ଦୁଇ ଓଡ଼ିଆ ହକି ତାରକାଙ୍କ ପାଇଁ ସୁନ୍ଦରଗଡ଼ରେ ଉତ୍ସାହ । ଦୀପଗ୍ରେସ ଏକ୍କା ଓ ନମିତା ଟପ୍ପୋଙ୍କ ପାଇଁ ଗର୍ବ କରୁଛନ୍ତି ପରିବାର
କନକ ବ୍ୟୁରୋ: ବୋଧହୁଏ ନିଜ ରାଜନୈତିକ ଜୀବନରେ ରେକର୍ଡ ପରେ ରେକର୍ଡ ବିଜୟ ହାସଲ କରିଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯେତେ ଆନନ୍ଦିତ ହୋଇନଥିବେ ଭାରତୀୟ ହକି ଦଳର ସେମିଫାଇନାଲରେ ପହଁଚିବା ତାଙ୍କୁ ତାଠାରୁ ବୋଧହୁଏ ଅଧିକ ଉଲ୍ଲସିତ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହି ଖୁସିର କାରଣକୁ ବୁଝିବାକୁ ହେଲେ ଆପଣଙ୍କୁ ୨୦୧୮ର ଏହି ଦୃଶ୍ୟକୁ ମନେ ପକାଇବାକୁ ପଡିବ, ଯେତେବେଳେ ଭାରତୀୟ ମହିଳା ଓ ପୁରୁଷ ହକି ଦଳର ସ୍ପନସର ହେବାକୁ ଘୋଷଣା କରିଥିଲେ ଓଡିଶା ସରକାର । ଏହି ନିଷ୍ପତ୍ତି ଅନେକଙ୍କୁ ଆଶ୍ଚର୍ଯ୍ୟ କରିଥିଲା । ହେଲେ ଆଜିର ଦିନରେ ଏହାର ସୁଫଳ ମିଳିବା ଆରମ୍ଭ ହୋଇଛି । ଯେଉଁ ବିଶ୍ୱାସ ୩ ବର୍ଷ ତଳେ ଓଡିଶା, ହକି ଖେଳାଳିଙ୍କ ଉପରେ ରଖିଥିଲା, ତାର ସୁଫଳ ମିଳିଛି । ହକି ଟିମ୍ ସେମିଫାଇନାଲରେ ପହଁଚିବା ପରେ ଜାତୀୟ ସ୍ତରରେ ଓଡିଶାର
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କାହାଣୀ । ସ୍କୁଲ ସମୟରେ ଗୋଲ କିପର୍ ଭାବେ ଟିମରେ ଖେଳୁଥିଲେ । ହକି ପାଇଁ ତାଙ୍କର ଥିବା ଦୁର୍ବଳତା ପରବର୍ତୀ ସମୟରେ ପ୍ରତିଫଳିତ ହେଲା ଯେତେବେଳେ ବଡ ବଡ ବିଜ୍ଞାପନ ଦାତା କଂପାନୀ ମାନେ ଜାତୀୟ ଖେଳ ସମର୍ଥନରେ ବାହାରିନଥିଲେ । ସେହି ସମୟରେ ଭାରତୀୟ ହକି ଦଳକୁ ବିଶ୍ୱସ୍ତରର ଭିତିଭୂମି ଏବଂ ଆବଶ୍ୟକୀୟ ସୁବିଧା ସୁଯୋଗ ଯୋଗାଇଦେବାକୁ ସାମ୍ନାକୁ ଆସିଥିଲେ ମୁଖ୍ୟମନ୍ତ୍ରୀ ।
ଆଇପିଏଲ ପ୍ରାୟୋଜକ ହେବାକୁ ହେଉ ଅବା ଭାରତୀୟ କ୍ରିକେଟ ଜର୍ସିରେ ନାଁକୁ ସାମିଲ କରିବା, ଅନେକ କଂପାନୀ ହଜାର ହଜାର କୋଟିକୁ ପାଣି ଭଳି ଖର୍ଚ୍ଚ କରିବାକୁ ପ୍ରସ୍ତୁତ ଥାନ୍ତି । ହେଲେ ହକିକୁ ନେଇ ଆଜି ଯେତେବେଳେ ସାରା ଦେଶ ଗର୍ବ ଅନୁଭବ କରୁଛି, ସେହି ସମୟରେ ଓଡିଶାର ଅବଦାନକୁ ପୁରା ବିଶ୍ୱ ଦେଖୁଛି ।
କେବଳ ପ୍ରାୟୋଜକ ହୋଇ ଚୁପ୍ ବସିନାହିଁ ଓଡିଶା । ଭୁବନେଶ୍ୱରରେ ବିଶ୍ୱସ୍ତରରର ହକି ଷ୍ଟାଡିୟମ୍ ନିର୍ମାଣ ସରିଛି । ଆଷ୍ଟ୍ରୋ ଟର୍ଫର ସୁବିଧା କବେଳ କଳିଙ୍ଗ ଷ୍ଟାଡିୟମରେ ମିଳୁଛି, ଯାହାର ଶ୍ରେ ୟ ରାଜ୍ୟ ସରକାରଙ୍କର । ସେହିଭଳି ସୁନ୍ଦରଗଡରେ ନିର୍ମାଣ ଚାଲିଛୀ ଆଉ ଏକ ହକି ଷ୍ଟାଡିୟମ୍ । ୨୦୨୩ରେ ହେବାକୁ ଥିବା ହକି ବିଶ୍ୱକପ ଉଭୟ ଭୁବନେଶ୍ୱର ଓ ସୁନ୍ଦରଗଡରେ ଖେଳାଯିବ ବୋଲି ସରକାର ଘୋଷଣା କରିଛନ୍ତି ।
ପଶ୍ଚିମ ଓଡିଶାରେ ହକି ଖୁବ ଲୋକପ୍ରିୟ । ସୁନ୍ଦରଗଡକୁ ହକିର ଏନ୍ତୁଡିଶାଳ କୁହାଯାଏ । ଧ୍ୟାନଚାନ୍ଦଙ୍କ ଯାଦୁରେ ହକିରେ ସ୍ୱର୍ଣ୍ଣିମ ଅଧ୍ୟାୟ ଲେଖିଥିବା ଭାରତୀୟ ଦଳ ଯେତେବେଳେ ନିଜର ସଫଳତା ଦୋହରାଇବାରେ ବିଫଳ ହେଉଥିଲା, ସେତେବେଳେ ହକିକୁ ନୁଆ ଜୀବନ ଦେଇଥିଲେ ଓଡିଶା ସରକାର ।
୨୦୧୮ ରୁ ୨୦୨୩ ପର୍ଯ୍ୟନ୍ତ ଭାରତୀୟ ହକି ଦଳର ପ୍ରାୟୋଜକ ରହିବ ଓଡିଶା । ଏହି ଅବଧିରେ ହକି ବିଶ୍ୱକପ୍, ଅଲିମ୍ପିକ୍ସ କ୍ୱାଲିଫାୟର, ହକି ୱାର୍ଲଡ ଚାମ୍ପିୟନଶିପ୍ ଆୟୋଜନ କରି ଓଡିଶା, ହକିର ସଫଳତାର ଅଧ୍ୟାୟରେ ନୁଆ ଫର୍ଦ୍ଦ ଯୋଡିଚାଲିଛି ।