ଯାଜପୁରରେ ଆଉ ୨ କରୋନା ପଜିଟିଭ: ଆଜି ମୋଟ ୭ ଜଣ ସଂକ୍ରମିତ ଚିହ୍ନଟ; କଲିକତାରୁ ଫେରିଛନ୍ତି ବରୀ ଅଂଚଳର ଆକ୍ରାନ୍ତ; ରାଜ୍ୟରେ ସଂକ୍ରମିତଙ୍କ ସଂଖ୍ୟା ୧୫୬ ଛୁଇଁଲା
କନକ ବ୍ୟୁରୋ: ରାଜ୍ୟରେ ପୁଣି ୨ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏବଂ ବର୍ତ୍ତମାନ ରାଜ୍ୟରେ ଚିହ୍ନଟ ହୋଇଥିବା ଦୁଇ ନୂଆ କରୋନା ଆକ୍ରାନ୍ତ ଯାଜପୁର ଜିଲ୍ଲାର ବରୀ ଅଂଚଳର । ଏନେଇ ସୂଚନା ଦେଇଛି ରାଜ୍ୟ ସ୍ୱାସ୍ଥ୍ୟ ବିଭାଗ । ବର୍ତ୍ତମାନ ସୁଦ୍ଧା ଯାଜପୁରରେ ୭ ଜଣ କରୋନା ଆକ୍ରାନ୍ତ ଚିହ୍ନଟ ହେଲେଣି । ତେବେ ସକାଳେ ୫ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ବର୍ତମାନ ଜିଲ୍ଲାରେ ଆଉ ୨ ଜଣଙ୍କଠାରେ କରୋନା ଭୁତାଣୁ ଚିହ୍ନଟ ହୋଇଛନ୍ତି । ତେବେ ଏହାକୁ ମିଶାଇ ଯାଜପୁର ଜିଲ୍ଲାରେ କରୋନା ଆକ୍ରାନ୍ତ ସଂଖ୍ୟା ୪୭କୁ ବୃଦ୍ଧି ପାଇଥିବା ବେଳେ ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୧୫୬କୁ ଛୁଇଁଲା । ଆଜି ସକାଳେ ଯାଜପୁର ଜିଲ୍ଲାର ବରୀ ବ୍ଲକରୁ ପ୍ରଥମ ଥର ଲାଗି ଜଣେ କରୋନା ଆକ୍ରାନ୍ତଙ୍କ ସମେତ ୫ ପଜିଟିଭ୍ ଚିହ୍ନଟ ହୋଇଥିଲେ। ଯାହାକି ଜିଲ୍ଲା ପ୍ରଶାସନର ଚିନ୍ତା ବଢାଇ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
2nd Health Update, 2nd May
Two New Positives in Jajpur
48 yr Male Bari block
55 yr Male Bari blockBoth Kolkata returnees. Both asymptomatic. Both in quarantine)
Contact tracing and follow-up action is being done.
Total Positive Case: 156
— I & PR Department, Odisha (@IPR_Odisha) May 2, 2020
ଅନ୍ୟପଟେ ବର୍ତ୍ତମାନ ଚିହ୍ନଟ ହୋଇଥିବା ଏହି ଦୁଇ ନୂଆ ଆକ୍ରାନ୍ତଙ୍କ ତଥ୍ୟ ଦେଇଛି ରାଜ୍ୟ ସୂଚନା ଓ ଲୋକସଂପର୍କ ବିଭାଗ । ଯାଜପୁର ଜିଲ୍ଲା ବରୀ ବ୍ଲକର ୨ ଆକ୍ରାନ୍ତ ପୁରୁଷ କରୋନାରେ ସଂକ୍ରମିତ ହୋଇଥିବା ନେଇ ବିଭାଗ ପକ୍ଷରୁ ସ୍ପଷ୍ଟ ହୋଇଛି । ଏମାନଙ୍କ ବୟସ ଯଥାକ୍ରମେ ୪୮ ଏବଂ ୫୫ ବର୍ଷ ବୟସ ରହିଛି । ତେବେ ଏହି ସମସ୍ତ ଆକ୍ରାନ୍ତଙ୍କର ରହିଛି କୋଲକାତା ଲିଙ୍କ୍ ଏବଂ ଏମାନଙ୍କ ଠାରେ କରୋନାର କୌଣସି ଲକ୍ଷଣ ନଥିବା ବେଳେ କୋଲକାତାରୁ ଆସିଥିବାରୁ କ୍ୱାରେନଟିନ୍ରେ ରଖିଥିଲା ପ୍ରଶାସନ । ଏବେ ଏହି ଦୁଇ ବ୍ୟକ୍ତି କାହାକାହା ସଂସ୍ପର୍ଶରେ ଆସିଛନ୍ତି ସେନେଇ ଖୋଳତାଡ ଜାରି ରହିଛି ।
First Health Update, 2nd May
5 New Positives in Jajpur28 yr Male, 56 yr Male, 63 yr Male
24 yr Female & 60 yr Female
(Both contacts of positive case)(All Kolkata returnees. All asymptomatic. All in quarantine)
Contact tracing & followup action is being done.
Tota case: 154
— I & PR Department, Odisha (@IPR_Odisha) May 2, 2020
ସେପଟେ, ଆଜି ସକାଳେ ଯାଜପୁରରେ ୫ ନୂଆ ଆକ୍ରାନ୍ତଙ୍କ ଠିକଣା ଜଣାପଡିଛି । ଯାଜପୁର ବ୍ଲକ ନାଥସାହିରୁ ଜଣେ , ବାସୁଦେବପୁରରୁ ୨ ଜଣ , ବରି ବ୍ଲକ କଳାମାଟିଆ ଗାଁରୁ ଜଣେ , ବିଞ୍ଝାରପୁର ବ୍ଲକ କଲ୍ୟାଣପୁର ଗାଁରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । ନୂଆକରି ଚିହ୍ନଟ ହୋଇଥିବା ୫ ଆକ୍ରାନ୍ତଙ୍କ ମଧ୍ୟରୁ ୩ ଜଣ ପୁରୁଷ ଓ ୨ ଜଣ ମହିଳା ଅଛନ୍ତି । ୩ ଜଣ ପୁରୁଷଙ୍କ ବୟସ ହେଉଛି ୨୮ ବର୍ଷ, ୫୬ ବର୍ଷ ଓ ୬୩ ବର୍ଷ । ୨ ଜଣ ମହିଳାଙ୍କ ବୟସ ହେଉଛି ୨୪ ଓ ୬୦ ବର୍ଷ । ଏହି ସମସ୍ତ ଆକ୍ରାନ୍ତଙ୍କର ରହିଛି କୋଲକାତା ଲିଙ୍କ୍ ।