କରୋନା ହେଲେ କରୋନା ଛାଡିବ ! ବରିଷ୍ଠ ଚିକିତ୍ସକ ଡାକ୍ତର ଜୟନ୍ତ ପଣ୍ଡା କହିଲେ ସଂକ୍ରମଣ ବଢ଼ିଲେ ଭଲ । ଲକ୍ଷଣ ନଥିବା ଲୋକଙ୍କୁ କାହିଁକି ରଖାଯିବ ସଙ୍ଗରୋଧରେ ? ପ୍ରଶ୍ନ ଉଠାଇଲେ ଇନଷ୍ଟିଚ୍ୟୁଟ୍ ଅଫ୍ ଲାଇଫ୍ ସାଇନ୍ସର ନିର୍ଦ୍ଦେଶକ
କନକ ବ୍ୟୁରୋ: ଯେଉଁ ଲୋକମାନଙ୍କ ଠାରେ କରୋନା ଲକ୍ଷଣ ନାହିଁ ସେମାନଙ୍କୁ ସଂଗରୋଧ କେନ୍ଦ୍ରରେ ରଖିବା ଦରକାର ନାହିଁ । ଏଭଳି ମନ୍ତବ୍ୟ ଦେଇଛନ୍ତି, ଇନଷ୍ଟିଟ୍ୟୁଟ୍ ଅଫ୍ ଲାଇପ ସାଇନ୍ସର ନିର୍ଦ୍ଦେଶକ ଅଜୟ ପରିଡା । ସେ ଆହୁରି କହିଛନ୍ତି, ଯେଉଁମାନଙ୍କ ଠାରେ ଲକ୍ଷଣ ଅଛି ସେମାନଙ୍କୁ ସଂଗରୋଧ କେନ୍ଦ୍ରରେ ରଖାଯିବା ଦରକାର । ସେପଟେ ଓଡିଶା ସରକାରଙ୍କ ସ୍ୱାସ୍ଥ୍ୟ ବିଭାଗର ବୈଷୟିକ ପରାମର୍ଶଦାତା ଡାକ୍ତର ଜୟନ୍ତ ପଣ୍ଡା ପରୋକ୍ଷରେ କହିଛନ୍ତି କରୋନା ସଂକ୍ରମଣ ଯେତେ ବଢିଲେ ଭଲ । ସଂକ୍ରମଣ ରୋକିବା ପାଇଁ ଯେତେବେଳେ ସାରା ବିଶ୍ୱ ଲଢେଇ କରୁଛି ସେତେବେଳେ ଜୟନ୍ତ ପଣ୍ଡାଙ୍କ ଏହି ବୟାନ ଆପଣଙ୍କୁ ଆଶ୍ଚର୍ଯ୍ୟ କରିବ ।
Kanak News is now on WhatsApp
Join and get latest news updates delivered to you via WhatsApp
ଜୀବନ ସତା ଉପରେ ଅଧ୍ୟୟନ କରୁଥିବା ଇନଷ୍ଟିଟ୍ୟୁଟ୍ ଅଫ୍ ଲାଇପ ସାଇନ୍ସର ନିର୍ଦ୍ଦେଶକ ଅଜୟ ପରିଡାଙ୍କ ଏହି ମନ୍ତବ୍ୟ କରୋନାକୁ ଏତେ ସାଂଘାତିକ ଦୃଷ୍ଟିରେ ନ ଦେଖିବା ପାଇଁ ଇଙ୍ଗିତ କରୁଛି । ଅଜୟ ପରିଡା କହୁଛନ୍ତି, ୟେ କରୋନା ସେତେ ସାଂଘାତିକ ନୁହେଁ ଏବଂ ଯେଉଁ ବ୍ୟକ୍ତିଙ୍କଠାରେ ଲକ୍ଷଣ ନାହିଁ ତାଙ୍କୁ କ୍ୱାରେଣ୍ଟାଇନ ସେଂଟର ବା ସଙ୍ଗରୋଧ କେନ୍ଦ୍ରରେ ରଖିବା ଦରକାର ନାହିଁ । ଏବେ ପ୍ରଶ୍ନ ଉଠୁଛି କରୋନାକୁ ନେଇ ଆମ କେନ୍ଦ୍ର ଓ ରାଜ୍ୟ ସରକାରଙ୍କ ସତର୍କତା ପରାମର୍ଶ ଓ ପଦକ୍ଷେପ ଅତ୍ୟଧିକ ହୋଇଯାଇଛି କି ?
