ପାଣି ଡେକଚିରେ ପଡ଼ି ୨ ବର୍ଷର ଶିଶୁ କନ୍ୟାର ମୃତ୍ୟୁ : ରେଢ଼ାଖୋଲ ଦେହୁରୀସାହିପଡ଼ାରେ ଅଭାବନୀୟ ଘଟଣା

କନକ ବ୍ୟୁରୋ : ଘରେ ଥିବା ପାଣି ଡେକଚିରେ ପଡ଼ି ୨ ବର୍ଷର ଶିଶୁ କନ୍ୟାର ମୃତ୍ୟୁ । ସମ୍ବଲପୁର ରେଢ଼ାଖୋଲ ଏନଏସିର ଦେହୁରୀସାହିପଡ଼ାରେ ଘଟିଛି ଏହି ଅଭାବନୀୟ ଘଟଣା । ଗାଁ ବିବେକାନନ୍ଦ ବେଉରୀ ଓ ଶୁଭସ୍ମିତା ବେଉରାଙ୍କ ୨ ବର୍ଷର ସାନ ଝିଅ ଘରେ ଖେଳୁଥିବା ବେଳେ ପାଣି ଡେକଚିର ପଡ଼ି ଯାଇଥିଲା ।

ବାପା, ମା’ ଦୁହେଁ କାମରେ ବ୍ୟସ୍ତ ଥିବା ବେଳେ ଝିଅ ପାଣି ଡେକଚିରେ ପଡ଼ିଥିବା ଜାଣି ପାରିନଥିଲେ । ପରେ ସାନ ଝିଅକୁ ପରିବାର ଚାରିଆଡ଼େ ଖୋଜାଖୋଜି କରିଥିଲେ । ଶେଷରେ ପାଣି ଡେକଚିରୁ ଶିଶୁକୁ ଉଦ୍ଧାର କରି ମେଡିକାଲ ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।