କନକ ବ୍ୟୁରୋ: ଚର୍ଚ୍ଚାରେ ଷ୍ଟାଇଲିସ ଲେଡି । ନିର୍ବାଚନବେଳେ ଷ୍ଟାଇଲସ ଲୁକ୍ ପାଇଁ ସୋସିଆଲ ମିଡିଆରେ ବେଶ ଚର୍ଚ୍ଚାରେ ଅଛନ୍ତି ଦୁଇ ମହିଳା ଲକ୍ଷ୍ନୌର ରୀନା ଦ୍ୱିବେଦୀ ଓ ଭୋପାଳର ଯୋଗେଶ୍ୱରୀ ଗୋହିତେ । ନିଜ ଷ୍ଟାଇଲସ ଅନ୍ଦାଜ ପାଇଁ ଚର୍ଚାରେ ଥିବା ରୀନା ଦ୍ୱିବେଦୀ କାମ କରନ୍ତି ଉତରପ୍ରଦେଶ ପିଡବ୍ଲୁଡି ବିଭାଗରେ । ନିକଟରେ ରୀନା ନିର୍ବାଚନ ଡ୍ୟୁଟିବେଳେ ହଳଦିଆ ଶାଢୀ ପିନ୍ଧି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ । ଲକ୍ଷ୍ନୌର ଏକ ପୋଲିଂ ବୁଥରେ ରୀନାଙ୍କ ଡ୍ୟୁଟି ପଡିଥିଲା । ସୋସିଆଲ ମିଡିଆରେ ରୀନାଙ୍କ ଫଟୋ ଭାଇରଲା ହେବା ପରେ ଏହା ଚର୍ଚ୍ଚା ପାଇଁ ଖୋରାକ ଯୋଗାଇଥିଲା । ଏହା ପରେ ତାଙ୍କ ପୁଅଙ୍କ ସାଙ୍ଗ ମଧ୍ୟ ଘଟଣାକୁ ବିଶ୍ୱାସ କରିପାରିନଥିଲେ । ଶେଷରେ ପୁଅ ମାଆଙ୍କୁ ଭିଡିଓ କଲ କରିବାକୁ କହିଥିଲେ । ନିର୍ବାଚନବେଳେ ଡ୍ୟୁଟିକୁ ସେ କେବେ ବି ମିସ କରନ୍ତି ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ଚର୍ଚ୍ଚାରେ ଥିବା ଆଉ ଜଣେ ମହିଳା ହେଲେ ଭୋପାଳର ଯୋଗେଶ୍ୱରୀ ଗୋହିତେ କାନାଡା ବ୍ୟାଙ୍କରେ ଚାକିରୀ କରୁଥିବା ଯୋଗେଶ୍ୱରୀ ନିର୍ବାଚନବେଳେ ନୀଳ ରଙ୍ଗର ଡ୍ରେସ ପିନ୍ଧି ଚର୍ଚ୍ଚାକୁ ଆସିଛନ୍ତି । ଏହି ଡ୍ରେସ ପିନ୍ଧି ସେ ଗର୍ଜିଅସ ଲାଗୁଥିବାବେଳେ ରାତାରାତି ସୋସିଆଲ ମିଡିଆରେ ଷ୍ଟାର ପାଲଟିଯାଇଥିଲେ । ଅନେକ ଏହାକୁ ଲାଇକ ଓ ସେୟାର କରିଥିଲେ ।
ଗତ ୧୨ ତାରିଖରେ ନିର୍ବାଚନବେଳେ ଭୋପାଳ ଗୋବିନ୍ଦପୁରରେ ପୋଲିଂ ଅଫିସରଭାବେ ତାଙ୍କ ଡ୍ୟୁଟି ପଡିଥିଲା । ଗୋଟିଏ ହାତରେ ଇଭିଏମ ଓ ଅନ୍ୟ ହାତରେ ଟ୍ରେଣ୍ଡିଂ ବ୍ୟାଗ ଧରି ଯିବାବେଳେ ତାଙ୍କ ଷ୍ଟାଇଲିସ ଲୁକ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା । ସେ କ୍ୟାମେରାକୁ ଦେଖି ହସିଥିଲେ କିନ୍ତୁ କିଛି ପ୍ରତିକ୍ରିୟା ରଖିନଥିଲେ । ସୋସିଆଲ ମିଡିଆରେ ଏହି ଦୁଇ ମହିଳା ପୋଲିଂ ଅଫିସର ଫଟୋ ଏବେ ବେଶ ଚର୍ଚ୍ଚାର ଖୋରାକ ଯୋଗାଇଛି ।