ନ୍ୟାୟ ପାଇଁ ନେହୁରା ! ରାଷ୍ଟ୍ରପତିଙ୍କୁ ରକ୍ତର ଚିଠି ଲେଖିଲେ ଦୁଇ ଯୁବତୀ ।
କନକ ବ୍ୟୁରୋ: ନ୍ୟାୟ ପାଇଁ ଏମିତି ଗୁହାରୀ , ରାଷ୍ଟ୍ରପତିଙ୍କୁ ରକ୍ତର ଚିଠି ଲେଖିଲେ ଦୁଇ ଯୁବତୀ । ଯାହାକୁ ନେଇ ଏବେ ଜାତୀୟ ଗଣମାଧ୍ୟମରେ ଚର୍ଚ୍ଚାର ବିଷୟ ପାଲଟିଛି । ସୂଚନା ମୁତାବକ ପଞ୍ଜାବର ମୋଗା ସହର ନିବାସୀ ନିଶା ଏବଂ ଅମନଜୋତ୍ କୌର ୨ ଯୁବତୀ ରାଷ୍ଟ୍ରପତି ରାମନାଥ କୋବିନ୍ଦଙ୍କ ପାଖକୁ ରକ୍ତରେ ଚିଠି ଲେଖିଛନ୍ତି । ସେମାନଙ୍କ ବିରୋଧରେ ସ୍ଥାନୀୟ ଲୋକମାନେ ମିଥ୍ୟା ଠକେଇ ମାମଲା ଲଗାଇ ଜାଣିଶୁଣି ଫସାଇ ଥିବା ଅଭିଯୋଗ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏପରିକି ଯଦି ସେମାନଙ୍କୁ ନ୍ୟାୟ ନମିଳେ, ତାଙ୍କ ପରିବାର ସଦସ୍ୟଙ୍କୁ ଇଛାମୃତ୍ୟୁ ନିର୍ଦ୍ଦେଶ ଦେବାକୁ ମଧ୍ୟ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଅନୁରୋଧ କରିଛନ୍ତି । ସେପଟେ ଏନେଇ ସ୍ଥାନୀୟ ଥାନା ଅଧିକାରୀ କୁଲଜିନ୍ଦର୍ ସିଂ କହିଛନ୍ତି ଯେ, ସେମାନଙ୍କ ବିରୋଧରେ ଅପରାଧୀକ ମାମଲା ଦାୟର କରାଯାଇଛି । ଏହାର ତଦନ୍ତ ଜାରି ରହିଛି ।
ବର୍ତ୍ତମାନ ସ୍ଥିତିରେ ଉଭୟ କେନ୍ଦ୍ର ଓ ରାଜ୍ୟର ସରକାରମାନେ ଉପଯୁକ୍ତ ଆଇନ ବ୍ୟବସ୍ଥା ଚାଲୁଥିବା ନେଇ ଦମ୍ଭୋକ୍ତି ବାଢୁଥିବାବେଳେ କିଏ ନ୍ୟାୟ ପାଇଁ ଗୁହାରୀ ହେଉଛି ତ ଆଉ କିଏ ନ୍ୟାୟ ପାଇବା ପାଇଁ ଜୀବନ ହରାଉଛି । ହେଲେ ପଞ୍ଚାବର ଏହି ଦୁଇ ଭଉଣୀ ନ୍ୟାୟ ପାଇଁ ନିଜ ରକ୍ତରେ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଚିଠି ଲେଖି ନ୍ୟାୟ ପାଇଁ ଗୁହାରୀ କରିଛନ୍ତି । ଆଉ ଯଦି ତାଙ୍କୁ ନ୍ୟାୟ ନମିଳେ ସେମାନଙ୍କ ପରିବାର ଇଚ୍ଛାମୃତ୍ୟ ପାଇଁ ମଧ୍ୟ ନିର୍ଦ୍ଦେଶ ଦେବାକୁ ଅନୁରୋଧ କରିଛନ୍ତି ଏହି ଦୁଇ ଯୁବତୀ ।