ ମିଳୁଛି ରେଲୱେ କ୍ଷେତ୍ରରେ ବିକାଶ ମିଳୁଛି । ଏବେ ଓଡିଶାରେ ରେଲୱେର ବିକାଶ ପାଇଁ ୧୦ ହଜାର ୫୩୬ କୋଟି ଟଙ୍କାର ଅନୁଦାନ ମିଳିଛି ।
‘ଗତ ୧୦ ବର୍ଷ ଭିତରେ ଓଡିଶାରେ ନୂଆ ରେଲୱେ ଲାଇନ୍ ଯାହା ତିଆରି ହୋଇଛି ତାହା ଏକ ରେକର୍ଡ । ୧୮୨୬ କିଲୋମିଟର ନୂଆ ରେଲୱେ ଲାଇନ୍ ତିଆରି ହୋଇଛି । କହିବାକୁ ଗଲେ ଓଡିଶାରେ ଯେତିକି ରେଲୱେ ଲାଇନ୍ ତିଆରିି ହୋଇଛି ତାହା ଶ୍ରୀଲଙ୍କାର ସମୁଦାୟ ରେଲୱେ ଟ୍ରାକ୍ ଠାରୁ ଅଧିକ । ପୁରା ଶ୍ରୀଲଙ୍କାରେ ରେଲୱେ ନେଟୱର୍କ ୧୭ ଶହ କିଲୋମିଟର ହୋଇଥିବାବେଳେ ଓଡିଶାରେ ତା’ଠାରୁ ଅଧିକ ଲମ୍ବର ରେଲୱେ ଲାଇନ୍ ନିର୍ମାଣ କରାଯାଇଛି । ଏହା ସବୁଠୁ ବଡ ଉପଲବ୍ଧି’ ।
‘ଏବେ ହବଲ ଇଞ୍ଜିନ ସରକାର ସମୟରେ ଓଡିଶାରେ ରେଲୱେର ଆହୁରି ବିକାଶ ହେବ । କାରଣ ପୂର୍ବରୁ ଟ୍ରାକ୍ ନିର୍ମାଣ ପାଇଁ ଜମି ମିଳିବାରେ ଭାରି ସମସ୍ୟା ହେଉଥିଲା ତେଣୁ କାମ କରିବାରେ ବିଳମ୍ବ ହେଉଥିଲା । ଏବେ ମୋହନ ମାଝୀଙ୍କ ସରକାର ସହ ରାଜ୍ୟରେ ରେଲୱେ ଆହୁରି ବିକାଶର ଧାରା ଜୋରସୋରରେ ଆଗେଇବ । ଆଗାମୀ ୫ ବର୍ଷ ଭିତରେ ମୋଦୀଙ୍କ ସହଯୋଗରେ ଓଡିଶାକୁ ସର୍ବାଧିକ ୧ ଲକ୍ଷ କୋଟ ଟଙ୍କାର ପ୍ରୋଜେକ୍ଟ ଆସିବ , ଓଡିଶା ରେକର୍ଡ କରିବ ଇତିହାସ ରଚିବ ବୋଲି କହିଛନ୍ତି ଅଶ୍ୱିନି । ଏହାସହ ରଥଯାତ୍ରା ପାଇଁ ଶ୍ରୀକ୍ଷେତ୍ରକୁ ଭକ୍ତଙ୍କ ୨୫ ଜିଲ୍ଲାରୁ ପାଇଁ ୩୧୫ଟି ସ୍ୱତନ୍ତ୍ର ଟ୍ରେନ ଚାଲିବ । ୧୦ ବର୍ଷ ତଳେ ରଥଯାତ୍ରା ସମୟରେ ପୁରୀକୁ ୮୯ଟି ଟ୍ରେଅନ ଚାଲୁଥିବାବେଳେ ଏବେ ଏହା ୩୧୫ରେ ପହଞ୍ଚିଛ’ି ।
ଏହାପରେ ଇଲେକ୍ଟ୍ରୋନିକ୍ସ ଓ ଆଇଟି କ୍ଷେତ୍ରରେ ଯୁବକଙ୍କୁୁ ସୁଯୋଗ ଦିଆଯିବା ଉପରେ ଆଲୋକପାତ କରିଥିଲେ ଅଶ୍ୱିନୀ । କହିଛନ୍ତି, ‘ଓଡିଶାରେ ବିରାଟ ବଡ ଇଲେକ୍ଟ୍ରୋନିକ୍ସ ମ୍ୟାନ୍ୟୁଫ୍ୟାକଚରିଙ୍ଗ କ୍ଲଷ୍ଟର ନିର୍ମାଣ ହେବ । ଏଥିପାଇଁ ପୂର୍ବରୁ ମୋଦୀ ସରକାର ଅର୍ଥ ମଂଜୁରୀ କରି ରଖିଛନ୍ତି ।ଏହାଦ୍ୱାରା ରାଜ୍ୟର ଯୁବକ ଯୁବତୀଙ୍କୁ ନିଯୁକ୍ତି ସୁଯୋଗ ମିଳିବ । ନିଜର କର୍ତ୍ତବ୍ୟନିଷ୍ଠା ସହ ବିଜେପି ଆଗାମୀ ୫୦ ବର୍ଷ ଯାଏଁ ଓଡିଶାର ସେବା କରିବ ଏହା ଆମ ସମସ୍ତଙ୍କର ପ୍ରାର୍ଥନା’ କହି ନିଜ ବକ୍ତବ୍ୟ ଶେଷ କରିଥିଲେ ଅଶ୍ୱିନୀ ।
c