ଧରାପଡ଼ିଲେ ମଦୁଆ ବସ୍ ଡ୍ରାଇଭର : ମଦ ପିଇ ଗାଡ଼ି ଚଳାଇବା ବେଳେ କଟକରେ ଦୁଇ ଡ୍ରାଇଭର ଗିରଫ; ୧୦ ହଜାର ଲେଖାଏଁ ଜରିମାନା

ରଦ୍ଦହେଲା ଡ୍ରାଇଭିଂ ଲାଇସେନ୍ସ; ୨ ବସକୁ ଜବତ କଲା ପୁଲିସ୍

128

କନକ ବ୍ୟୁରୋ : ଧରାପଡ଼ିଲେ ମଦୁଆ ବସ୍ ଡ୍ରାଇଭର । କଟକରେ ମଦ ପିଇ ଗାଡ଼ି ଚଳାଇବା ବେଳେ ଦୁଇ ଡ୍ରାଇଭରଙ୍କୁ ଗିରଫ କରାଯିବା ସହ ଦୁଇଟି ବସ୍ ଜବତ ହୋଇଛି । ମଦ ପିଇଥିବା ନେଇ ବ୍ରେଥ୍ ଆନାଲାଇଜର ଯନ୍ତ୍ରରେ ଜଣାପଡ଼ିବା ପରେ ଉଭୟ ଚାଳକଙ୍କୁ ଗିରଫ କରିଛି ପୁଲିସ୍ ।

ଚାଉଳିଆଗଂଜ ଥାନା ନିକଟରେ ଏହି ଦୁଇ ବସ୍ ଡ୍ରାଇଭର ଧରାପଡ଼ିଛନ୍ତି । ବସ୍ ଦୁଇଟି ଅନ୍ତରାଜ୍ୟ ଚଳାଚଳ କରୁଥିଲା । ମଦୁଆ ଡ୍ରାଇଭରଙ୍କୁ ୧୦ ହଜାର ଲେଖାଏଁ ଜରିମାନା ହୋଇଛି । ଏହାସହ ସେମାନଙ୍କ ଡ୍ରାଇଭିଂ ଲାଇସେନ୍ସ ମଧ୍ୟ ରଦ୍ଦ କରାଯାଇଛି । କଟକ ଆରଟିଓ ପକ୍ଷରୁ ଏନେଇ ସୂଚନା ଦିଆଯାଇଛି ।