ବିଧାନସଭାରେ ଉଠିଲା ବେକାରୀ ତାତି ! ବିରୋଧୀ କହିଲେ, ସଜାଗ ହେଉନାହାନ୍ତି ସରକାର, ଆଗକୁ ନିଯୁକ୍ତି ସୁଯୋଗ ସୃଷ୍ଟି ନକଲେ ବେକାରୀ କରିବେ ବଡ଼ ବିଦ୍ରୋହ
କନକ ବ୍ୟୁରୋ: ଦିନକୁ ଦିନ ରାଜ୍ୟରେ ବେକାରୀ ସ୍ଥିତି ଜଟିଳ ହେବାରେ ଲାଗିଛି । ଏକଥା ଆମେ କହୁନୁ ବରଂ ବିଧାନସଭାରେ ଏନେଇ ତାତି ଉଠିଛି । ରାଜ୍ୟରେ ବେକାରୀ ସମସ୍ୟା ନେଇ ମୁଲତବୀ ପ୍ରସ୍ତାବ ଉପରେ ବିଧାନସଭାରେ ଆଲୋଚନା ଆରମ୍ଭ ହୋଇଛି । ଏଥିରେ ଭାଗ ନେଇ ସଦସ୍ୟମାନେ ରାଜ୍ୟରେ ବେକାରୀ ସଂକଟ ଉକ୍ରଟ ବୋଲି କହିଛନ୍ତି । ବିଜେପି ଓ କଂଗ୍ରେସ ସଦସ୍ୟମାନେ ସରକାରଙ୍କୁ ନିଯୁକ୍ତି ଚିନ୍ତା ନଥିବା ଅଭିଯୋଗ ଆଣି ଟାର୍ଗେଟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ଗୃହରେ କହିଛନ୍ତି, ଇକୋନୋମିକ ସର୍ଭେ ରିପୋର୍ଟରୁ ଜଣାପଡ଼ିଛି ଯେ, ରାଜ୍ୟରେ ନିଯୁକ୍ତି ହାର କମିଛି । ରାଜ୍ୟରେ ୮୫ ଲକ୍ଷ ଲୋକଙ୍କୁ ନିଯୁକ୍ତି ନାହିଁ । ବିଭିନ୍ନ ସରକାରୀ ବିଭାଗରେ ମଞ୍ଜୁରୀପ୍ରାପ୍ତ ପଦବୀ ତୁଳନାରେ ଵହୁ ପଦବୀ ଖାଲି ପଡିଛି। ୫ ଲକ୍ଷ ୮୩ ହଜାର ସରକାରୀ ମଞ୍ଜୁରୀପ୍ରାପ୍ତ ପଦଵୀରୁ ୧ ଲକ୍ଷ ୩୧ ହଜାର ୫୧୮ ପଦବୀ ପୂରଣ କରିବାରେ ସରକାରଙ୍କ ଆନ୍ତରିକତା ନାହିଁ । ଏପରିକି ରୋଜଗାରରେ ସାମିଲ ନହୋଇ ଯୁବକମାନେ ଅପରାଧରେ ସାମିଲ ହେଉଛନ୍ତି । ଆଗକୁ ଯୁବକମାନେ ବେକାରୀ ନେଇ ବଡ଼ ବିଦ୍ରୋହ କରିବେ । କ୍ଷୁଦ୍ର ଓ ନାମମାତ୍ର ଚାଷୀ ପରିବାର ବାଧ୍ୟ ହୋଇ ଵାହାର ରାଜ୍ୟକୁ ଦାଦନ ଖଟିବାକୁ ଯାଇ ନିର୍ଯାତନାର ଶିକାର ହେବେ ବୋଲି ଗୃହରେ ବିବୃତି ରଖିଛନ୍ତି ନରସିଂହ ।
ଅନ୍ୟପଟେ ରାଜ୍ୟରେ କୁଶଳୀ ଯୁବକ ଯୁଵତୀଙ୍କ ଅଭାବ ନାହିଁ । ଦାଦନ ଅଵସ୍ଥା ଅତି ବିଭତ୍ସ ଓ ଭୟଙ୍କର। ଏନ ଏସ ଏସ ରିପୋର୍ଟ କହୁଛି, ଟାଟା ଟ୍ରଷ୍ଟ ସହ ସରକାର ଏମ ଓୟୁ କରିଥିଲେ। ୨ ଟି ଜିଲ୍ଲାର ୩୦ ପଞ୍ଚାୟତକୁ ପୋଷ୍ୟ ଭାବେ ଗ୍ରହଣ କରି ଉନ୍ନତି ସହ ନିଯୁକ୍ତି ସୁଯୋଗ ଦେଵ। କିନ୍ତୁ ୨୦୦୭-୦୮ ରେ ୧ କୋଟି ୧୪ ଲକ୍ଷ ଦାଦନ ଶ୍ରମିକ ଓଡ଼ିଶାର । ଏଥିରୁ ୧ କୋଟି ୪ ଲକ୍ଷ ରାଜ୍ୟ ଭିତରେ ଅନ୍ୟ ଜିଲ୍ଲାରେ ଖଟୁଥିବା ବେଳେ ୧୦ ଲକ୍ଷ ବାହାର ରାଜ୍ୟକୁ ଦାଦନ ଖଟିବାକୁ ଯାଉଛନ୍ତି । ୩୫ ଲକ୍ଷ ୪ ହଜାର ଯୁଵକଯୁଵତୀ ନିୟୋଜନ କାର୍ଯ୍ୟାଳୟରେ ପଞ୍ଜିକୃତ ହୋଇଥିବା ବେଳେ ମାତ୍ର ୪୫ ହଜାର ୭୮୩ ନିଯୁକ୍ତି ପାଇଛନ୍ତି । ଯାହାର ହାର ମାତ୍ର ୧.୩ ପ୍ରତିଶତ । ୧୭ ବର୍ଷ ହେଲା ଭଦ୍ରକ, ଗଞ୍ଜାମ ଓ ବୌଦ୍ଧ ରେ ନିଯୁକ୍ତି ହାର ଅତି ନଗଣ୍ୟ। ତିନି ଜିଲ୍ଲାରେ ମାତ୍ର ୫୦ ଜଣ ନିଯୁକ୍ତି ପାଇଛନ୍ତି । ଯଦି ଏଭଳି ସ୍ଥିତି ଲାଗି ରୁହେ ତେବେ ଆଗକୁ ଓଡ଼ିଶାରେ ବେକାରୀ ବିଦ୍ରୋହ କରିବେ ବୋଲି କହିଛନ୍ତି ବିରୋଧୀ ଦଳ ନେତା ।