ଆଜି ଆଉ ୨ ମୁଣ୍ଡ ନେଲା କରୋନା: ମୃତକ ୨ ଜଣ କଟକ ଜିଲ୍ଲାର ହୋଇଥିବା ନେଇ ସୂଚନା; ରାଜ୍ୟରେ ମୋଟ କରୋନା ଜନିତ ମୃତ୍ୟୁ ସଂଖ୍ୟା ୧୭କୁ ବୃଦ୍ଧି
କନକ ବ୍ୟୁରୋ: ରାଜ୍ୟରେ ବଢୁଛି କରୋନାର କାୟା । ଦିନକୁ ଦିନ ରାଜ୍ୟରେ କରୋନା ମହାମାରୀ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ମୃତ୍ୟୁ ସଂଖ୍ୟା ମଧ୍ୟ ବଢିବାରେ ଲାଗିଛି । ଲଗାତର ୪ ଦିନ ହେଲା ରାଜ୍ୟରେ ବଢୁଛି କରୋନା ଜନିତ ମୃତ୍ୟୁ ସଂଖ୍ୟା । ଗତ ୪ଦିନ ମଧ୍ୟରେ କରୋନା ମହାମାରୀରେ ଜୀବନ ହାରିଲେଣି ୫ ଜଣ ଆକ୍ରାନ୍ତ । ତେବେ ଆଜି ରାଜ୍ୟରେ ଆଉ ୨ଜଣଙ୍କର କରୋନା ଜନିତ ମୃତ୍ୟୁ ଘଟିଥିବା ନେଇ ସ୍ପଷ୍ଟ କରିଛି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
Regret to report demise of two Covid positive cases of Cuttack while under treatment in hospital.
One was a 71-year old Male who was also suffering from infected Diabetic Foot, Diabetes and Chronic Kidney Disease.
(1/2)— H & FW Dept Odisha (@HFWOdisha) June 23, 2020
ମୃତକ ଦୁଇ ଜଣ କଟକ ଜିଲ୍ଲାର ହୋଇଥିବା ବେଳେ ଏମାନେ କୋଭିଡ-୧୯ ଭୁତାଣୁରେ ସଂକ୍ରମିତ ହୋଇ କୋଭିଡ ହସ୍ପିଟାଲରେ ଚିକିତ୍ସିତ ହେଉଥିଲେ । ତେବେ ମୃତକଙ୍କ ମଧ୍ୟରେ ଜଣେ ୭୧ ବର୍ଷୀୟ ବୃଦ୍ଧ ହୋଇଥିବା ବେଳେ ଅନ୍ୟ ଜଣେ ୫୩ ବର୍ଷୀୟ ବ୍ୟକ୍ତି ଅଛନ୍ତି । ୭୧ ବର୍ଷୀୟ ବୃଦ୍ଧଙ୍କର ମୃତ୍ୟୁ କରୋନା ଜନିତ ଘଟିଥିବା ବେଳେ ସେ ମଧୁମେହ ଏବଂ କିଡନୀ ରୋଗରେ ପୀଡିତ ଥିଲେ । ସେହିପରି ଅନ୍ୟ ମୃତକ ଜଣକ ମଧ୍ୟ କୋଭିଡ-୧୯ ଭୁତାଣୁ ସହ ମଧୁମେହ ରୋଗରେ ପୀଡିତ ଥିଲେ ବୋଲି ରାଜ୍ୟ ସ୍ୱାସ୍ଥ ବିଭାଗ ପକ୍ଷରୁ ସୂଚନା ଦିଆଯାଇଛି । ସେହିପରି ନୂଆ ମୃତ୍ୟୁକୁ ମିଶାଇ ରାଜ୍ୟରେ ମୋଟ କରୋନା ଜନିତ ମୃତ୍ୟୁ ସଂଖ୍ୟା ୧୭କୁ ବୃଦ୍ଧି ପାଇଛି ।
ସେପଟେ, ରାଜ୍ୟରେ ନୂଆ ୧୬୭ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ସଂଗରୋଧ କେନ୍ଦ୍ରରୁ ୧୫୦ ଜଣ ଥିବା ବେଳେ ସ୍ଥାନୀୟ ଅଂଚଳର ୧୭ ଜଣ ଅଛନ୍ତି ।ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୫ ହଜାର ୪ ଶହ ୭୦ । ଗଜପତିରୁ ସର୍ବାଧିକ ୪୧ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଗଂଜାମରୁ ୩୦ ଜଣ, ଜଗତସିଂହପୁରରୁ ୧୯ ଜଣ,ମୟୁରଭଂଜରୁ ୧୪ ଜଣ,ବାଲେଶ୍ୱରରୁ ୧୩ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ରାୟଗଡାରୁ ୫ ଜଣ,ଯାଜପୁରରୁ ୫ ଜଣ,ଖୋର୍ଦ୍ଧାରୁ ୮ ଜଣ,ନୟାଗଡରୁ ୨ ଜଣ,କଟକରୁ ୩ ଜଣ, ଢେଙ୍କାନାଳରୁ ୯ ଜଣ,ଓ ବରଗଡ,ପୁରୀ,ବଲାଙ୍ଗୀର,କୋରାପୁଟରୁ ଜଣେ ଲେଖାଁଏ ଆକ୍ରାନ୍ତ ଚିହ୍ନଟ ହୋଇଛନ୍ତି ।