ଟିମ୍ ଇଣ୍ଡିଆକୁ ଝଟକା । ଆହତ କାରଣରୁ ଟେଷ୍ଟ ଟିମରୁ ବାଦ୍ ପଡିଲେ ଉମେଶ ଯାଦବ ।
କନକ ବ୍ୟୁରୋ : ଅଷ୍ଟ୍ରେଲିଆ ବିପକ୍ଷ ତୃତୀୟ ଟେଷ୍ଟ ମ୍ୟାଚ୍ ପୂର୍ବରୁ ଟିମ୍ ଇଣ୍ଡିଆକୁ ଲାଗିଛି ବଡ ଝଟକା । ଦ୍ରୁତତମ ବୋଲର ଉମେଶ ଯାଦବ ଅଷ୍ଟ୍ରେଲିଆ ସିରିଜରୁ ବାଦ୍ ପଡିଛନ୍ତି । ସିରିଜର ବାକି ଥିବା ଦୁଇଟି ମ୍ୟାଚ୍ ଖେଳିପାରିବେନି ଉମେଶ । ମିଳିଥିବା ସୂଚନା ଅନୁଯାୟୀ, ଉମେଶ ଯାଦବ ଭାରତ ପ୍ରତ୍ୟାବର୍ତ୍ତନ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
୩୩ବର୍ଷୀୟ ଉମେଶ ଯାଦବ, ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ ଟେଷ୍ଟର ତୃତୀୟ ଦିନରେ ମ୍ୟାଚ୍ ଖେଳୁଥିବା ବେଳେ ଆହତ ହୋଇଥିଲେ ଉମେଶ । ତାଙ୍କ ଗୋଡର ମାଂଶପେଶୀ ଟାଣିହୋଇଯାଇଥିବା ବେଳେ ସେ ଛୋଟେଇ ଛୋଟେଇ ପଡିଆରୁ ପ୍ୟାଭିଲିୟନ୍ ଫେରିଥିଲେ ।
ପୂର୍ବରୁ ମହମ୍ମଦ ଶାମି ଏବଂ ଇଶାନ୍ତ ଶର୍ମା ଆହତ ହୋଇଥିବାରୁ ଚିନ୍ତାରେ ଥିଲା ଭାରତ । ଆଉ ଏବେ ଉମେଶ ଯାଦବଙ୍କ ଆହତର ଖବର ଦଳକୁ ଏକ ବଡ ଝଟକା ଦେଇଛି । ମେଲବର୍ଣ୍ଣ ଟେଷ୍ଟରେ ଅଷ୍ଟ୍ରେଲିଆକୁ ୮ ୱିକେଟରେ ମାତ୍ ଦେଇଥିଲା ଭାରତ । ଏବଂ ବର୍ତ୍ତମାନ ଏହି ଟେଷ୍ଟ ସିରିଜ୍ ୧-୧ରେ ବରାବର ରହିଛି ।