ବିହାର ନିର୍ବାଚନରେ ରୋଜଗାର ମୁଦ୍ଦା । କ୍ଷମତାକୁ ଆସିଲେ ୧୦ ଲକ୍ଷ ସରକାରୀ ଚାକିରି ଦେବାକୁ ଘୋଷଣା କଲା ଆରଜେଡି । କାଉଣ୍ଟର କଲା ବିଜେପି କହିଲା, କ୍ଷମତାକୁ ଆସିଲେ ଦେବ ୧୯ ଲକ୍ଷ ଚାକିରି
କନକ ବ୍ୟୁରୋ : ବିହାର ବିଧାନସଭା ପାଇଁ ୨୮ ଅକ୍ଟୋବରରେ ପଡିବ ପ୍ରଥମ ପର୍ଯ୍ୟାୟ ଭୋଟ୍ । କିନ୍ତୁ ତା ପୂର୍ବରୁ ନିର୍ବାଚନୀ ଲଢେଇ କେଉଁ ପ୍ରସଙ୍ଗରେ ହେବ, ତାର ନ୍ୟାରେଟିଭ ସ୍ଥିର କରିସାରିଛନ୍ତି ତେଜସ୍ୱୀ ଯାଦବ । କ୍ଷମତାକୁ ଆସିଲେ ୧୦ ଲକ୍ଷ ସରକାରୀ ଚାକିରି ଦେବାକୁ ଘୋଷଣା କରିଛି ଆରଜେଡି । ଏଥିସହ ଘୋଷଣା ପତ୍ର ଜାରି କରି ତେଜସ୍ୱୀ କହିଛନ୍ତି ୮୫ ପ୍ରତିଶତ ବିହାରୀ ଯୁବକଙ୍କୁ ଅଗ୍ରାଧିକାର ଦିଆଯିବ । ଏହାକୁ କାଉଂଟର କରିବାକୁ ବିହାର ବିଜେପି କହିଛି କ୍ଷମତାକୁ ଆସିଲେ ୧୯ ଲକ୍ଷ ରୋଜଗାର ଦିଆଯିବ । ଏହାକୁ ନେଇ ଆରୋପ-ପ୍ରତ୍ୟାରୋପ ତ ଆରମ୍ଭ ହୋଇଯାଇଛି । ହେଲେ ଭୋଟରଙ୍କୁ ଏହି ପ୍ରତିଶ୍ରୁତି କେତେ ଆକର୍ଷିତ କରୁଛି, ତା ଉପରେ ନଦର ରହିଛି ।
Kanak News is now on WhatsApp
Join and get latest news updates delivered to you via WhatsApp
ବିହାରରେ ମାଗଣା କରୋନା ଭ୍ୟାକ୍ସିନର ରାଜନୈତିକ ଟ୍ରାଏଲ ଆରମ୍ଭ ହେବା ପୂର୍ବରୁ ଏଥର ନିର୍ବାଚନର ନ୍ୟାରେଟିଭ ସ୍ଥିର କରିଦେଇଛନ୍ତି ଆରଜେଡି ନେତା ତେଜସ୍ୱୀ ଯାଦବ । ଆରଜେଡି ଘୋଷଣାପତ୍ରରେ ଆଗାମୀ ୨୮ ତାରିଖରେ ବିହାର ବିଧାନସଭା ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ଭୋଟ୍ ପୂର୍ବରୁ ୧୦ ଲକ୍ଷ ଚାକିରି ଘୋଷଣାକୁ ନିର୍ବାଚନୀ ଇସ୍ତାହାରରେ ଜାମା ପିନ୍ଧାଇଛନ୍ତି ଆରଜେଡି ନେତା । ତେଜସ୍ୱୀ ଯାଦବ କହିଛନ୍ତି
