ଋଷ-ୟୁକ୍ରେନ ବିବାଦ ମଧ୍ୟରେ ୟୁରୋପୀୟ ସଂଘମୁଖ୍ୟଙ୍କ ଚେତାବନୀ, ଋଷକୁ ନେଇ କହିଲେ ଏଭଳି କଥା
କନକ ବ୍ୟୁରୋ : ଋଷ-ୟୁକ୍ରେନ ବିବାଦ ଏବେ ସାରା ବିଶ୍ୱକୁ ଚିନ୍ତାରେ ପକାଇଛି । ଗୋଟିଏ ପଟେ ୟୁକ୍ରେନ ଉପରେ ଆକ୍ରମଣ କରିବାକୁ ଋଷ ସମସ୍ତ ପ୍ରସ୍ତୁତି ଶେଷ କରିଥିବା ବେଳେ ୟୁକ୍ରେନ ସମର୍ଥନରେ ଆମେରିକା ଠିଆ ହୋଇଛି । ଏହାରି ମଧ୍ୟରେ ୟୁରୋପୀୟ ସଂଘ ଏହି ବିବାଦରେ ହସ୍ତକ୍ଷେପ କରିଛି । ୟୁରୋପୀୟ ସଂଘମୁଖ୍ୟ ଉର୍ସୁଲା ଭୋନ ଡେର ଲେୟେନ ଶନିବାର ଦିନ ଋଷକୁ ଚେତାବନୀ ଦେଇ କହିଛନ୍ତି କି ଯଦି ଋଷ ୟୁକ୍ରେନ ଉପରେ ଆକ୍ରମଣ କରେ ତେବେ ଋଷର ଭବିଷ୍ୟତ ବିପଦରେ ପଡିବ । ସେ କହିଛନ୍ତି କି କୌଣସି ଆକ୍ରୋଶ ପରିସ୍ଥିତିରେ ମସ୍କୋ ବିରୋଧରେ ଆର୍ଥିକ ଓ ଅର୍ଥନୈତିକ ପ୍ରତିବନ୍ଧକର ଏକ ‘ଦୃଢ ପ୍ୟାକେଜ’ ଆଣିବାକୁ ୟୁରୋପୀୟ ସଂଘ ପ୍ରତିଶ୍ରୁତି ଦେଇଛି ।
Kanak News is now on WhatsApp
Join and get latest news updates delivered to you via WhatsApp
କେବଳ ସେତିକି ନୁହେଁ ୟୁରୋପୀୟ ସଂଘମୁଖ୍ୟ କହିଛନ୍ତି କି ଯଦି ଋଷ ୟୁକ୍ରେନ ଉପରେ ଆକ୍ରମଣ କରେ ତେବେ ଭବିଷ୍ୟତରେ ଋଷକୁ ଏକ ବଡମୂଲ୍ୟ ଦେବାକୁ ପଡିବ । ସେ ଋଷ ଉପରେ ଅଭିଯୋଗ ଆଣି କହିଛନ୍ତି କି ଋଷ ଅର୍ନ୍ତରାଷ୍ଟ୍ରୀୟ ବ୍ୟବସ୍ଥା ଆଇନକୁ ଉଲଙ୍ଘନ କରିବାକୁ ଚେଷ୍ଟା କରୁଛି ଓ ଏହାକୁ ବଦଳାଇ କ୍ଷମତାକୁ ବ୍ୟବହାର କରିବାକୁ ପ୍ରୟାସ କରୁଛନ୍ତି ଋଷ ରାଷ୍ଟ୍ରପତି ।
କହିରଖୁ କି ଏବେ ଋଷ ଓ ୟୁକ୍ରେନ ସୀମା ଉପରେ ସାରା ବିଶ୍ୱର ନଜର ରହିଛି । ଋଷ ୟୁକ୍ରେନ ସୀମାରେ ଏବେ ୧ ଲକ୍ଷରୁ ଅଧିକ ସୈନ୍ୟ ନିୟୋଜିତ କରିଛି । କେବଳ ସେତିକି ନୁହେଁ ନୌସେନାର ଅଭ୍ୟାସ ପାଇଁ କାଲା ସାଗରରେ ବି ଯୁଦ୍ଧ ଜାହାଜ ପ୍ରେରିତ କରିଛି । ଏନେଇ ‘ନାଟୋ’ଦେଶମାନେ ବି ଆଶଂକାରେ ରହିଛନ୍ତି କି ଋଷ ୟୁକ୍ରେନ ଉପରେ ତୁରନ୍ତ ଆକ୍ରମଣ କରିପାରେ ।
ଅନ୍ୟପଟେ ୟୁକ୍ରେନକୁ ସମର୍ଥନ କରୁଥିବା ଆମେରିକାର ରାଷ୍ଟ୍ରପତି ବି ଯୁଦ୍ଧ ନେଇ ଅନେକ ଥର ଆଶଂକା କରିସାରିଛନ୍ତି । ଶୁକ୍ରବାର ଦିନ ଜୋ-ବାଇଡେନ କହିଛନ୍ତି କି ମୋ ପାଖରେ ଥିବା ସୂଚନା ମୁତାବକ ଆସନ୍ତା ସପ୍ତାହରେ ଋଷ ୟୁକ୍ରେନ ଉପରେ ଆକ୍ରମଣ କରିପାରେ ।