ଜମ୍ମୁ-କାଶ୍ମୀରରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ସେନାର ଶିବିରରେ ପହଁଛି ସୁରକ୍ଷା ବ୍ୟବସ୍ଥାର କଲେ ସମୀକ୍ଷା ।

74

କନକ ବ୍ୟୁରୋ: ଜମ୍ମୁ-କାଶ୍ମୀରରେ ଗୃହମନ୍ତ୍ରୀ ଅମିତ ଶାହା । ତିନି ଦିନିଆ ଗସ୍ତର ଶେଷ ଦିନରେ ପାରମ୍ପାରିକ କାଶ୍ମିରୀ ପୋଷାକରେ ନଜର ଆସିଛନ୍ତି ଗୃହମନ୍ତ୍ରୀ । ସୋମବାର ସକାଳୁ ଶ୍ରୀନଗର ଐତିହାସିକ ପୀଠ ମାତା ଖୀର ଭବାନି ମନ୍ଦିରରେ ପହଁଚି ଦର୍ଶନ କରଛନ୍ତି । କାଶ୍ମୀର ପଣ୍ଡିତଙ୍କ ଏହି ପ୍ରସିଦ୍ଧ ମନ୍ଦିରରେ ବିଧିବଦ୍ଧ ଭାବେ ପୂଜାର୍ଚ୍ଚନା କରିଛନ୍ତି ଅମିତ ଶାହା ।

ମନ୍ଦିରରେ ଅମିତ ଶାହାଙ୍କ ସହିତ ଜାମ୍ମୁ କାଶ୍ମୀର ଏଲଜି ମନୋଜ ସିହ୍ନାଙ୍କୁ ମଧ୍ୟ ଦେଖିବାକୁ ମିଳିଛି । ସେହିପରି ଶେଷ ଦିନରେ ଜାମ୍ମୁ କାଶ୍ମୀରରେ ଏକାଧିକ ପ୍ରକଳ୍ପର ଉଦଘାଟନ କରିଛନ୍ତି କେନ୍ଦ୍ର ଗୃହମନ୍ତ୍ରୀ । ଶ୍ରୀନଗର ଏକ ସାଧାରଣ ସଭାକୁ ସମ୍ବୋଧିତ କରିବା ସମୟରେ ସୁରକ୍ଷା ପାଇଁ ଥିବା ବୁଲେଟ ପ୍ରୁଫ ଢାଳକୁ ହଟେଇ ଦେଇଛନ୍ତି । ଏଲଜି ମନୋଜ ସିହ୍ନ ନିଜେ ଏହାକୁ ହଟାଉଥିବା ଦେଖିବାକୁ ମିଳିଛି । କାଶ୍ମୀର ଲୋକଙ୍କ ମନରେ ଭରସା ଜନ୍ମାଇବା ପାଇଁ ସେ ନିଜ ସୁରକ୍ଷାକୁ ପଛରେ ପକାଇଛନ୍ତି ।

ତିନି ଦିନିଆ ଗସ୍ତରେ କେନ୍ଦ୍ର ଗୃହମନ୍ତ୍ରୀ ସୀମାରେ ପହଁଚି ସେନାବାହିନୀ ସହ ସମୟ କାଟିଛନ୍ତି । ସେନା ଶିବିରରେ ପହଁଚି ସୀମାର ସୁରକ୍ଷା ବ୍ୟବସ୍ଥା ନେଇ ଆଲୋଚନା କରିଛନ୍ତି । ସୁରକ୍ଷା ବଳଙ୍କ ସାଙ୍ଗରେ ବର୍ଡର ପରିଦର୍ଶନ କରିଛନ୍ତି ଗୃହମନ୍ତ୍ରୀ ଅମିତ ଶାହା । ଏହାସହ ସୀମା ନିକଟବର୍ତ୍ତୀ ଗାଁ ଲୋକଙ୍କ ସହ ମଧ୍ୟ ଆଲୋଚନା କରିଛନ୍ତି ଅମିତ ଶାହା । ଗୃହମନ୍ତ୍ରୀ ନିଜେ ଫରୱାର୍ଡ ପୋଷ୍ଟ ଶେଷ ପୋଷ୍ଟକୁ ଯିବା ପାକିସ୍ତାନକୁ ଏକ ବଡ ସଂଦେଶ ଦେଇଛି । ସେପଟେ ଅମିତ ଶାହଙ୍କ ଏହି ଗସ୍ତକୁ ନେଇ ବିରୋଧି କଟାକ୍ଷ କରିଛନ୍ତି ଗୁଲାମ ନବି ଆଜାଦ୍ ।