ସଂକ୍ରମଣ ବ୍ୟାପିଲେ ଭୟ କରିବା ଅନୁଚିତ । ଆକ୍ରାନ୍ତଙ୍କ ସଂଖ୍ୟା ବଢ଼ିଲେ ପରୋକ୍ଷରେ ଏହା ଭଲ । ଏହାଦ୍ୱାରା ସମୂହ ରୋଗ ପ୍ରତିରୋଧକ ଶକ୍ତି ବଢ଼ିିବ । ଏକଥା ଶୁଣି ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିବ । ଯେ ସଂକ୍ରମଣ ବଢିଲେ ଭଲ । ଯେତେବେଳେ ସଂକ୍ରମଣକୁ ରୋକିବା ପାଇଁ ସାରା ବିଶ୍ୱରେ ଲଢେଇ ଜାରି ରହିଛି ଏବଂ ଏଥିପାଇଁ ଦେଶ ଓ ରାଜ୍ୟର ଅର୍ଥନୀତି ଭୁଷୁଡିବାକୁ ବସିଛି ସେତେବେଳେ ଏଭଳି ଯୁକ୍ତି ବାଢିଛନ୍ତି ବରିଷ୍ଠ ଚିକିତ୍ସକ ଡ ଜୟନ୍ତ ପଣ୍ଡା । ସେ କହ୍ିଛନ୍ତି, ଏହା ପଛରେ ଏକ ସତ କଥା ଲୁଚି ରହିଛି । ସେ ହେଉଛି, ଯେତେ ସଂକ୍ରମଣ ବଢିବ ଆମ ଭିତରେ ସମୂହ ରୋଗ ପ୍ରତିରୋଧକ ଶକ୍ତି ବଢିବ ।
ଆମେରିକା ଇଟାଲୀ ଭଳି ମାରାତ୍ମକ ନୁହେଁ ଓଡ଼ିଶାରେ କରୋନା । ଆମେ ଯେମିତି ଭାବିଥିଲୁ ସେତେ ବିପଜ୍ଜନକ ନୁହେଁ କରୋନା ବୋଲି ଜୟନ୍ତ ପଣ୍ଡା କହିଛନ୍ତି । ତେବେ କରୋନା ସଂକ୍ରମଣରୁ ବଂଚିବା ପାଇଁ ମାସ୍କ ବ୍ୟବହାର କରିବା ହାତ ଧୋଇବା ଓ ସାମାଜିକ ଦୂରତା ରକ୍ଷା କରିବା ନିହାତି ଆବଶ୍ୟକ । ଏଥିରେ କୌଣସି ଦ୍ୱିମତ ନାହିଁ । କିନ୍ତୁ ଇନଷ୍ଟିଟ୍ୟୁଟ୍ ଅଫ୍ ଲାଇପ ସାଇନ୍ସର ନିର୍ଦ୍ଦେଶକ ଅଜୟ ପରିଡା ଓ ବରିଷ୍ଠ ଚିକିତ୍ସକ ଡ ଜୟନ୍ତ ପଣ୍ଡାଙ୍କ ପ୍ରତିକ୍ରିୟା ଚିନ୍ତା କରିବା ପାଇଁ ଖୋରାକ ଯୋଗାଇଛି ।
#କରୋନା_ହେଲେ_କରୋନା_ଛାଡିବ! ଆକ୍ରାନ୍ତଙ୍କ ସଂଖ୍ୟା ବଢିବା ଭଲ ବୋଲି କହିଲେ ଡାକ୍ତର ଜୟନ୍ତ ପଣ୍ଡା । ଜାଣନ୍ତୁ ଏହା ପଛର ବଡ କାରଣ କଣ? #KanakNews #Odisha #OdishaFightsCoronaVirus
Posted by Kanak News on Friday, 22 May 2020