ଅର୍ଥାତ ବିହାରର ଯୁବକ, ଯୁବତୀଙ୍କ ପାଇଁ ସଂରଖଣ କାର୍ଡ ଖେଳି ବିହାରର ନିର୍ବାଚନୀ ଲଢେଇକୁ ଆହୁରି ରୋମାଂଚକର କରିଦେଇଛନ୍ତି ତେଜସ୍ୱୀ ଯାଦବ । ଆରଜେଡି ସରକାରୀ ଚାକିରି ଦେବାକଥା କହିଛି, ଅର୍ଥାତ ରୋଜଗାର ନୁହେଁ ବୋଲି ସ୍ପଷ୍ଟ କରିଦେଇଛନ୍ତି ନେତା ଆରଜେଡି । ଆରଜେଡିର ଏହିଭଳି ମନଲୋଭ ଘୋଷଣାପତ୍ରକୁ ଦେଖି ବିଜେପି ଛାନିଆ । ତେଣୁ ନିର୍ବାଚନୀ ରାଲିରେ ଜାମ୍ମୁ-କାଶ୍ମୀର, ପାକିସ୍ତାନ ଓ ଆତଙ୍କବାଦ ଭଳି ରାଷ୍ଟ୍ରୀୟ ପ୍ରସଙ୍ଗ ଉଠାଉଥିବା ଗେରୁଆ ଦେଳକୁ ଆରଜେଡିର ପ୍ରତିଶ୍ରୁତି ମିଛ ଲାଗୁଛି ।
ବିହାରରେ ବେରୋଜଗାରିକୁ ପ୍ରସଙ୍ଗ କରି ନିର୍ବାଚନର ନ୍ୟାରେଟିଭ ବଦଳାଇ ସାରିଛନ୍ତି ତେଜସ୍ୱୀ ଯାଦବ । ଆଉ ଏହି ପ୍ରସଙ୍ଗକୁ ଜୋରରେ ଜାବୁଡି ଧରିଛନ୍ତି । ଯାହା ତାଙ୍କ ନିର୍ବାଚନୀ ସଭା ନିକଟକୁ ଭିଡକୁ ଟାଣି ଆଣୁଛି । ଆଉ ଏହି ଜୋସରେ ଆରଜେଡି ତାର ନିର୍ବାଚନୀ ଇସ୍ତାହାରରେ ଏକାଧିକ ବଡ ଘୋଷଣା ବି କରିଛି ।
ଏସବୁ ପ୍ରତିଶ୍ରୁତି ଭିତରେ ତେଜସ୍ୱୀ ଯାଦବ, ୧୦ ଲକ୍ଷ ସରକାରୀ ଚାକିରି ପ୍ରସଙ୍ଗ ଉଠାଇ ବିହାର ବିଧାନସଭା ଆସନ ପାଇଁ ଖେଳକୁ ଅତି ରୋମାଂଚକର କରିସାରିଛନ୍ତି । ଯାହାର ଗୁଞ୍ଜରଣ ଏବେ ଭିଡର ଚିକ୍ରାର ହୋଇ ସାମ୍ନାକୁ ଆସିବାରେ ଲାଗିଛି । ତେଣୁ କାଳେ ପଛରେ ପଡିଯିବ ସେହି ଆଶାଙ୍କାରେ ବିଜେପି ବି ସରକାରୀ ଚାକିରି ଯାଗାରେ ୧୯ ଲକ୍ଷ ରୋଜଗାର ଦେବାକୁ ଘୋଷଣା କରିପକାଇଛି ।
ଜାତି ରାଜନୀତିରେ ବର୍ଷବର୍ଷ ଧରି ଫସିରହିଥିବା ବିହାରରେ ଏହି ପ୍ରସଙ୍ଗ ଭଲ ସଂକେତ ଦେଉଛି । ଯେତେବେଳେ ସବୁ ରାଜନତିକ ଦଳ ରୋଜଗାର ଓ ଚାକିରିକୁ ପ୍ରସଙ୍ଗ କରି ଜନମତ ଜିତିବାକୁ ଚାହୁଁଛନ୍ତି । ତେଣୁ ଯଦି ଜନତା କେବଳ କାମ ଆଶାରେ ଇଭିଏମର ବଟନ ଦବାତି ତାହାହେଲେ ଏହା ବିହାରର ଭାଗ୍ୟ ବଦଳାଇ ଦେଇପାରେ ।