ସଂକଟ ବଢ଼ୁଥିବା ବେଳେ ମିଳିଲା ସହାୟତାର ପ୍ରତିଶ୍ରୁତି : ଭାରତକୁ ସହାୟତା ପାଇଁ ଆଗେଇ ଆସିଲେ ଜର୍ମାନୀ, ବ୍ରିଟେନ ଓ ୟୁରୋପୀୟ ସଂଘ
ବିଭିନ୍ନ ମହଲରୁ ସମାଲୋଚନା ପରେ ଭେଂଟିଲେଟର ଓ ଟିକା ପାଇଁ କଂଚାମାଲ ଯୋଗାଇବାକୁ ଘୋଷଣା କଲା ଆମେରିକା
କନକ ବ୍ୟୁରୋ : ଭାରତରେ କରୋନା ସଂକଟ ବଢ଼ୁଥିବା ବେଳେ ମିଳିଲା ସହାୟତାର ପ୍ରତିଶ୍ରୁତି । ଭାରତକୁ ସହାୟତା ପାଇଁ ଆଗେଇ ଆସିଲେ ଜର୍ମାନୀ, ବ୍ରିଟେନ ଓ ୟୁରୋପୀୟ ସଂଘ । କରୋନା ସଂକଟ ସମୟରେ ଦୃଢ଼ ଭାବେ ଭାରତ ସହ ରହିଛୁ ବୋଲି କହିଛନ୍ତି ଜର୍ମାନୀ ଚାନ୍ସଲର ଏଂଜେଲା ମାର୍କେଲ । ବ୍ରିଟେନ ମଧ୍ୟ ଭାରତକୁ ଭେଂଟିଲେଟର ଏବଂ ଅକ୍ସିଜେନ କନସେନଟ୍ରେଟର ପଠାଇବା ପାଇଁ ପ୍ରସ୍ତୁତି ଆରମ୍ଭ କରିଥିବା ଜଣାପଡ଼ିଛି । ବ୍ରିଟେନରୁ ଖୁବଶୀଘ୍ର ଏସବୁ ସାମଗ୍ରୀ ଦିଲ୍ଲୀରେ ପହଂଚିବ ବୋଲି ଜଣାପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
କାନାଡା ସରକାର ମଧ୍ୟ ଭାରତକୁ ପିପିଇ କିଟ୍, ଭେଂଟିଲେଟର ଏବଂ ଅନ୍ୟ ଅତ୍ୟାବଶ୍ୟକ ମେଡିକାଲ ଉପକରଣ ପଠାଇବାକୁ ଘୋଷଣା କରିଛନ୍ତି । ଭାରତରେ ମେ ମଧ୍ୟଭାଗ ସୁଦ୍ଧା ଦୈନିକ କରୋନା ମୃତ୍ୟୁ ୫ ହଜାର ଛୁଇଁବ ବୋଲି ଆମେରିକାର ଏକ ଗବେଷଣା ସଂସ୍ଥା ଆକଳନ କରିଛି । ସେହିପରି ଆମେରିକା ଓ ବ୍ରାଜିଲ ପରି ଦେଶରେ କୋଭିଡ ସ୍ଥିତି ଅତି ସଂକଟଜନକ ହୋଇପଡ଼ିଥିବା ବେଳେ ଆମେରିକା ରାଷ୍ଟ୍ରପତି ଜୋ ବାଇଡେନ ଓ ଉପରାଷ୍ଟ୍ରପତି କମଳା ହାରିସଙ୍କ ନିରବତାକୁ ସହ୍ୟ କରିପାରିନାହାନ୍ତି ସାମାଜିକ ଗଣମାଧ୍ୟମର ଅନୁଗାମୀମାନେ ।
ଏଭଳି ସ୍ଥିତିରେ ଆମେରିକାର ଅବ୍ୟବହୃତ ହୋଇ ଗଚ୍ଛିତ ହୋଇ ରହିଥିବା ଗଦା ଗଦା କୋଭିଡ ଟିକା ଉପରେ ବାଇଡେନ-ହାରିସ ପ୍ରଶାସନ ଏପରି ମାଡିବସିବା ଓ ଇର୍ଷାନ୍ୱିତ ହୋଇ ପାଟେଂଟରର ସୁରକ୍ଷା ଆଳରେ ଅନ୍ୟ ଦେଶରେ ଆବଶ୍ୟକତା ପ୍ରତି କର୍ଣ୍ଣପାତ ନକରିବା ଦୁର୍ଭାଗ୍ୟଜନକ ବୋଲି ଅନେକ ସମାଲୋଚନା କରିଛନ୍ତି । ବିଭିନ୍ନ ମହଲରୁ ସମାଲୋଚନା ପରେ ଭେଂଟିଲେଟର ଓ ଟିକା ପାଇଁ କଂଚାମାଲ ଯୋଗାଇବାକୁ ଘୋଷଣା କରିଛି ଆମେରିକା ।