ରାସ୍ତାରେ ଡରାଉଥିଲେ ଏବେ ପୁଲିସକୁ ଡରୁଛନ୍ତି । କେବିଏନ୍ ଗ୍ୟାଙ୍ଗର ୨ ସଦସ୍ୟ କଲେ କୋର୍ଟରେ ଆତ୍ମସର୍ପଣ

କନକ ବ୍ୟୁରୋ: ରାସ୍ତାରେ ଡରାଉଥିଲେ, ଏବେ ପୋଲିସକୁ ଡରୁଛନ୍ତି  । ରାଜଧାନୀର ରାଜରାସ୍ତାରେ ଆତଙ୍କ ଖେଳାଇଥିବା କେବିଏନ ଗ୍ୟାଙ୍ଗ ଏବେ ପୋଲିସ୍ ଟାର୍ଗେଟରେ ଥିବା ବେଳେ ଗ୍ୟାଙ୍ଗ ସଦସ୍ୟଙ୍କ ମନରେ ଛନକା ପଶିଛି  । ଏସଡିଜେଏମ କୋର୍ଟରେ ଆତ୍ମସମର୍ପଣ କରିଛି ଚେଙ୍ଗ ଓରଫ ରାଜେଶ ବେହେରା ଓ ସନିଆ ଓରଫ ସନାତନ ବେହେରା ।  ଅନ୍ୟପଟେ ରକ୍ତ ଚରିତ୍ର ଗ୍ୟାଙ୍ଗର ସଦସ୍ୟଙ୍କ ଘରେ ଚଢାଉ ଜାରି ରଖିଛି କମିଶନରେଟ ପୋଲିସ୍

ଆକ୍ସନ ମୋଡରେ ପୋଲିସ୍ , ଛାନିଆ ଅପରାଧୀ  । ପୋଲିସ୍ ଭୟରେ କୋର୍ଟରେ ଆତ୍ମସମର୍ପଣ କରିଛନ୍ତି କେବିଏନ ଗ୍ୟାଙ୍ଗର ଦୁଇ ସଦସ୍ୟ  । ସୋମବାର  ରକ୍ତଚରିତ୍ର ଗ୍ୟାଙ୍ଗର ସଦସ୍ୟ ଚେଙ୍ଗ ଘରେ ପୋଲିସ୍ ପଶି ଖୋଳତାଡ଼ କରିବାର ଦିନକ ପରେ କୋର୍ଟରେ ଆତ୍ମସମର୍ପଣ କରିଛନ୍ତି ଦୁଇ ଅଭିଯୁକ୍ତ  । ଏସଡିଜେଏମ କୋର୍ଟରେ ଆତ୍ମସମର୍ପଣ କରିଛି ଚେଙ୍ଗ ଓରଫ ରାଜେଶ ବେହେରା ଏବଂ ସନିଆ ଓରଫ ସନାତନ ବେହେରା ।  ଜାମିନ ଆବେଦନ ଖାରଜ ପରେ ଉଭୟଙ୍କୁ ୧୪ ଦିନିଆ ବିଚାର ବିଭାଗୀୟ ହାଜକୁ ପଠାଇ ଦିଆଯାଇଛି  । ପୋଲିସ୍ ଏମାନଙ୍କୁ ରିମାଣ୍ଡରେ ଆଣି ଅଧିକ ପଚରାଉଚରା କରିବାକୁ ଲକ୍ଷ୍ୟ ରଖିଛି  ।

ରାସ୍ତା ଉପରେ ହତିଆର ଧରି ଭୟ ଖେଳାଉଥିବା ଏହି ଅପରାଧୀଙ୍କ ମନରେ ଏବେ ପଶିଛି କମିଶନରେଟ ପୋଲିସର ଭୟ  । ଅନ୍ୟପଟେ ରକ୍ତ ଚରିତ୍ର ଗ୍ୟାଙ୍ଗର ସଦସ୍ୟଙ୍କ ଘରେ ଚଢାଉ ଜାରି ରଖିଛି କମିଶନରେଟ ପୋଲିସ୍  ।  ଗ୍ୟାଙ୍ଗ ସଦସ୍ୟ ସଞ୍ଜୟ ଖୁଣ୍ଟିଆଙ୍କ ବ୍ରିଟ କଲୋନୀରେ ଥିବା ଘରେ ପୋଲିସ ଚଢଉ କରି କିଛି ମାରଣାସ୍ତ୍ର ଜବତ କରିଛି  ।  ଭିଡିଓରେ ଥିବା ଯୁବକମାନଙ୍କୁ ଖୋଜି ଖୋଜି ଜଣକ ପରେ ଜଣଙ୍କୁ ଉଠାଇ ନେଉଛି କମିଶନରେଟ୍ ପୋଲିସ୍  ।  ୨୯ ଜଣଙ୍କ ମଧ୍ୟରୁ ଏଯାଏଁ ୭ ଜଣଙ୍କ ଗିରଫ ହୋଇଥିବା ବେଳେ ୨ ଆତ୍ମସମର୍ପଣ କରିଛନ୍ତି  । ହେଲେ ଏବେ ବି ଗ୍ୟାଙ୍ଗର ମୁଖିଆ ବୁବୁର ମିଳୁନି ପତ୍ତା । ବୁବୁ ଓ ତାର ସହଯୋଗୀମାନଙ୍କୁ ଧରିବା ପାଇଁ ଜାଲ ବିଛାଇଛି ପୋଲିସ୍  ।