ଗତ ୩ ବର୍ଷ ଧରି ଇକୋ ଫ୍ରେଣ୍ଡଲି ଦଶହରା ପାଳନ କରୁଛନ୍ତି ଏଠାକାର ଭକ୍ତ ! ପବିତ୍ର ଗଙ୍ଗା ମାଟି ଏବଂ ଇକୋ ଫ୍ରେଣ୍ଡଲି ରଙ୍ଗରେ ବିରାଜୁଛନ୍ତି ମା’ ଜଗତଜନନୀ ।
ପାର୍ବଣର ପବିତ୍ର ଋତୁରେ କାଶତଣ୍ଡୀ ଫୁଲର ଚମକ ବଢିଲାଣି । ପୁରଠାରୁ ପଲ୍ଲୀ ପର୍ଯ୍ୟନ୍ତ ମା’ ନବଦୁର୍ଗାଙ୍କ ଆଗମନ ପାଇଁ ପ୍ରସ୍ତୁତି ଆରମ୍ଭ ହେଲାଣି । ମୂର୍ତ୍ତୀକାର ମାଟି ଚକଟି ପ୍ରଲେପ ଦେବାରେ ମଗ୍ନ ହେଲାଣି । କେଇ ଦିନର ଅପେକ୍ଷା ପରେ ଧରାପୃଷ୍ଠକୁ ଆଗମନ କରିବେ ଜଗତର ଜନନୀ । ଚାରିଆଡେ ଦଶହରା ପାଇଁ ଲୋକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳୁଥିଲା ବେଳେ ପଶ୍ଚିମବଙ୍ଗରେ ଏହି ପର୍ବର କଥା ହିଁ କିଛି ନିଆରା । ବଙ୍ଗାଳୀ କାରିଗରଙ୍କ ହାତ ସ୍ପର୍ଶରେ ଜୀବନ୍ତ ହୋଇଉଠେ ମୂର୍ତ୍ତୀ । ସାଧାରଣ ମୁର୍ତ୍ତୀ ପାଲଟିଯାଆନ୍ତି ଦେବୀ । ତେବେ କେବଳ କଲିକତା ନୁହଁ ଦେଶର ଅନେକ ରାଜ୍ୟକୁ ଏହି ମୂର୍ତ୍ତୀକାର ଯାଆନ୍ତି ନିଜ ଜାଦୁଗରୀ ହାତର ଚମତ୍କାରିତା ଦେଖାନ୍ତି । ଉଦୟପୁରରେ ମଧ୍ୟ ଗତ ୩ ଦଶନ୍ଧୀ ଧରି ବଙ୍ଗାଳୀ ମୂର୍ତ୍ତୀକାର ଇକୋ ଫ୍ରେଣ୍ଡଲୀ ପ୍ରତିମାର ନିର୍ମାଣ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୂର୍ତ୍ତୀ ନିର୍ମାଣ ପୂର୍ବରୁ ଘାସରେ ପ୍ରତିମା ପ୍ରସ୍ତୁତ କରାଯାଏ ଏବଂ ଏହାରି ଉପରେ ମାଟିର ପ୍ରଲେପ ଦିଆଯାଇ ସୁନ୍ଦର ପ୍ରତିମା ସବୁ ପ୍ରସ୍ତୁତ କରାଯାଏ । ବଙ୍ଗାଳୀ ସମାଜ କିଛି ଦଶନ୍ଧୀ ଦରି ଉଦୟପୁରରେ ନବଦୂର୍ଗା ମହୋତ୍ସବ ପାଇଁ ମା’ ଦୂର୍ଗା ପ୍ରତିମା ପ୍ରସ୍ତୁତ କରିଥାନ୍ତିି । ଉଦୟପୁରର ହ୍ରଦ ଏବଂ ପରିବେଶକୁ ଦୃଷ୍ଟିରେ ରଖି ଏହି ସମାଜ ଗତ ୩ ବର୍ଷ ହେଲାଣି ମା’ ଦୂର୍ଗାଙ୍କ ଇକୋ ଫ୍ରେଣ୍ଡଲୀ ମୂର୍ତ୍ତୀ ହିଁ ପୁଜା କରି ଆସୁଛନ୍ତି । କିନ୍ତୁ ସ୍ଥାନୀୟ ମାଟି ଶୁଖିବା ପରେ ଧିରେ ଧିରେ ଫାଟିବାକୁ ଲାଗିଥାଏ ତେଣୁ ପ୍ରତିମାରେ ଫାଟ ହେଲା ଭଳି ଦେଖାଯାଏ । ତେଣୁ ମୂର୍ତ୍ତୀକୁ ଆଖିଦୃଶିଆ କରିବା ପାଇଁ ଶିଳ୍ପୀକାର ଗଙ୍ଗାନଦୀରୁ ପବିତ୍ର ମାଟିକୁ ନେଇ ମୂର୍ତ୍ତୀ ଗଢନ୍ତି । କଲିକତାରୁ ଆସିଥିବା ଗଙ୍ଗାମାଟି ଚିକ୍କଣ ହେବା ସହ ଏଥିରେ ଚମକ ମଧ୍ୟ ଥାଏ ଯାହା ମୂର୍ତ୍ତୀକାରର ହାତ ବାଜି ଆହୁରି ସୁନ୍ଦର ହୋଇଥାଏ । କଲିକତା ବନ ବିଭାଗରୁ ଆସେ ଇକୋ ଫ୍ରେଣ୍ଡଲି ରଙ୍ଗ । ଯାହାର ବ୍ୟବହାର ମୂର୍ତ୍ତୀରେ ହୋଇଥାଏ । ୩ ଫୁଟରୁ ଆରମ୍ଭ କରି ୧୫ ଫୁଟ୍ ପର୍ଯ୍ୟନ୍ତ ଦେବୀ ପ୍ରତିମାଙ୍କ ନିଖୁଣ ମୂର୍ତ୍ତୀ ପ୍ରସ୍ତୁତ କରନ୍ତି କାରିଗର ।