ବେଠି ପରମ୍ପରାରୁ ମୁକ୍ତି ଦେଲେ ମୋଦି ସରକାର ! ବଜେଟ୍ ନୁହଁ ଏବେ କୁହାଯିବ ‘ଦେଶର ବହି –ଖାତା’, ବ୍ରିଫକେସ୍ ବଦଳରେ ନାଲି ମଖମଲି ବ୍ୟାଗ୍ ରେ ରଖାଯିବ ବଜେଟ୍
ଐତିହାସିକ ବହୁମତରେ ବିଜୟ ଲାଭ କରିବା ପରେ ମୋଦି ସରକାରଙ୍କ ଦ୍ୱିତୀୟ କାର୍ଯ୍ୟକାଳା ଆଜି ହେଉଛି ପ୍ରଥମ ସାଧାରଣ ବଜେଟ୍ । ସଂସଦରେ ବଜେଟ୍ ଉପସ୍ଥାପନ ହେବା ପୂର୍ବରୁ ଏଥରର ଖାସ୍ କଥା ସାମ୍ନାକୁ ଆସିଯାଇଛି । ଅର୍ଥମନ୍ତ୍ରୀ ନିର୍ମଳା ସୀତାରମଣ୍ ଦେଶକୁ ଆଗାମୀ ବର୍ଷ ପାଇଁ କ’ଣ ଦେବାକୁ ଯାଉଛନ୍ତି । ପରମ୍ପରାଗତ ଦସ୍ତାବିଜକୁ ବ୍ରିଫକେସ୍ ରେ ନ ରଖି ସେ ନାଲି ବ୍ୟାଗର ବ୍ୟବହାର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବଜେଟ୍ ପଟକଥାକୁ କଭର୍ ଲାଗିଥିବା ମଖମଲି ନାଲି କପଡାରେ ରଖି ସେ ଆଣିଛନ୍ତି । ଏଭଳି ଭାବେ ମୋଦି ସରକାର ବଜେଟ୍ ରେ ଜଡିତ ଥିବା ପାଶ୍ଚାତ୍ୟ ପୁରୁଣା ପରମ୍ପରାକୁ ମଧ୍ୟ ଶେଷ କରିଛନ୍ତି । ବ୍ୟାଗରେ ବଜେଟ୍ ପରମ୍ପରା ୧୭୩୩ ରେ ସେତେବେଳେ ଆରମ୍ଭ ହୋଇଥିଲା ଯେତେବେଳେ ବ୍ରିଟିଶ୍ ସରକାର ପ୍ରଧାନମନ୍ତ୍ରୀ ଏବଂ ଅର୍ଥମନ୍ତ୍ରୀ ରବର୍ଟ ୱାଲପୋଲ୍ ବଜେଟ୍ ଉପସ୍ଥାପନ କରିବାକୁ ଆସିଥିଲେ ଏବଂ ତାଙ୍କ ହାତରେ ଚମଡାର ଏକ ବ୍ୟାଗ୍ ଥିଲା । ଏହି ବ୍ୟାଗରେ ହିଁ ବଜେଟ୍ ସହ ଜଡିତ ଥିବା ଦସ୍ତାବିଜ୍ ଥିଲା । ଚମଡାର ଏହିି ବ୍ୟାଗକୁ ଫ୍ରେନ୍ଚ ଭାଷାରେ ‘ବୁଜେଟ୍’ ବୋଲି କୁହାଯାଉଥିଲା । ଏହା ପରଠାରୁ ଏହାକୁ ବଜେଟ୍ ବୋଲି କୁହାଯାଉଥିଲା ।
ଲାଲ୍ ସୁଟକେସ୍ ର ବ୍ୟବହାର ପ୍ରଥମେ ୧୮୬୦ ରେ ବ୍ରିଟିଶ୍ ବଜେଟ୍ ମୁଖ୍ୟ ବିଲିମୟ ଗ୍ଲେଡଷ୍ଟୋନ୍ କରିଥିଲେ । ଯାହାକୁ ପରମୁହୂର୍ତ୍ତରେ ଗ୍ଲେଡଷ୍ଟୋନ୍ ବକ୍ସ ମଧ୍ୟ କୁହାଯାଉଥିଲା ଏବଂ ଲଗାତାର ଏହି ବ୍ୟାଗରେ ବ୍ରିଟେନ୍ ର ବଜେଟ୍ ଉପସ୍ଥାପନ କରାଯାଉଥିଲା । ୨୦୧୦ ରେ ଏହି ବ୍ୟାଗକୁ ଅବସର ଦିଆଯାଇଥିଲା । ଭାରତରେ ଲେଦର ବ୍ୟାଗରୁ ଆରମ୍ଭ ହୋଇଥିଲା ବଜେଟ୍ ଉପସ୍ଥାପନ ।