ବ୍ରିଟେନରେ ଟିକାକରଣ ପରେ ୨ଜଣ ଅସୁସ୍ଥ : ପାର୍ଶ୍ୱ ପ୍ରତିକ୍ରିୟା ଦେଖାଦେବା ପରେ ବ୍ରିଟେନର ଜାତୀୟ ସ୍ୱାସ୍ଥ୍ୟ ସେବା ପକ୍ଷରୁ ଚେତାବନୀ ଜାରି
କନକ ବ୍ୟୁରୋ : ବ୍ରିଟେନରେ ଟିକାକରଣ ପରେ ୨ ଅସୁସ୍ଥ । ପାଶ୍ୱର୍ପତିକ୍ରିୟା ଦେଖାଦେବା ପରେ ବ୍ରିଟେନର ଜାତୀୟ ସ୍ୱାସ୍ଥ୍ୟ ସେବା ପକ୍ଷରୁ ଚେତାବନୀ ଜାରି ହୋଇଛି । ପ୍ରଥମ ରାଷ୍ଟ୍ର ଭାବେ ବ୍ରିଟେନରେ ମଙ୍ଗଳବାର ଦିନ ଟିକାକରଣ ଆରମ୍ଭ ହୋଇଛି । ପ୍ରଥମେ ସ୍ୱାସ୍ଥ୍ୟକର୍ମୀ ଓ ବରିଷ୍ଠମାନଙ୍କୁ ଫାଇଜର ଡ଼ିକା ଡୋଜ ଦିଆଯାଇଛି । ଏହି ଟିକା ନେଇଥିବା ୨ଜଣ ସ୍ୱାସ୍ଥ୍ୟ କର୍ମୀ ଅସୁସ୍ଥ ହୋଇପଡ଼ିଛନ୍ତି । ସେମାନଙ୍କ ପାଖରେ ଆଲର୍ଜି ସହିତ ପାଶ୍ୱର୍ପତିକ୍ରିୟା ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ବ୍ରିଟେନର ନ୍ୟାସନାଲ ହେଲ୍ଥ ସର୍ଭିସ ଏହି ଘଟଣାକୁ ସ୍ୱୀକାର କରିବା ପରେ ସରକାରଙ୍କ ପକ୍ଷରୁ ତଦନ୍ତ ଆରମ୍ଭ ହୋଇଛି । ଏପରିକି ସର୍ତକତା ଜାରି କରାଯାଇଛି । ଆମେରିକୀୟ ଫାର୍ମା କମ୍ପାନି ଫାଇଜର ଏବଂ ବାୟୋଏନଟେକ୍ ମିଶି ଫାଇଜର ଟିକା ‘ବିଏନଟି ୧୬୨ବି୨’ ପ୍ରସ୍ତୁତ କରିଛନ୍ତି । ଏହା ୯୫ ପ୍ରତିଶତ ପ୍ରଭାବୀ ଏବଂ ଏଥିରେ ସେମିତି କୌଣସି ବଡ଼ଧରଣର ପାଶ୍ୱର୍ପ୍ରତିକ୍ରିୟା ନଥିବା କମ୍ପାନୀ ପକ୍ଷରୁ ଘୋଷଣା କରାଯାଇଥିଲା । ଏବେ ୨ଜଣ ଅସୁସ୍ଥ ହୋଇଯିବା ପରେ ଘଟଣା ଭିନ୍ନ ମୋଡ଼ ନେଇଛି ।