ତାମିଲନାଡୁ: ଦୁଇଟି ଡୋଜ ଟିକା ନେଇ ନଥିଲେ ମିଳିବନାହିଁ ମଦ

1,100

କନକ ବ୍ୟୁରୋ : ସମସ୍ତ ନାଗରିକଙ୍କୁ ଟିକାଦେବା ପ୍ରୟାସ ଭିତରେ ତାମିଲନାଡୁର ନିଳଗିର ଜିଲ୍ଲା ତରଫରୁ ଏକ ଅଜବ ନିୟମ ଲାଗୁ କରାଯାଇଛି । ନିୟମ ମୁତାବକ ଯେଉଁ ଲୋକମାନେ କରୋନା ଟିକାର ଉଭୟ ଡୋଜ ନେଇ ନାହାନ୍ତି ସେମାନଙ୍କୁ ସରକାରୀ ମଦ ଦୋକାନରେ ମଦ ମିଳିବ ନାହିଁ । ଅର୍ଥାତ କରୋନା ଟିକାର ଉଭୟ ଡୋଜ ନେଇଥିବା ଲୋକମାନଙ୍କୁ କେବଳ ସରକାରୀ ମଦ ଦୋକାନରେ ମଦ ମିଳିବ । ଜିଲ୍ଲାପାଳ ଉଦ୍ଧଗମଣ୍ଡଲମ୍ ଗୁରୁବାର ଦିନ ଜିଲ୍ଲାରେ ଏହି ନିୟମ ଲାଗୁ କରିବା ସହ ଏହା ଲୋକଙ୍କୁ ଟିକା ଲଗାଇବାକୁ ବାଧ୍ୟ କରିବ ବୋଲି କହିଛନ୍ତି ।

ସାମ୍ବାଦିକ ସମ୍ମିଳନୀରେ ଜିଲ୍ଲାପାଳ କହିଛନ୍ତି ଯେ, ଜିଲ୍ଲାରେ ପାଖା ପାଖି ୯୭ ପ୍ରତିଶତ ଲୋକ ଟିକାର ଗୋଟିଏ କିମ୍ବା ୨ ଟି ଡୋଜ ନେଇ ସାରିଛନ୍ତି । ପ୍ରଶାସନ ଚାହୁଁଛି କି ଯେଉଁମାନେ ଦ୍ୱିତୀୟ ଡୋଜ କିମ୍ବା ପ୍ରଥମ ଡୋଜ ନେଇ ନାହାନ୍ତି ସେମାନେ ଟିକା ନେବାକୁ ଟିକା କେନ୍ଦ୍ରକୁ ଆସନ୍ତୁ । କହିରଖୁ କି ତାମିଲନାଡୁର ନିଳଗିର ଜିଲ୍ଲାରେ ଥିବା ସରକାରୀ ମଦ ଦୋକାନରୁ ଏବେ ମଦ କିଣିବାକୁ ହେଲେ ୨ ଟି ଡୋଜ ଟିକା ନେଇଥିବାର ପ୍ରମାଣପତ୍ର ସହ ଆଧାରକାର୍ଡ ବି ଦେଖାଇବାକୁ ହେବ ।

 

କହିରଖୁ କି ଦେଶରେ କରୋନା ସଂକ୍ରମଣ ପୁଣିଥରେ ବୃଦ୍ଧି ପାଇବାରେ ଲାଗିଛି । ଏହି କ୍ରମରେ ଗତ ୨୪ ଘଂଟା ମଧ୍ୟରେ ଦେଶରେ ୪୭,୦୯୨ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଦେଶରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୩,୨୮,୫୭,୯୩୭ କୁ ବୃଦ୍ଧି ପାଇଛି । ଅନ୍ୟପଟେ ସମାନ ସମୟରେ କରୋନା ସଂକ୍ରମଣରେ ଦେଶରେ ୫୦୯ ଜଣଙ୍କ ଜୀବନ ଯାଇଛି    ।