ୟୁପିରେ ‘ଆପ୍’ ସରକାର ହେଲେ ମାଗଣା ବିଜୁଳି : ମନୀଷ ସିସୋଦିଆ
କନକ ବ୍ୟୁରୋ : ଦିଲ୍ଲୀ ଦଖଲ ଓ ପଞ୍ଜାବରେ ସାମ୍ଭାବ୍ୟ ସରକାର ଗଠନ କରିବା ଭଳି ସ୍ଥିତିକୁ ଆସିବା ପରେ ଏବେ ଉତ୍ତରପ୍ରଦେଶରେ ମାଗଣା ବିଜୁଳି କାର୍ଡ ଖେଳିବାକୁ ପ୍ରୟାସ ଆରମ୍ଭ କରିଛି । ଏହି କ୍ରମରେ ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ ଆଜି ଉତ୍ତରପ୍ରଦେଶରେ ଏକ ବଡ ଘୋଷଣା କରିଛନ୍ତି । ଲକ୍ଷ୍ନୌ ଠାରେ ସିସୋଦିଆ ଘୋଷଣା କରିଛନ୍ତି କି ଯଦି ୨୦୨୨ ରେ ୟୁପିରେ ଆମ୍ ଆଦମୀ ପାର୍ଟି ସରକାର ଗଠନ କରେ ତେବେ ୨୪ ଘଂଟା ମଧ୍ୟରେ ୩୦୦ ୟୁନିଟ ପର୍ଯ୍ୟନ୍ତ ବିଜୁଳି ମାଗଣାରେ ରାଜ୍ୟବାସୀଙ୍କୁ ଯୋଗାଇ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ୟୁପିର ଯୋଗୀ ସରକାରଙ୍କୁ ଟାର୍ଗେଟ କରି ସେ କହିଥିଲେ ଯେ ଯୋଗୀ ସରକାର ଅମଳରେ ରାଜ୍ୟବାସୀ ମହଙ୍ଗା ବିଜୁଳି ପୈଠ କରି ଅତିଷ୍ଟ ହେଲେଣି । ସିସୋଦିଆ ଜନସଭାକୁ ସମ୍ବୋଧିତ କରି କହିଥିଲେ ଯେ ଆପଣମାନେ ନିଜେ ଏହି ଅସୁବିଧାକୁ ଦୂର କରିପାରିବେ । ଆପଣମାନେ ଚାହିଁଲେ ୟୁପିରେ ଆପ୍ ସରକାର ଗଠନ କରିବ ଓ ଦିଲ୍ଲୀ ଭଳି ୟୁପିରେ ବି ଘରୋଇ ଉପଭୋକ୍ତାମାନଙ୍କୁ ମାଗଣା ବିଜୁଳି ଯୋଗାଇ ଦେବା ସହ ଆପଣଙ୍କ ପିଲାମାନଙ୍କୁ ବିଶ୍ୱ ସ୍ତରୀୟ ସରକାରୀ ସ୍କୁଲରେ ପାଠ ପଢିବାର ସୁଯୋଗ ମିଳିବ ।
ସିସୋଦିଆ ଚାଷୀଙ୍କୁ ଆକୃଷ୍ଟ କରିବାକୁ କହିଥିଲେ କି ଯଦି ୟୁପିର ଭୋଟର ଆପ୍ କୁ ସରକାର କରିବାର ସୁଯୋଗ ଦେବେ ତେବେ ରାଜ୍ୟର ସମସ୍ତ ଚାଷୀଙ୍କୁ କୃଷିକ୍ଷେତ୍ରରେ ବ୍ୟବହାର ପାଇଁ ଅସିମୀତ ବିଜୁଳି ମାଗଣାରେ ଯୋଗାଇ ଦେବ । ସେ କହିଥିଲେ କି ଏଠାରେ ମାସକୁ ୫-୧୦ ହଜାର ରୋଜଗାର କରୁଥିବା ଲୋକଙ୍କ ଉପରେ ଲକ୍ଷ ଲକ୍ଷ ଟଙ୍କାର ବିଜୁଳି ଦେୟ ପୈଠ କରିବାକୁ ପଡୁଛି । ଏମିତି ବି ବିଜୁଳି ଦେୟ ବୋଝରେ ୟୁପିର ଲୋକେ ଆତ୍ମହତ୍ୟା କରୁଛନ୍ତି ବୋଲି ସେ କହିଥିଲେ ।