ଲଗାଣ ବର୍ଷା ଫଳରେ ଓଡିଶାର ବିଭିନ୍ନ ସ୍ଥାନରେ ବନ୍ୟା ପରିସ୍ଥିତି । ୨ଜଣଙ୍କ ମୃତ୍ୟୁ, ମାଲକାନଗିରିରେ ସର୍ବାଧିକ ୧୦୦ ମିଲିମିଟର ବର୍ଷା । ବରଗଡ, ସମ୍ବଲପୁର, ବଲାଙ୍ଗୀରରେ ବି ପ୍ରବଳ ବର୍ଷା…
କନକ ବ୍ୟୁରୋ: ରାଜ୍ୟରେ ଗତ ୨୪ ଘଂଟା ମଧ୍ୟରେ ୩୨.୭ ମିଲିମିଟର ବର୍ଷା ହୋଇଛି । ଏସଆରସି ପ୍ରଦୀପ କୁମାର ଜେନା ଏହି ସୂଚନା ଦେଇଛନ୍ତି । ମାଲକାନଗିରିରେ ସର୍ବାଧିକ ୧୦୦ ମିଲିମିଟର ବର୍ଷା ରେକର୍ଡ ହୋଇଥିବା ବେଳେ ବୌଦ୍ଦରେ ୯୭ ମିଲିମିଟର, ବରଗଡରେ ୯୫ ମିଲିମିଟର, ସମ୍ବଲପୁରରେ ୮୫ମିଲିମିଟର, ବଲାଙ୍ଗିରରେ ୭୩ ମିଲିମିଟର ଏବଂ ଦେବଗଡରେ ୭୦ ମିଲିମିଟର ବର୍ଷା ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ବ୍ଲକ ହିସାବରେ ଦେଖାଯାଏ ତେବେ ବରଗଡର ପଦ୍ମପୁର ବ୍ଲକରେ ଗତ ୨୪ ଘଂଟା ମଧ୍ୟରେ ୨୪୦ ମିଲିମିଟର ବର୍ଷା ରେକର୍ଡ ହୋଇଛି । ୬ଟି ଜିଲ୍ଲାରେ ୨୫ ମିଲିମିଟର ବର୍ଷା ହୋଇଛି । ବର୍ଷା ଯୋଗୁଁ ବଲାଙ୍ଗିରର ପାଟନାଗଡରେ କାନ୍ଥ ଭୁଶୁଡିବା କାରଣରୁ ଗୋଟିଏ ପରିବାରର ୨ଜଣଙ୍କ ମୃତ୍ୟୁ ହୋଇଥିବା ଏସଆରସି ସୂଚନା ଦେଇଛନ୍ତି ।