ରାଜ୍ୟରେ ବର୍ଷା ସହିତ ବଢିବ ପବନର ବେଗ : ସତର୍କ କଲା ପାଣିପାଗ ବିଭାଗ

କନକ ବ୍ୟୁରୋ : ରାଜ୍ୟରେ ବର୍ଷା ସହିତ ପବନର ବେଗ ବଢିବ । ଏ ନେଇ ସତର୍କ କରିଛି ପାଣିପାଗ ବିଭାଗ । ଆଜି ଭଦ୍ରକ, ବାଲେଶ୍ୱର ଓ ମୟୂରଭଞ୍ଜ ପାଇଁ ସତର୍କ ସୂଚନା ଜାରି କରାଯାଇଛି । ୩ ଜିଲ୍ଲାରେ ୫୫ରୁ ୬୫ କିମ ବେଗରେ ପବନ ବହିବା ନେଇ ଆଶଙ୍କା କରାଯାଉଛି । କେବଳ ସେତିକି ନୁହେଁ ୭୦ କିମି ବେଗରେ ପବନ ଝଟକା ଦେଇପାରେ ।

ଅନ୍ୟ ୮ଟି ଜିଲ୍ଲାରେ ବି ପବନର ବେଗ ବଢିବ । କେନ୍ଦ୍ରାପଡା, କଟକ, ଜଗତସିଂହପୁର, ଯାଜପୁର, ପୁରୀ, ଖୋର୍ଦ୍ଧା, ଗଞ୍ଜାମ ଓ କେନ୍ଦୁଝର ପାଇଁ ସତର୍କ ସୂଚନା ଜାରି କରାଯାଇଛି । ୪୦ରୁ ୫୦ କିମି ବେଗରେ ପବନ ବହିବା ସମ୍ଭାବନା ରହିଛି । ଢେଙ୍କାନାଳ, ନୟାଗଡ ଓ ଗଜପତିରେ ବି ୩୦ରୁ ୪୦ କିମି ବେଗରେ ପବନ ବହିବା ସମ୍ଭାବନା ରହିଛି । ଅନ୍ୟପକ୍ଷରେ ୨୦ ତାରିଖରେ ୧୯ ଜିଲ୍ଲାରେ ପବନର ବେଗ ବଢିବ । ୪୦ରୁ ୫୦ କିମି ବେଗରେ ପବନ ବହିପାରେ ।