ପ୍ରଥମ ପର୍ଯ୍ୟାୟ ଭୋଟ ଭିତରେ ମୌଲାନା ମଦାନୀଙ୍କ ବୟାନ । କହିଲେ ମୁସଲମାନଙ୍କ ଉପରେ ଲଦି ଦିଆଯାଉଛି ୟୁନିଫର୍ମ ସିଭିଲ କୋର୍ଡ
କନକ ବ୍ୟୁରୋ : ଜମିୟତ ଓଲେମା ହିନ୍ଦର ଅଧ୍ୟକ୍ଷ ମୌଲାନା ଅରଶଦ ମଦାନୀ ଲୋକସଭା ନିର୍ବାଚନ ୨୦୨୪ର ପ୍ରଥମ ପର୍ଯ୍ୟାୟ ଭୋଟ ମଧ୍ୟରେ ଏକ ବଡ ବୟାନ ଦେଇଛନ୍ତି । ସେ କହିଛନ୍ତି କି, ଆଜି ମୁସଲମାନଙ୍କ ଉପରେ ବିଭିନ୍ନ ପ୍ରତିବନ୍ଧକ ଲଗାଯାଉଛି ଓ ଏହାସହ ଆମ ଉପରେ ଜୋର ଜବରଦସ୍ତ ୟୁନିଫର୍ମ ସିଭିଲ କୋର୍ଡ ଆଇନ ଲଦି ଦିଆଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ମଦାନୀ କହିଛନ୍ତି କି, ଯେଉଁ ରାଜନୈତିକ ଦଳ ଅଳ୍ପସଂଖ୍ୟକଙ୍କୁ ସେମାନଙ୍କ ଇଚ୍ଛାରେ ବଞ୍ଚିବାର ଅଧିକାର ଦେବ ଅଳ୍ପସଂଖ୍ୟକମାନେ ସେମାନଙ୍କୁ ଭୋଟ ଦେବା ଦରକାର । ଆଜି ଦେଶରେ ମୁସଲମାନଙ୍କ ଉପରେ ବିିଭିନ୍ନ ପ୍ରତିବନ୍ଧକ ଲଗାଯାଉଛି । ଏହାସହ ସେମାନଙ୍କ ଅଧିକାର ସୁରକ୍ଷିତ ନାହିଁ ବୋଲି ସେ କହିଛନ୍ତି ।
ମଦାନୀଙ୍କ କହିବା ମୁତାବକ ଆମ ଉପରେ ବିଭିନ୍ନ ପ୍ରସଙ୍ଗରେ ପ୍ରତିବନ୍ଧକ ଲଗାଯାଉଛି । ହେଲେ ଦେଶରେ ଭୋଟ ଯେଭଳି ଧର୍ମ ଆଧାରରେ ବିଭାଜିତ ନ ହେବ ତାହା ଉପରେ ସରକାର ନଜର ରଖିବା ଆବଶ୍ୟକ । ସବୁଠାରୁ ଅଧିକ ମୁସଲିମ୍ ମାନଙ୍କ ଅଧିକାର ଛଡାଇ ନିଆଯାଉଛି । ହେଲେ କିଛି ରାଜନୈତିକ ଦଳ ସେମାନଙ୍କ ନିର୍ବାଚନୀ ଇସ୍ତାହାରରେ ମୁସଲିମ୍ ମାନଙ୍କ ଉପରେ ଲାଗୁଥିବା ପ୍ରତିବନ୍ଧକ ଉପରେ ରୋକ୍ ଲଗାଇବେ ବୋଲି ପ୍ରତିଶ୍ରୁତି ଦେଇଛନ୍ତି ।