ବଡ ଅଡୁଆରେ ବ୍ରିଟେନ ପ୍ରଧାନମନ୍ତ୍ରୀ: ଦଳୀୟ ନେତା ମାଗିଲେଣି ଇସ୍ତଫା
କନକ ବ୍ୟୁରୋ: ଦେଶରେ କରୋନାର ଭୟ ଭିତରେ ବ୍ରିଟେନ ପ୍ରଧାନମନ୍ତ୍ରୀ ବୋରିଶ ଜନଶନ କୋଭିଡ ନିୟମ ଉଲଂଘନ କରିଥିବା ଅଭିଯୋଗ ହୋଇଛି । ମେ, ୨୦୨୦ରେ ବ୍ରିଟେନରେ କୋଭିଡ କଟକଣା ଜାରି ହୋଇଥଲା । ଏହି ସମୟରେ ଡାଉନିଂଷ୍ଟ୍ରିଟରେ ବୋରିଶ ଗାର୍ଡେନ ପାର୍ଟି କରିଥିଲେ । ଏଥିପାଇଁ ସେ ଇମେଲ୍ ଜରିଆରେ ଅତିଥିଙ୍କୁ ନିମନ୍ତ୍ରଣ କରିଥିଲେ । ଇ-ମେଲ ବାବଦରେ ଏବେ ଖୁଲାସା ହେବା ପରେ ହାଉସ ଅଫ୍ କମନ୍ସରେ ନିଜର ଭୁଲ ପାଇଁ ବ୍ରିଟେନ ପ୍ରଧାନମନ୍ତ୍ରୀ ବୋରିଶ ଜନସନ ଭୁଲ ପାଇଁ କ୍ଷମା ମାଗିଛନ୍ତି । କିନ୍ତୁ ଏହାପରେ ବି ବିବାଦ ଥମିବାର ନା ନେଉନି । ବିରୋଧୀ ଦଳ ଲେବର ପାର୍ଟିର ନେତା କିର ଷ୍ଟାରମର କହିଛନ୍ତି, ପ୍ରଧାନମନ୍ତ୍ରୀ ତାଙ୍କର ହାସ୍ୟାସ୍ପଦ କଥା ପାଇଁ ନିଜ ପଦ ଛାଡିଦେବା ଉଚିତ ।
Kanak News is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ ଖୋଦ୍ ବୋରିଶଙ୍କ ଦଳ କନଜରଭେଟିଭ ପାର୍ଟିର ସାସଂଦ ତଥା ସିଲେକ୍ଟ କମିଟିର ଚେୟାରମ୍ୟାନ୍ ୱିିଲିୟମ ରେଗ୍ କହିଛନ୍ତି, ପ୍ରଧାନମନ୍ତ୍ରୀଙ୍କ ସ୍ଥିତି ଅସ୍ଥିର ରହିଛି । ଡାଉନିଂଷ୍ଟ୍ରିଟରେ ହୋଇଥିବା ପାର୍ଟି ବାବଦରେ ରିପୋର୍ଟ ସାର୍ବଜନୀନ କରିବା ପୂର୍ବରୁ ଇସ୍ତଫା ଦେବା ଉଚିତ୍ ।
ଦଳୀୟ ନେତା ତଥା ବିରୋଧୀ ଲେବର ପାର୍ଟିର ନେତା ଯଦିଓ ବୋରିଶଙ୍କ ଇସ୍ତଫା ମାଗୁଛନ୍ତି ହେଲେ ଜନସନ କହିଛନ୍ତି ଏହା ସରକାରୀ କାମ ସହିତ ଜଡିତ ଏକ ପାର୍ଟି ଥିଲା । ଏଥିପାଇଁ ସେ କ୍ଷମାପ୍ରାର୍ଥନ କରିଛନ୍ତି । ଦଳର ସମସ୍ତ ସାଂସଦଙ୍କ ସହିତ ପାର୍ଟି କରିବା ଠିକ୍ ନଥିଲା ।
କୋଭିଡ ନିୟମ ଉଲ୍ଲଂଘନ ଅଭିଯୋଗ ପାଇଁ ବ୍ରିଟେନ ପ୍ରଧାନମନ୍ତ୍ରୀ କ୍ଷମା ମାଗିଛନ୍ତି । ଆଉ ତାଙ୍କୁ ଇସ୍ତଫା ଦେବାକୁ ମଧ୍ୟ ଦାବି ହେଉଛି । ହେଲେ ଭାରତରେ ସ୍ଥିତି ଅଲଗା । ଏଠି ନିୟମ କେବଳ ସାଧାରଣ ଲୋକଙ୍କ ପାଇଁ ।